St Matthew 18:10 - Ottawa New Testament Penteteuch and Psalms 1874

¹⁰ Aungwahmezeyook suh cheneshebahpenoodahwahsewag pazhik oogoo agahsheëjig; oo‐oo muh kedenenim, Ewede keche‐kezhegoong oodangenemewaun ahpena oowahbundahnahwah oodangwy owh Noos keche‐kezhegoong ayaud.

St Matthew 18:10 Iomraidhean Croise

PSALMS 15:4

Owh kachetwahwanemahsig maje‐ezhewabesenejin: kuhya kachetwahwanemaud enewh quasahnejin Kesha‐Muhnedoon.

PSALMS 17:15

Neen dush ween, kegahmechewahbuhmin emuh quuhyuk ezhewabezewining: ningahtabeganim uhpe quashkooseyaun azhenahgoozeyaun debishkoo keen azhenahgoozeyun.

PSALMS 34:7

Jehovah oodangenemun ookewetaushkahwaun enewh quasegoojin; kuhya oobemahjeäun enewh.

PSALMS 91:11

Oogahguhnoonaun enewh oodangenemun cheguhnuhwanemikwah: chebemahjeïkwah emuh kuhkenuh kemeekunaung.

St Matthew 1:20

Magwah oonoo uhyeëen nahnahgahdahwandung, benuh oogepenaunzekahgoon oodangenemun owh Tabanengad emuh enahbunduhmoowining, akedoonid, Joseph wagwesemik owh David, kago ween shahgwanemookan cheöodahpenuhmahzooyun owh Mary kewedegamahgun, ewh muh kakishkingin Keche oojechaugoong oonje mahkunene.

St Matthew 12:20

Mahyahkushkuk ahsahgunushk kahween oogahpookoobetooseen, kuhya paquananig sasuhbaub kahween oogahahtaünseen, nahnauzh egoo keshinguhdanahzhuhung ewk quuhyukwahdezewin chemahmauzheëwamahguk.

St Matthew 18:14

Mesuh ewh nahsaub, kahween enanduhse owh Koosewah keche‐kezhegoong ayaud, pazhik oonoo agahsheënejin chebahnahdezenid.

St Matthew 18:6

Ahwagwan dush kamujje‐doodahwahgwan pazhik oonoo agahsheënejin duhyabwayanemenejin, ahwahshema tahgeöonesheshinene pootahgune‐ahsineen cheähgoonemindebun, cheähpuggenind dush emuh akoo‐demeeg ewh kechegummee.

St Matthew 2:13

Uhpe kahmahjahwaud, enuh owh Joseph oogenahgoozetahgoon enewh oodangenemun owh Jehovah emuh enahbunduhmoowening akedoonid, Oonishkaun kuhya oodahpen owh ahbenooje kuhya enewh oogeen, ewede dush Egypting ezhenezhemoon, medush ewede kaduhnezeyun peenish egoo petahjemootoonaun: owh muh Herod oogahnundoonawaun enewh ahbenoojeün wenesaud.

St Matthew 2:19

Uhpe dush kahnebood owh Herod, benuh Jehovah oodangenemun oogepenahgoozetahgoon enahbunduhmoowining owh Joseph emuh Egypting.

St Matthew 24:31

Oogahahnoonaun dush enewh oodangenemun, chekezhewawatoonid ewh pootahjegun, kuhya emuh newing enuhkuhkayah wandahnemuk oogahoonjemahwundoonahwaun enewh gagegeninjin anegookwaug ewh kezhik.

ST. LUKE 1:19

Owh dush angen oogenuhquatuhwaun, oo‐oo keënaud, Neen nindow Gabriel, owh nahbahwid emuh enahsuhmuhbid owh Kesha‐Muhnedoo, ningeähnoonegoo dush cheguhnoonenaun, kuhya chewahweenduhmoonaun oonoo minwahjemoowinun.

ST. LUKE 10:16

Owh bazindoonag nebezindaug suh goo; owh dush kabahbahmanemesenoowag kahween nebahbahmanemegoose; kuhya owh kabahbahmanemesig, kahweenoobah-bahmanemahseen enewh kahahnoozhenejin.

ST. LUKE 16:22

Kepuhguhmeähyah dush wah‐owh pahgoosanjega‐wenene keneboo, keëzhewenegood dush enewh angenun emuh Abrahmun oopeendoomoonening: kuhya owh kachetwahwezid enene keneboo, kuhya kepuggedanemah;

OODEZHECHEGAWINEWAH 10:3

Mezheshuh dush oogewahbuhmaun emuh enahbunduhmoowining uhpe shaungusswe‐tebahegunadenig enewh oodangenemun owh Kesha‐Muhnedoo penaunzekahgood, oo‐oo keëgood, Cornelius.

OODEZHECHEGAWINEWAH 12:15

Oo‐oo dush oogeënahwaun, Kekewuhnahdiz. Anegook dush kayahbe keëkedoo, Kagate cheëzhewabuk. Oo‐oo dush keëkedoowug, Me suh enewh oodangenemun.

OODEZHECHEGAWINEWAH 12:23

Bahbega oogepukkedaöogoon enewh oodangenemun owh Tabaningad, kah muh oogepeshegandahgooähseen enewh Kesha‐Muhnedoon: oogeähmoogoon dush enewh muhnetoonsun, keïshquahnahmoo dush.

