St Matthew 13:24 - Ottawa New Testament Penteteuch and Psalms 1874

²⁴ Menuhwah pazhik ahwajegun oogepuggedenahmahwaun, oo‐oo këekedood, Ewh suh keche‐kezhegoong oonje-oogemahwewin enandahgwud debishkoo pazhik enene, kahsuhswawabenung ewh waneshing menekaun emuh ooketegauning:

St Matthew 13:24 Iomraidhean Croise

St Matthew 13:19

Uhpe ahweyah nwaundung ewh oogemahwewine ekedoowin, nesettootunsig edush, medush peëzhahnid enewh mujjeähyuhahweshun, muhkuhmegood dush enewh kahketegahdanegebun emuh oodaïng. Mesuh owh kahsuhswawabenegahzood emuh mahyahwekunah.

St Matthew 13:25

Magwah dush nebahwaud egewh enenewug, enewh shaunganemegoojin kepeëzhahwun, kesuhswawabenuhmenid enewh mujje‐mezhushkoon emuh magwa‐buhquazhegunushk, medush kemahjahnid.

St Matthew 13:31

Menuhwah dush pazhik ahwajegun oogepuggedenuhmahwaun, oo‐oo keëkedood, Enandahgwud suh keche‐kezhegoong oonje oogemahwewin debishkoo pazhigoominug ewh oozahwuhnushk menekaun, kahoodapenung owh enene keketegahdung dush emuh ooduhkeeming.

St Matthew 13:33

Menuhwah dush ahwajeguning oogeëzheguhnoonaun; Enandahgwud suh ewh keche‐kezhegoong oonje oogemahwewin debishkoo ewh oombejeshkewugesechegun, kahoodahpenung equa, kekahdood dush emuh nesoo‐tebaheguning ewh peseboojegun, nahnauzh kuhkenuh keöombejeshkewuggesing.

St Matthew 13:37

Oogenuhquatuhwaun dush, oo‐oo keënaud, Owh suh kahsuhswawabenung ewh wanesheshing menekaun, mesuh owh Enene oogwissun;

St Matthew 13:47

Menuhwah dush, enandahgwud keche‐kezhegoong oonje oogemahwewin debishkoo ahquahbenahgun, kahpahkoobe‐wabenegahzoonejin emuh kechegumeeng, ahnooj dush mahwunjeïndwah;

St Matthew 18:23

Mesuh dush wanje‐enandahgwuk ewh keche‐kezhegoong oogemahwewin debishkoo pazhik keche‐oogemah, nanduhwanemaud enewh oobuhmeetuhgunun chetebahahmahgood.

St Matthew 20:1

Ewh muh keche‐kezhegoong duhzhe oogemahwewin enandahgwud debishkoo pazhik wawegewaumid enene, kahsahgahung kekezhab, cheähweähnoonaud kaähnookeenejin emuh ooshoowemine‐ketegauning.

St Matthew 21:33

Menuhwah pazhik ahwachegun bezinduhmook: Keähyah suh pazhik wawegewaumid enene, kahoozhetood ewh shoowemene‐ketegaunans, kekewetah‐mejekunahkoobetood, kuhya dush oogewahnekahdaun ewh shoowemenahboo‐ahtahsoowin, kuhya keöozhetood ewh ahkuhwahbewine‐wegewaum, keähweäud dush enewh ketega‐wenenewun, wahsuhwakummig dush keëzhemahjah.

St Matthew 22:2

Ewh keche‐kezhegoong duhzhe oogemahwewin enandahgwud debishkoo pazhik keche‐oogemah, kahoozhetoomahwaud wewekoodahde‐wekoongawin enewh oogwissun,

St Matthew 25:1

Medush uhpe kaënandahgwuk ewh keche‐kezhegoong duhzhe‐oogemahwewin debishkoo metahswe kegaungooquag, kahoodahpenungig oowahsuhkoonanjegunemewaun, keühnesahguhumoowaud dush cheähwenahquashkahwahwaud enewh nahaungishun.

St Matthew 3:2

Akedood, Aunwanindezooyook, zhuhyegwah muh keche‐keezhegoong oonje oogemahwewin pashoo peähyahmahgud.

St Matthew 4:23

Jesus dush kepahbahezhah emuh mezewa Galileeïng, kuhgequad emuh oosynagogueoomewaung kuhya tebahdoodung ewh oogemahwewine minwahjemoowin, kuhya kenoojemootood ahnooj enahpenawinun kuhya ahkoosewinun magwa ahneshenahbang.

ST. LUKE 13:18

Oo‐oo dush keëkedood, Ahneen azhenahgwuk ewh oodoogemahwewin owh Kesha‐Muhnedoo? ahneen dush kaähwatooyaun?

ST. LUKE 13:20

Menuhwah dush keëkedoo, Ahneen kaähwatooyaun ewh oodoogemahwewin owh Kesha‐Muhnedoo?

COLOSSIANUN 1:5

Oonje ewh ahpanemoowin kahahtuhmahgooyag ewede keche‐kezhegoong, kuhyet kahezhenoonduhmag ewh tuhyabwamahguk ekedoowin emuh minwahjemoowining;

I. PETER 1:23

Ewh suh keäunj‐negeyag kahween oonje kabahnahduk menekaun, ewh atuh kabahnahdussenook, me suh oodekedoowin Kesha‐Muhnedoo, bamahdudenig kuhya kuhyahgega‐ahyahmahgudenig.