St Matthew 16:16 - Ottawa New Testament Penteteuch and Psalms 1874

¹⁶ Simon Peter dush oogenuhquatuhwaun oo‐oo keënaud, Kedow suh owh Christ, oogwissun owh bamahdezid Kesha‐Muhnedoo.

St Matthew 16:16 Iomraidhean Croise

PSALMS 2:7

Ningahwahweendaun ewh enahkoonegawin: oo‐oo ningeïk Jehovah, wingwis suh kedow, noongoom kezheguk kegeöogwissemin.

PSALMS 42:2

Ninjechaug ookishkahbahgwanoodahwaun Kesha‐Muhnedoon, bamahdezenejin Kesha‐Muhnedoon: ahneen uhpe kapenahgoozeyaun emuh anahsuhmid Kesha‐Muhnedoo?

St Matthew 1:16

Kuhya dush owh Jacob oogeöogwissenun Josephun oonahbamun owh Mary, mesuh enewh kahnegeëgood Jesus, Christ anind.

St Matthew 14:33

Egewh dush peendonug kahahyahjig oogepeshahgushketahwahwaun, oo‐oo keëkedoowaud, Kagate suh goo kedow oogwissun owh Kesha‐Muhnedoo.

St Matthew 16:15

Oo‐oo dush oodenaun, Ahwanan kuhya kenuhwah azheyag ewh ahweyaun?

St Matthew 26:63

Kah dush kekekedoose owh Jesus. Owh dush keche-sahsahgewejega‐wenene oogenuhquatuhwaun oo‐oo keënaud, Kedaungwahmemin ween oonje owh bamahdezid Kesha‐Muhnedoo, cheweenduhmahweyaung keshpin ahyahwewunan owh Christ oogwissun owh Kesha‐Muhnedoo.

St Matthew 27:54

Uhpe dush owh menesenoo‐oogemah, kuhya enewh kahweejewahjin, ahkahwahbuhmahwaud enewh Jesusun, kahwahbunduhmoowaud ewh uhkee checheengwamahguk, kuhya oonoo kahezhewabukin, kekeche‐sagezewug, oo‐oo keëkedoowaud, Kagate wah‐owh wagwissemegoobunan enewh Kesha‐Muhnedoon.

St Matthew 4:3

Uhpe dush kahpeöodesegood enewh kagwajewanejin oogeëgoon, Keshpin suh Kesha‐Muhnedoo wagwesemik, edun oonoo ahseneen chebahquazhegunewung.

ST. MARK 14:61

Kepezaun‐ahyah dush ween, kah kuhya ningood Kenuhquatunse. Menuhwah owh keche‐sahsahgahwejega‐wenene oogekuhgwajemaun, oo‐oo keënaud, Keen nuh kedow owh Christ, oogwissun owh Mahyahmahwe shahwandahgoozid?

ST. LUKE 2:11

Kenegetahmahgoom suh noongoom kezheguk emuh oodoodanuhwing owh David Bamahjeëwad, mesuh owh Christ owh Tabaningad.

ST. JOHN 1:49

Nathanaël dush oogenuhquatuhwaun oo‐oo enaud, Rabbi, keen suh kedoogwissemik owh Kesha‐Muhnedoo; keen suh kekeche‐oogemahkundahwah owh Israel.

ST. JOHN 11:27

Oo‐oo oodenaun, Aahe, Tabaningayun, nindabwayandum keen cheähweyun owh Christ, Oogwissun owh Kesha‐Muhnedoo, wahpeëzhahgoobunan oomah uhkeeng.

ST. JOHN 20:31

Oonoo dush oozhebeëgahdanoon chedabwayanduhmag Jesus cheähwid owh Christ, Oogwissun owh Kesha‐Muhnedoo; ewh dush dabwayanduhmag cheähyahmag ewh bemahdezewin emuh oodezhenekahzoowining.

ST. JOHN 6:57

Debishkoo kahezhenahzhahood owh Noos bamahdezid, kuhya neen oonje bemahdezeyaun owh Noos; Mesuh kuhya owh kaähmood, neen kaöonjebemahdezid.

