St Matthew 19:16 - Ottawa New Testament Penteteuch and Psalms 1874

¹⁶ Benuh dush, pazhik oogepenaunzekahgoon oo‐oo keëgood, Manoo‐ezhewabezeyun kakenooähmahgayun, wagoonan menoo‐ezhechegawin kaëzhechegayaun, cheöonjeahyahmaun ewh kahgega‐bemahdezewin?

St Matthew 19:16 Iomraidhean Croise

St Matthew 19:15

Oogeähtoowaun ooninjeen emuh weyowening, ewede dush keöonjemahjah.

St Matthew 19:26

Jesus dush oogeguhnuhwahbuhmaun, oo‐oo keënaud, Egewh enenewug kahween oodahgekushketoosenahwah; Kesha‐Muhnedoo dush ween kah gagoo oopwahnuhwetooseen.

St Matthew 19:29

Menik dush egewh kahnuhguhdungig enewh oowegewaumewaun, gamuh enewh wejekewaëwaun, gamuh enewh oodahwamahwaun, gamuh enewh oosewaun, gamuh enewh oogewaun, gamuh kuhya goo enewh wewewaun, gamuh kuhya goo enewh oonejahnesewaun, gamuh kuhya goo ooduhkeemewaun, oonje ewh nindezhenekahzoowin, ningoodwauk suh dush mashquaud menik oogahoodahpenahnahwah, kuhya dush goo tahmeenahwug ewh kahgega‐bemahdezewin

St Matthew 25:46

Medush oogoo kaëzhahjig emuh kahgega‐kooduggezewining: egewh dush quuhyuk‐azhewabezejig emuh kahgega bemahdezewining.

ST. JOHN 10:28

Neen dush nepuggedenahmahwaug ewh kahgega‐bemahdezewin, kah dush wekah tahbahnahdezesewug, kah kuhya ahweyah ningahmuhkummegoosenun oonoo.

ST. JOHN 12:25

Owh suhyahgetood ewh oobemahdezewin oogahwuhnetoon; owh dush shaungandung ewh oobemahdezewin oomah uhkeeng oogahguhnuhwandaun cheöonjekahgega‐bemahdezid.

ST. JOHN 3:15

Kuhkenuh dush egewh duhyabwayanemahjig chebahnahdezesigwah, cheähyahmoowaud dush goo ewh kahgega‐bemahdezewin.

ST. JOHN 4:14

Ahwagwan dush kamenequagwan ewh nebee neen kameenug kah wekah tahkishkahbahgwase; ewh dush nebee kameenug tahahtane emuh weyowing ewh oondahebaun mwahkejewunenig emuh kahgega‐bemahdezewining.

ST. JOHN 5:39

Nunduhkekanduhmook enewh oozhebeëgunun; kedenandaum muh enewh cheoonjeähyahmag kahgega‐bemahdezewin: me dush enewh dabahjemegooyaunin.

ST. JOHN 6:47

Kagate, kagate, kedenenim, Owh duhyabwayanemid oodahyaun ewh kahgega‐bemahdezewin.

ST. JOHN 6:68

Simon Peter dush oogenuhquatuhwaun, Tabaningayun, ahwanan kanahzekahwungidebun? keen muh kedahyaunun enewh kahgega‐bemahdezewine‐ekedoowinun.

OODEZHECHEGAWINEWAH 16:30

Oogesahgejeweenaun dush, oo‐oo keëkedood, Enenewedoog, ahneen kadezhechegayaun cheöonjebemahjeëgooyaun?

ROMANUN 2:7

Enewh ahyaunwahjenejin mekinduhmenid menoo‐ezhewabezewin nunduhwanduhmenid peshegandahgoozewin kuhya kechetwahwezewin kuhya kahgega‐bemahdezewin, oogahmeenaun kahgega‐bemahdezewin:

ROMANUN 5:21

Debishkoo kahezheöogemahkundahmahgamahguk ewh mujje‐ezhewabezewin cheneboong, mesuh nahsaub kaëzheöogemahkundahmahgamahguk ewh shahwanjegawin cheöonje‐quuhyuk‐ezhewabezeëgoozing emuh kahgega‐bemahdezewining oonje owh Jesus Christ Tabanemenung.

I. TIMOTHEUSUN 1:16

Me suh oo‐oo kahoonje‐shahwanemegooyaun, emuh neyowing neen mahyahmahwe mujje‐ezhewabezeyaun, Jesus Christ chewahbundahewad kuhkenuh shuhshebanduhmoowin, cheöonje‐kekenoo‐wahbunduhmoowaud kuhkenuh egewh nahguj kadabwayanemahjig cheöonje‐kahgega‐bemahdezewaud.

I. TIMOTHEUSUN 6:12

Ezhemegahzoon ewh dabwayanduhmoowine megahzoowin, apeecheweyun minjimenun ewh kahgega‐bemahdezewin, me suh ewh kahoonje‐nundoomegooyun, kuhya kahoonje‐wahweenduhmun ewh wanesheshing wahweendahmahgawin emuh anahsuhmewaud nebewah wahyahbunjegajig.

I. TIMOTHEUSUN 6:19

Cheähsunjegoowaud wanesheshing minjemoosechegun ewh kaduhgoomahguk peenish tuhgwishenoomahguk ewh kezhegud, cheminjemenuhmoowaud ewh kahgega‐bemahdezewin.

ENEWH TITUSUN 1:2

Wanje‐ahpanemooyaung ewh kahgega bemahdezewin, ewh kahwahweendahmahgad Kesha‐Muhnedoo kakuhkenuhwishkesigoobun, chepwah mahje‐uhkeewung;

ENEWH TITUSUN 3:7

Ewh quuhyuk‐ezhewabezeëgoozeyung oonje ooshahwanjegawin, chedebandahsooyung nahsaub anandahgwuk ewh kahgega‐bemahdezewine‐ahpanemoowin.

I. JOHN 1:2

(Kemezheshuhwechegahda gooshah ewh bemahdezewin, ningewahbundahmin dush, kuhya nindebahdoodahmin, kuhya keweendahmahgoom ewh kahgega‐bemahdezewin, kahweejewaud enewh Wayoosemindjin kuhya ewh kahwahbundahegooyaung;

I. JOHN 2:25

Me suh maunduh wahweendahmahgawin, kahwahweenduhmuhweyummingid kahgega‐bemahdezewin.

I. JOHN 5:20

Kekekandahmin dush ween kepetuhgwishing Kesha‐Muhnedoo oogwissun, kegemeenegoomin edush nebwahkahwin, cheöonje‐kekanemung owh duhyabwad, kuhya kekekishkahwahnaun owh duhyabwad, mesuh enewh oogwissun Jesus Christ. Mesuh owh kagate Kesha‐Muhnedoowid, mesuh kuhya owh ahyahwid kahgega‐bemahdezewin.

JUDE 1:21

Guhnuhwanindezooyook emuh oosahgeëwawining Kesha‐Muhnedoo, nunduhwahbunduhmag ooshahwanjegawin Tabanemenung Jesus Christ cheöonje‐kahgega‐bemahdezing.