St Matthew 13:39 - Ottawa New Testament Penteteuch and Psalms 1874

³⁹ Owh Shaunganingad kahketegahdung enewh mesuh owh mujje‐muhnedoo; ewh dush pahgwuhshkezhegang mesuh ewh wuhyakwah‐uhkewung; egewh dush puhgwuhsh-kezhega‐wenenewug, mesuh egewh angenug.

St Matthew 13:39 Iomraidhean Croise

St Matthew 12:32

Ahwagwan dush kamujje‐duhzhemahgwan enewh Enene oogwissun, tahwabenahmahwah; ahwagwan dush ween mujje‐duhzhemahgwan enewh Keche oojechaugwun, kahween tahwabenahmahwahse, oomah uhkeeng, gamuh ewede katuhgweshenoomahguk uhkee.

St Matthew 13:22

Owh dush kahsuhswawabenegahzood emuh magwa‐menasahgahwunzhekaug mesuh owh nwaundung ewh ekedoowin, oonzaumandung maunduh uhkee, kuhya ewh azhewuhyazhingamahguk ewh wahnuhdezewin oonje bahquanishkoojechegahda ewh ekedoowin, kah dush menewese.

St Matthew 13:25

Magwah dush nebahwaud egewh enenewug, enewh shaunganemegoojin kepeëzhahwun, kesuhswawabenuhmenid enewh mujje‐mezhushkoon emuh magwa‐buhquazhegunushk, medush kemahjahnid.

St Matthew 13:28

Oo‐oo dush oogeënaun, Shaunganingad suh oo‐oo kedoodum. Egewh dush buhmetahgunug oo‐oo oogeënahwaun, Kedenanememin nuh cheähwemahwundoonahmaung?

St Matthew 13:40

Debishkoo dush azhemahwunjechegahdag enewh mujje‐mezhushkoon, chahgezegahdag dush emuh ishkootang; mesuh kaëzhewabuk uhpe eshquah‐uhkeewung.

St Matthew 13:49

Me suh kaëzhewahbuk uhpe eshquah‐uhkeewung; tahpeëzhahwug egewh angenug, pühkayeëe cheähsahwaud enewh maje‐ëzhewabezenejin emuh dush ween ahyahnid enewh manoo‐ezhewabezenejin.

St Matthew 24:3

Magwah nuhmuhduhbid emuh wahjewing ewh Olives, oogepenaunzekahgoon enewh ookekenooahmahgunun anduhzhe‐nezhekawezid, oo‐oo keëkedoonid, Weenduhmooweshenaum, ahneen uhpe oonoo kaëzhewabuk? ahneen dush kaëzhekekenoowahjechegunewung uhpe wepetuhgwishenun, kuhya weëshquah‐uhkeewung?

St Matthew 25:31

Uhpe petuhgwishing owh Enene oogwissun emuh oopeshegandahgoozewining, pewejewegood dush kuhkenuh enewh kachetwahwezenejin oodangenemun, me ewh uhpe kawawanuhbid emuh oopezhegandahgoozewine oodoogemah‐wuhbewining.

St Matthew 28:20

Kekenooahmahwik dush cheguhnuhwanduhmoowaud kuhkenuh enewh kahezhekuhgekemenuhgoog; benuh dush, kahgenig keweejewenim, nahnauzh egoo ishquah-uhkewung. Amen.

I. CORINTHIANUN 10:11

Benuh dush kuhkenuh oonoo uhyeëen keëzhewabudene, chewahbundahegooyung: kuhya chekuhgekemegooyung oonje‐oozhebeëgahdawun kenuhwind puhguhmish-kahgooyung ewh uhpe gagah weïshquah‐uhkeewung.

II. CORINTHIANUN 11:3

Nesagiz dush, koonemah debishkoo owh mujje‐kenabig kahezhewuhyazhemaud Eveün oonje ookuhkuhyanezewin, mesuh kuhya kenuhwah emuh kedenanduhmoowinewaung kaëzhewahnahjetooyag ewh menoo‐ezhewabezewin emuh Christing anduhgoog.

II. CORINTHIANUN 2:17

Kah suh nenuhwind nindezhewabezesemin azhewabezewaud nebewah ahnind banahjetoojig oodekedoowin owh Kesha‐Muhnedoo: emuh suh dabwawining oonje owh Kesha‐Muhnedoo, emuh anahsuhmid owh Kesha‐Muhnedoo nedebahdooduhmin oodekedoowin owh Christ.

EPHESIANUN 2:2

Kuhyet kahezhebemoosayag, debishkoo azhewabuk oomah uhkeeng, debishkoo azhewabezid owh wagemahkundung ewh kushkeäwezewin emuh mezhah‐kezhegoong atag, owh muhnedoo noongoom anookeed peenjenuh emuh Ooweyowening enewh kagaunzuhtuhmenejin.

HEBREWUN 1:2

Noomuhyah kegeguhnoonegoonaun, keähwaud enewh Oogwissun; enewh kahenahkoonahjin chedebanduhmenid kuhkenuh uhyeëen, enewh kuhya kahahnoonahjin cheöozhetoonid enewh uhkeen;

HEBREWUN 9:26

Kishpin mahween oo‐oo azhewabukebun tahgenundahwandahgooze nuhningim chekootuggandung pahahkoo‐oozhechegahdag ewh uhkee: noongoom suh gagah weïshquah‐uhkeewung ahbeting kepenahgooze cheëkoonung mujje‐ezhewabezewin oonje kesahsahgewetood tebenuhwa weyow.

I. PETER 5:8

Uhnesahdezeyook, kuhya ahyaungwahmezeyook; owh mahween mahgahnenag mujje‐muhnedoo pahbahmoosa, debishkoo pabah‐nekemood mezhebeshee, nunduhwahbuhmaud enewh kaäumwahjin.

JUDE 1:14

Kuhya Enoch owh neezwahching keähneka‐bemahdezid oonje Adam, kezhah oogedebahjemaun enewh, oo‐oo keëkedood. Benuh tahtuhgwishin owh Tabaningad, weejewaud metauching metauswauk enewh anuhmeätahgoojin.

REVELATION 12:9

Owh dush keche‐mujje‐kenabig kesahgeche‐wabenah, owh kata‐kenabig, Mujje‐muhnedoo azhenekahzood, kuhya Satan; me suh owh wuhyazhindung kuhkenuh anegookookummegaug uhkee: uhkeeng dush keëzheähpuggechegahzoo, kuhya mahmahwe kedahgoo‐sahgeje‐wabenegahzoowun enewh oodangenemun.

REVELATION 13:14

Kuhya oowuhyazhemaun kuhkenuh enewh anduhnuhkeenejin emuh uhkeeng oonje enewh mahmaundahwechegunun kahkushketood cheëzhechegad emuh anahsuhmenid enewh ahwaseeün; keënaud enewh anduhnuhkeenejin emuh uhkeeng cheöozhetuhmahwahnid muzzeneneen enewh ahwaseeün, owh kahpukkittaöond ewh ahzhahwashk, kebemahdezid dush.

REVELATION 19:20

Ketuhkoonah dush owh ahwasee kuhya owh kakenuhwishkid aunwahjega‐wenene, kahmahmaundahwejegad anahsuhmid owh ahwasee, kahwuhyazhemaud dush enewh kahkekenoowahjechegahzoonejin ookekenoowahjechegun owh ahwasee, kuhya enewh kahoojecheengwuhnetahwahnejin enewh oomuzzenenemene. Oogoo nuhyazh keähpuggenahwug magwah bemahdezewaud emuh wazahwushkookunag ishkoota sahguheguning.