ST. JOHN 6:68

Simon Peter dush oogenuhquatuhwaun, Tabaningayun, ahwanan kanahzekahwungidebun? keen muh kedahyaunun enewh kahgega‐bemahdezewine‐ekedoowinun.

ST. JOHN 6:69

Nindabwayandahmin suh kuhya ninkekandahmin, ahweyun owh Christ Oogwissun owh bamahdezid Kesha‐Muhnedoo.

OODEZHECHEGAWINEWAH 14:15

Oo‐oo keëkedoowaud, Enenewedoog, wagoonash wanjeëzhechegayag oonoo uhyeëen? Kuhya nenuhwind nindenenewemin debishkoo goo kenuhwah anahdezeyag nindenahdezemin, kedezhekuhgekemenenim dush chewabenuhmag oonoo kuhkebahdezewinun chequakekahbahwetuhwag dush owh bamahdezid Kesha‐Muhnedoo, owh kahoozhetood kezhik, kuhya uhkee, kuhya kechegummee, kuhya kuhkenuh emuh ayaugin:

OODEZHECHEGAWINEWAH 8:36

Magwah dush uhneähpesekaud, ketuhgwishinoog emuh anduhzhe nebeekaug: owh dush eunuch oo‐oo keëkedoo, Mesuh maunduh nebee; wagoonan kaöonje‐baptizoomegoosewaun?

OODEZHECHEGAWINEWAH 8:37

Philip dush oo‐oo oogeënaun, Kishpin anegookoodaäyun ezhedabwayanduhmun, mahnoo kegahbaptizoomegoo. Ween dush oogenuhquatuhwaun, oo‐oo keëkedoo, Nindabwayanemah owh Jesus Christ oogwissemegood enewh Kesha‐Muhnedoon.

OODEZHECHEGAWINEWAH 9:20

Bahbega dush kekuhgequa emuh ahnuhmeä‐weguhmigoong, keënahjemaud enewh Christun, ahwenid Kesha‐Muhnedoo Oogwissun.

ROMANUN 1:4

Keënahjemind dush cheöogwissemegood enewh Kesha‐Muhnedoon emuh mushkahwezewining, kahezheähyahnid Kache‐peenezenejin oojechaugwun, uhpe kahahbejebaud oonje neboowining:

II. CORINTHIANUN 1:19

Enewh muh Oogwissun Kesha‐Muhnedoo, Jesus Christ, kahdebahjemungid anduhzhe‐ahyahyag neen kuhya Silvanus kuhya Timotheus, kahween aahe kuhya kah keähwese, ween suh aahe kahoonje‐ekedoong.

II. CORINTHIANUN 3:3

Ewh puggukkanduhgoozeyag ahweyag oomahjebeëgun owh Christ nenuhwind kahoozhetooyaung, kahween oozhebeëgun‐ahboong keöonje‐oozhebeëgahdasenoon, Oojechaugwun suh atuh owh bamahdezid Kesha‐Muhnedoo; kahween emuh ahsine‐muzzeneëguning, emuh atuh weyahsewe muzzeneëguning me suh emuh oodaëmaung.

II. CORINTHIANUN 6:16

Wagoonan dush kaöonje‐weedookahgamahguk oodahnuhmeä‐weguhmigoom owh Kesha‐Muhnedoo emuh muzzeneneeng? kenuhwah gooshah kedahwim oodahnuhmeä‐weguhmigoom owh Kesha‐Muhnedoo; debishkoo kahekedoogoobunan owh Kesha‐Muhnedoo, Ningahdah emuh ooweyowewaung, kuhya ningahpahbahmoosa emuh ooweyowewaung, kuhya ningahdooKesha‐Muhnedoomemigoog, kuhya ningahoodahnishenahbamemaug.

DEUTERONOMY 5:26

Ahwanan mah anduhchewaud egewh wahyausewejig, kahnoondung oodinwawinene enewh bamahdezenid Kesha‐Muhnedoon emuh nahwishkoodang oonjekekedoonid, debishkoo nenuhwind kahezhenoonduhmaung, kahbemahdezid dush?

