St Matthew 13:27 - Ottawa New Testament Penteteuch and Psalms 1874

²⁷ Egewh dush bameetahwahjig enewh wawegewaumenejin oogepeënahwaun, Oogemah, kah nuh ween wanesheshing menekaun kegesuhswawabenunsenahbun emuh keketegauning? Ahneshwin dush mujje‐mezhushkookaug?

St Matthew 13:27 Iomraidhean Croise

St Matthew 13:25

Magwah dush nebahwaud egewh enenewug, enewh shaunganemegoojin kepeëzhahwun, kesuhswawabenuhmenid enewh mujje‐mezhushkoon emuh magwa‐buhquazhegunushk, medush kemahjahnid.

St Matthew 13:26

Uhpe dush suhyahguhkemahguk ewh buhquazhegunushk, kuhya anemenewewung, kepeënahgwudoon dush kuhya enewh mujje‐mezhushkoon.

St Matthew 13:28

Oo‐oo dush oogeënaun, Shaunganingad suh oo‐oo kedoodum. Egewh dush buhmetahgunug oo‐oo oogeënahwaun, Kedenanememin nuh cheähwemahwundoonahmaung?

St Matthew 20:1

Ewh muh keche‐kezhegoong duhzhe oogemahwewin enandahgwud debishkoo pazhik wawegewaumid enene, kahsahgahung kekezhab, cheähweähnoonaud kaähnookeenejin emuh ooshoowemine‐ketegauning.

ROMANUN 16:17

Benuh dush kepahgoosanemenim nejekewaëdoog, chekekenoowahjeägwah egewh wazhetoojig pukkaëdewinun kuhya wuhsittahwanindewinun bahnahjetoowaud ewh kuhgequawin kahkuhgekemegooyag: mewishkahwik dush.

I. CORINTHIANUN 16:10

Kishpin dush tuhgwishing owh Timotheus, aungwahmezik cheweejewenag kuhnuhga sagezesig: oomekindaun muh oodahnookeewin owh Tabaningad, debishkoo kuhya neen azhechegayaun.

II. CORINTHIANUN 6:1

Nenuhwind dush, weeje‐ahnookeetuhwungid owh Kesha‐Muhnedoo, kedahyaungwahmegoom ahneshah cheöodahpenunsewag ewh ooshahwanjegawin owh Kesha‐Muhnedoo.

II. CORINTHIANUN 6:4

Ahnooj uhyeëeng chekekandahgoozeyaung chebuhmeetuhwungid Kesha‐Muhnedoo, emuh nebewah soongummunduhmoowining, emuh wesugganduhmoowining, emuh muhnazewining, emuh ketemahgezewining.

JAMES 4:4

Kenuhwah pezhegwauj‐enenewedoog kuhya pezhegwauj‐equawedoog, kah nuh ween kekekanduhsenahwah sahgetoong uhkee mesuh wanje‐sheenganemind Kesha‐Muhnedoo? ahwagwan dush kasahgetoogwan ewh uhkee oosheenganemaun enewh Kesha‐Muhnedoon.