St Matthew 15:11 - Ottawa New Testament Penteteuch and Psalms 1874

¹¹ Kahween ewh paundegamahguk emuh oodooning ooweneëgooseen enene; ewh suh atuh oodooning pahoonzekahnig enene ooweeneëgoon.

St Matthew 15:11 Iomraidhean Croise

PSALMS 10:7

Oodooning mooshkenamahgudene ewh mujje‐kekedoowin kuhya kuhkuhyanezewin kuhya wuhyazhingawin: ahnahme‐danewhing dahgoomahgudene mujje‐doodahgawin kuhya ewh kuhkebahdezewin.

PSALMS 12:2

Kuhkebahje‐kezhwawug uhpe ganoonahwahjin weejduhnuhkeewamahgunewaun: kuhkenuhwishkemahgudene oodoonewaun, kuhya nezhenenewun oodaëwaun azhekekedoowaud.

St Matthew 15:10

Medush kenundoomaud enewh ahneshenahban, oo‐oo dush oogeënaun, Bezinduhmook, kuhya nesittootuhmook.

St Matthew 15:12

Me dush kepenaunzekahgood enewh ookekenooähmahgunun, oo‐oo dush keëgood, Kekekandaun nuh ewh keöosittuhwanduhmoowaud egewh Phariseeg, uhpe kahnoonduhmoowaud ewh kedekedoowin?

ST. MARK 7:15

Kahween gagoo ahgwahjuheëeng atag, kishpin peendegamahguk emuh peenjenah weyowing tahoonjekahgwahnesuggeähse owh enene: enewh atuh wanjesahguhummoomahgukkin emuh ooweyowing, me enewh wenishkahgood owh enene.

ROMANUN 14:14

Nekekandaun, azhepuggukkanduhmoonid owh Tabaningad Jesus Christ, kahween gagoo weenussenoon: kishpin atuh ahweyah weenandung gagoo, tahweenudene ewh.

ROMANUN 14:17

Oodoogemahwewin owh Kesha‐Muhnedoo kahween wesenewin kuhya menequawin ahwunsenoon; me atuh quuhyuk‐ezhewabezewin, kuhya pezaunewawin, kuhya moojegezewin emuh Keche‐oojechaugoong.

ROMANUN 14:20

Kagoo bahnahjetookagoon ewh oodahnookewin owh Kesha‐Muhnedoo wesinewin oonje. Kagate suh peenudoon kuhkenuh wesenewinun; mahnahdudene suh dush owh enene gagoo wahsittahwanindezood wesinid.

I. TIMOTHEUSUN 4:3

Kenahahmahgawaud cheweeweeng, kuhya ekedoowaud chemeejesing meejim, kahoozhetood Kesha‐Muhnedoo cheëzheöodahpenuhmoowaud emuh mahmooyahwawining egewh duhyabwayandungig kuhya kakandungig ewh dabwawin.

ENEWH TITUSUN 1:15

Kuhkenuh ooduhyeemewaun egewh pahnezejig peenudenewun; egewh wahnezejig kuhya duhyabwayanduhsigoog kahween gagoo ooduhyeemewaun peenussenene; pooch oodenanduhmoowinewah kuhya ookekanindezoowinewah weenudenewun.

HEBREWUN 13:9

Kagoo bahbahbezindunkagoon enewh bakaunukkin kuhya mayugukkin kuhgequawinun: oonesheshin muh chesoongedaäëgooyag shahwanjegawine‐weedookahgoowin, kahween wesinewinun enewh ningood kahenahbuttussenoogin cheöondezewahpun egewh kahmeekindungig.

II. PETER 2:18

Uhpe dush muhmequahzoowine‐ekedoowinun azhekezhewawahjin, tahnuhsug ookeöosanahwaun ahyoowaud weyause‐mujje‐nunduhwanduhmoowinun, kuhya peshegwahdezewin, enewh kahtaöozhemoopuneen oonje oonahnezahnezewinene enewh wanishenenejin.