THESSALONIANUN 1:9

Wenuhwah mahween oowahweendahnahwah nindezhewabezewinenaun kahezhepeendegayaung emuh anduhzhe ahyahyag, kuhya kahezhequakekahbahwetuhwag Kesha‐Muhnedoo kewabenagwah egewh muzzeneneeg, chebuhmeetuhwag owh bamahdezid kuhya duhyabwad Kesha‐Muhnedoo;

I. TIMOTHEUSUN 3:15

Kishpin dush kenooäzh oondandeyaun, cheöonjekekanduhmun kaëzhewabezeyunbun emuh Kesha‐Muhnedoo oowegewauming, mesuh oodahnuhmeähwin bamahdezid Kesha‐Muhnedoo, ewh suh wanje‐minjemoosing kuhya wanje‐soongesing ewh dabwawin.

I. TIMOTHEUSUN 4:10

Me suh oo‐oo wanjesunnug‐ahnookeeyung, kuhya wanje‐mujje‐duzzhemegooyung, oonje ahpanemooyung owh bamahdezid Kesha‐Muhnedoo, owh bamahjeäud kuhkenuh enenewun, mamwach edush enewh duhyabwayanduhmenejin.

HEBREWUN 10:31

Kagate kuhgwahnesugge‐nuhnezahnandahgwud chepungeshingebun emuh ooninjeeng owh Bamahdezid Kesha‐Muhnedoo

HEBREWUN 12:22

Kenuhwah dush kegepeöodittahnahwah Zion wahjew, kuhya oodoodanow owh Bamahdezid Kesha‐Muhnedoo, keche‐kezhegoong duhzhe Jerusalem, kuhya kegepenaunzekahwahwaug nebewah mahyahwunjeëdejig angenug.

HEBREWUN 3:12

Ahkahwahbeyook, nejekewaëdoog, koonemah ahweyah kenuhwah anduhsheyag oodahgeähyaun ahyahgoonwatahmoomahguk mujje‐oodaëmah chegenuhguhnaud enewh bamahdezenejin Kesha‐Muhnedoon.

HEBREWUN 9:14

Keche ahwahshema dush ween oomisqueem owh Christ; owh oonje keweedookahgood enewh kuhyahgega‐bemahdezenejin Keche‐Oojechaugwun kepuggedenuhmoowaud enewh Kesha‐Muhnedoon ewh ooweyow kuhnuhga wahnussenoog, kaënandahgwuk chepeenetuhmahgooyag kekekanindezoowinewah oonje enewh neboowine‐ahnookeewinun, chebuhmeetuhwag owh bamahdezid Kesha‐Muhnedoo?

I. JOHN 4:15

Ahwagwan dush kawahweenduhmahgagwan, Jesus oogwissemegood Kesha‐Muhnedoon, ookekishkahwaun Kesha‐Muhnedoon, kuhya ookekishkahgoon Kesha‐Muhnedoon.

I. JOHN 5:20

Kekekandahmin dush ween kepetuhgwishing Kesha‐Muhnedoo oogwissun, kegemeenegoomin edush nebwahkahwin, cheöonje‐kekanemung owh duhyabwad, kuhya kekekishkahwahnaun owh duhyabwad, mesuh enewh oogwissun Jesus Christ. Mesuh owh kagate Kesha‐Muhnedoowid, mesuh kuhya owh ahyahwid kahgega‐bemahdezewin.

I. JOHN 5:5

Ahwanan owh mamauzhetood ewh uhkee? owh suh duhyabwayandung Jesus Christ Kesha‐Muhnedoon oogwissemegood.

REVELATION 7:2

Ningewahbuhmah dush menuhwah pazhik angen wahbuhnoong kepeöonjeed ayaud oodahkookeewuhsegun Bamahdezid Kesha‐Muhnedoo: anegook edush oogepepahgemaun enewh newin angenun kahmeeneminjin chebahnahjetoonid ewh uhkee kuhya ewh kechegummee,