OODEZHECHEGAWINEWAH 27:23

Kenebahwewun muh pashoo shangeshinaun noongoom ketebekuk, oodangenemun owh Kesha‐Muhnedoo, dabanemid, kuhya owh bameetuhwug,

OODEZHECHEGAWINEWAH 5:19

Oodangenemun dush owh Tabaningad nebah‐tebik oogepahkahkoonaunun euewh kebahquahoode‐weguhmig ishquandamun, kuhya kesahgeje‐weenaud, oo‐oo keëkedood,

ROMANUN 14:10

Wagoonan dush wanje‐tebahkoonud kejekewa? gamuh wagoonan wanje‐neshepahbenoodahwud kejekewa? kuhkenuh suh kenuhwind kegahnebahwemin anahsuhme‐ahyahnig ootebahkoonede‐wuhbewin owh Christ.

ROMANUN 14:21

Tahoonesheshin meejesewun weyaus, kuhya menequa-sewun shooweminahboo, gamuh kuhya gagoo kaöonje‐pukkittashing kejekewa, gamuh wuhsittahwandung, gamuh kanuhneepenezeëgood.

ROMANUN 15:1

Kenuhwind gooshah anduhsheyung mashkahwezeyung kedahnahdahmoowahnahnig egewh shuhyahgwewejig, kah dush kedahminwandumeëdezoosemin.

I. CORINTHIANUN 11:22

Ahneen? kah nuh ween kedahyaunsenahwah enewh wegewaumun kaduhzhe‐weseneyagoobun kuhya kaduhzhe-menequayagoobun? kewebahpenuhdahnahwah nuh ewh Kesha‐Muhnedoo oodahnuhmeä‐weguhmig, kuhya kedahgujjeäug egewh wuhyahnuhdezesigoog? Ahneen kaënenuhgoog? kegahoonje‐wahwezhanemenim nuh? Kah suh ween kewahwezhanemesenoonim.

I. CORINTHIANUN 16:11

Kahween ahweyah oogahneshepahpenoodahwahseen enewh: emuh pezaunezewining mezissekahwik uhpe pahmahjahjin chepenaunzekahwid: nenundahwahbuhmah suh owh kuhya egewh wejekewaëmaug.

I. CORINTHIANUN 9:22

Anahsuhmewaud egewh shuhyahgwewejig debishkoo shahgwewing ningeëzheähyah, cheöonje‐kushkeügwah egewh shuhyahgwewejig: ahnooj nindezhewabezeëdiz anahsuhmewaud kuhkenuh enenewug, ahbetakummig chebemahjeügwah ahnind.

II. CORINTHIANUN 10:1

Benuh dush neen Paul tebenuhwa kepahgoosanemenenim oonje oobakahdezewining kuhya oonookah-dezewining owh Christ, neen katemahgahbuhmenahgoozeyaun uhpe abeeyaunin anduhzhe ahyahyag, noongoom ahbesewaun nekeche nechewiz guhnoonenuhgoog:

II. CORINTHIANUN 10:10

Oomahjebeëgunun suh, ekedoowug, koosegwunoon kuhya mushkahwezemahgudoon; uhpe dush ween egoo abeejin shahgwewe, kuhya kah ningood enandahgwussenene oodekedoowin.

GALATIANUN 6:1

Nejekewaëdoog, kishpin ahweyah enene uhdemenegood ewh mujje‐ezhewabezewin, kenuhwah kakishkahwag owh Keche‐Oojechaug, nayaub ezhekewawenik emuh shahwanjegawin‐oojechaugoomaung; nahnahgahdahwanindezoon koonemah kuhya keen kegahkuhgwatebanemegoo.

THESSALONIANUN 4:8

Owh dush buhyahpenoodahgad kahween oobahpenoodahwahseen enewh enenewun, enewh atuh Kesha‐Muhnedoon, owh kahmeenenung ooKeche‐Oojechaugwun.

I. TIMOTHEUSUN 4:12

Kahween ahweyah oogahneshebahpenoodunse kedooshkenuhwawewin; ezhewabezin suh keen chekekenoowahbuhmikwah egewh duhyabwayandungig, emuh ekedoowining, emuh ezhetwahwining, emuh sahgeëwawining, emuh oojechaugoomaung, emuh dabwayanduhmoowining, emuh peenezewining.

HEBREWUN 1:14

Kah nah ween kuhkenuh oogoo bameetahgajig oojechaugoomaug ahwesewug, ezhenahzhahoondwah chebuhmeetahwahwaud enewh kadebanduhmenejin kahgega‐bemajjeëwawin?

HEBREWUN 9:24

Kah mahween Christ kepeendegase emuh ahnuhmeä‐weguhmigoong ooneenjemaung kahoonje‐oozhechegahdag, ewh kahezhechegahdag debishkoo azhenahgwuk ewh quuhyuk uhyeëe; emuh atuh keche‐kezhegoong kahpeendegad noongoom chenahgoozid emuh anahsuhmuhbid Kesha‐Muhnedoo kenuhwind oonje;

REVELATION 8:2

Kuhya ningewahbuhmaug egewh neezhwahswe angenug nahbahwejig anahsuhmuhbid Kesha‐Muhnedoo; kuhya kemeenahwug neezhwahswe pootahjegunun.