St Matthew 13:15 - Ottawa New Testament Penteteuch and Psalms 1874

¹⁵ Oogoo muh ahneshenahbag oodaëwaun keche‐wenenoomahgudenewun, ahgahwah noonduhmoog emuh ootahwuggahwaung, kuhya kebuhsungwahbewug, chewahbesigwah dush emuh ooshkinzhegoowaung, kuhya chenoonduhsigwah emuh ootahwuggahwaung, kuhya chenesettootunsigwah emuh oodaëwaung, chegeäunjeïndwahpun, neen dush chegenoojemooügwahpun.

St Matthew 13:15 Iomraidhean Croise

PSALMS 119:70

Oodaëwaun wenenoowenewun debishkoo pemedang: neen dush ween neminwandaun ketebahkoonegawin.

ST. MARK 4:12

Wahbewaud chewahbunduhmoowaud, chekekanduhsigwah dush; kuhya dush noonduhmoowaud chenoonduhmoowaud, chenesetootunsigwah dush; mahgahshah goomuhpe tahgequak‐ezhewabezeähwug cheoonjewabenuhmoowindwah dush oomujjeëzhewabezewinewaun.

ST. LUKE 19:42

Oo‐oo dush keëkedood, Kishpin kekanduhmunbun, keen egoo oo‐oo kekezhegoom enewh uhyeëen dabandahgwukkin emuh kepezaunewawining! noongoom dush ween kekahzootahgoonun cheöonjewahbunduhsewun.

OODEZHECHEGAWINEWAH 28:27

Oogoo muh ahnishenahbag oodaëwaun kechewenenoomahgudenewun, kuhya kuhkebeshawug emuh ootuhwuggahwaung, kuhya oogekebahquahahnahwah ooshkinzhegoowaun, chewahbesigwah emuh ooshkinzhegoowaung kuhya chenoonduhsigwah emuh ootahwuggahwaung, kuhya chenesittootunsigwah emuh oodaëwaung, chegeäunjeïndwahpun, neen dush chenoojemooügwahpun.

OODEZHECHEGAWINEWAH 3:19

Aunwanindezooyook dush ween kenuhwah, cheäunjeëgooyag, chekuhseebeähmahgooyag dush enewh kemujje‐ezhewabezewinewah, cheöonjedebishkoosag enewh aunwabewine‐kezhegudoon oonje anahsuhmuhbid owh Kesha‐Muhnedoo;

OODEZHECHEGAWINEWAH 7:57

Me dush kekeche‐pepahgewaud kuhya kekuhkebe-shaëdezoowug, kuhya oogequaushkoonoodahwahwaun mahmahwe.

II. TIMOTHEUSUN 4:4

Kah dush oogahbezinduhsenahwah ewh dabwawin, oogahbezindahnahwah atuh enewh kewuhnemoowinun.

HEBREWUN 5:11

Nebewah uhyeëen nindahyahmin cheëkedooyaung duhzhemungid wah‐owh, sanuhgukkin chenesittootummingebun, oonje kenuhwah zebiskahje‐bezinduhmag.

REVELATION 22:2

Nahwuhyeëe dush oodanah‐meekunaung, kuhya uhyeduhwuhgaum, seebe kepuhdukkezoo owh bemahdezewine metik metauswe ahshe neezhwuhyug kahëzhemeenewid, kuhya anduhsoo‐keziswahguk keähdittawun enewh meenewinun: metigoong duhzhe ahneebeeshun keënahbududoon chenoojemooïndwah ahnooj azheweenzoojig ahnishenahbag.