St Matthew 19:11 - Ottawa New Testament Penteteuch and Psalms 1874

¹¹ Oo‐oo dush oogeënaun, Kahween kuhkenuh oodoodahpenunsenahwah oo‐oo ekedoowin, egewh suh atuh mahnindjig.

St Matthew 19:11 Iomraidhean Croise

St Matthew 13:11

Oogenuhquatuhwaun dush, oo‐oo keënaud, Kenuhwah gooshah, kemeenegoom chekekanduhmag enewh kechetwah‐kekanjegawinun emuh keche‐kezhegoong oonje oogemahwewining, wenuhwah dush kahween meenahsewug.

St Matthew 19:10

Oo‐oo dush ooneëgoon enewh ookekenooahmahgunun, Keshpin oo‐oo ezhewabudenig oowedegandewinewaun owh enene kuhya enewh wewun, kahween oonesheshinsenoon ewh wewid.

St Matthew 19:12

Ahyahwug suh ayaqua‐wenenewug, kahezhenegeëgoojig oogeewaun: Ahnind dush ayaqua‐wenenewug, oogeëzheoozheëgoowaun enewh enenewun; kuhya ahnind ayaqua‐wenenewug keëzheoozheëdezoowug, keche‐kezhegoong duhzhe oogemahwewin oonje. Owh kashketood cheoodahpenung, mahnoo oogahoodahpenaun.

I. CORINTHIANUN 7:17

Debishkoo owh Kesha‐Muhnedoo kahezhemuhmeenaud kuhkenuh anduhshenid enewh enenewun, debishkoo owh Tabaningad kahezhenundoomaud kuhkenuh anduhshenid enewh enenewun, me suh kaëzhebemoosanid. Mesuh nahsaub anahkoonegayaun tebe anduhzhe ahyahwahgwan egewh anuhmeähjig.

I. CORINTHIANUN 7:2

Ewh dush ween, oonje peshigwahdezewinun, anduhshid enene oogahahyahwaun tebenuhwa wewun, kuhya anduhshid equa oogahahyahwaun tebenuhwa oonahbamun.

I. CORINTHIANUN 7:35

Oo‐oo dush nindoonje‐kekid cheöondezeyag kenuhwah; kahween kewepuggedenuhmoosenoonim nuhgwahgun, ewh atuh manwahbuhmenahgwuk, cheöonje‐buhmeetuhwag owh Tabaningad kuhnuhga gagoo nundoomeëgoosewag.