St Matthew 17:18 - Ottawa New Testament Penteteuch and Psalms 1874

¹⁸ Jesus dush oogenuhnebekemaun enewh mujje‐muhnedoon; medush goo kahezhesahguhumenid: kuhya dush owh quewezans ewh uhpe kenoojemooïnd.

St Matthew 17:18 Iomraidhean Croise

St Matthew 12:22

Medush uhpe, kepeetahwind pazhik wamujje‐muhnedoomid, kakepeengwad, kuhya natuh‐kekedoosig: oogenoojemooäun dush, me dush goo owh kakepeengwad kuhya natuh‐kekedoosig kekekedood kuhya kewahbid.

St Matthew 15:28

Jesus dush oogenuhquatuhwaun oo‐oo keënaud, Equa, keche‐enandahgwud suh kedabwayanduhmoowin; azhenundahwanduhmun me ewh kadoodahgooyun. Me dush goo uhpe kenoojemooëmind enewh oodahnun.

St Matthew 17:17

Jesus dush oogenuhquatuhwaun oo‐oo keëkedood, Oh kenuhwah duhyabwayanduhsewag kuhya natah‐kuhgaunzetuhmag bamahdezeyag, ahneen menik kawejewenuhgoog? ahneen menik kabuhbemeweduhmoonenuhgoog? petuhmahweshig suh owh.

St Matthew 17:19

Egewh dush kekenooähmahgunug oogepenaunzekahwahwaun enewh Jesusun kenezhekawezenid, oo‐oo dush keënahwaud, Ahneshwin nenuhwind kekushkeähsewungid chesahgeje‐wabenungid?

St Matthew 9:22

Jesus dush kequakekahbahwe, uhpe dush wuhyahbuhmaud oo‐oo keëkedoo, Nindahnis menoodaän; kedabwayanduhmoowin kenoojemooëgoon. Medush goo uhpe enoojemooïnd owh equa.

ST. MARK 1:34

Oogenoojemooäun dush nebewah ahnooj anahpenanejin, oogesahgeje‐nahzhahwaun dush nebewah mujje‐muhnedoon; kah dush oogepuggedemahwahseen enewh mujje‐muhnedoon chekekedoonid, kekekanemegood muh.

ST. MARK 5:8

Oo‐oo muh ween oogeënaun, Pezahgezekow owh enene, wahnezeyun muhnedoo.

ST. LUKE 4:41

Egewh dush mujje‐muhnedoog oogepesahgeje‐nahwashkahwahwaun nebewah bamahdezenejin, kepepahgewaud dush, oo‐oo keëkedoowaud, Keen kedow owh Christ Oogwissun owh Kesha‐Muhnedoo. Oogenuhneebekemaun dush, kah dush oogepuggedenuhmahwahseen chekekedoonid: oogekekanemegoon muh ween Christ ahwid.

ST. LUKE 8:29

(Oo‐oo mahween oogeënaun enewh wahnezenejin muhnedoon, Pesahgezekow owh enene, Nuhningim muh oogeöodahpenaun: ahnoo dush keminjemahpechegahzoo pewahbikoo‐minjemahpechegunun kuhya tuhkoobejegunun oonje oogepegoobetoonun enewh, keëzhewenegood dush enewh mujje‐muhnedoon emuh buhgwuhduhkummegaung.)

ST. LUKE 9:42

Magwah dush peëzhaud oogeähpuhguhnegoon enewh mujje‐muhnedoon, kuhya kedahdoopebenegood: Jesus dush oogenuhneebikemaun enewh wahnezenejin muhnedoon kuhya dush oogenoojemooäun enewh quewezansun, kuhya dush kepuggedenuhmahwaud enewh oosene.

OODEZHECHEGAWINEWAH 16:18

Nebewah dussoogoon dush oo‐oo keëzhechega. Paul dush, kewuhsittahwandung, kequakekahbahwe oo‐oo dush keënaud enewh muhnedoon, Kekuhgaunzoomin emuh oodezhenekahzoowining owh Jesus Christ chesahgechenahwashkahwud. Oogesahgejenahwashkahwaun ewh uhpe tebahegun.