St Matthew 12:44 - Ottawa New Testament Penteteuch and Psalms 1874

⁴⁴ Me dush uhpe ekedood, Nindahwauj nengahezhekewa emuh newegewauming kahpeoonjesahguhumaun; uhpe dush tagweshing, oomekaun pezheshigwahtanig, cheguhduhegahdanig, kuhya wahwazhechegahdanig.

St Matthew 12:44 Iomraidhean Croise

St Matthew 12:29

Ahneen dush ahweyah kaëzhekushketoopun chepeendegad emuh oowegewauming owh mashkahwezid enene, chemuhkummaud dush enewh ooduhyeëmene? bahmah atuh keminjemahpenaud mashkahwezenejin, medush uhpe chemuhkummahpun enewh ooduhyeemene emuh oowegewaumening atanegin.

St Matthew 12:43

Uhpe suh owh wahnezid muhnedoo kahsahguhungin emuh eneneeng, pahbahmoosa emuh anduhzhe‐nebekahsenook, nundoonaüng ewh aunwabewin, kah dush oomekunseen.

St Matthew 12:45

Uhnemahjaud dush, oodoodahpenaun neezhwahswe bakahnezenejin muhnedoon ahwahshema majeähyahah-weshewenejin ween dush azheähyaud, kuhya peendegawug, dahwug dush emuh; ewh dush eshquauj azhewabezid owh enene ahwahshema kuhgwahnesuggandahgooze ewh ween azheähyahpun wuhyashkud; me suh kaëzheähyahwaud oogoo noongoom bamahdezejig maje‐ezhewabezejig.

ST. LUKE 11:25

Uhpe dush tagwishingin, oomekaun kecheguhduhe-gahdanig kuhya kewahwazhechegahdanig.

ST. JOHN 12:6

Kahween oo‐oo keöonjekekedoose kepahbahmanemaud enewh katemahgezenejin; ewh suh atuh kekemoodishkid, keguhnuhwandung dush ewh shooneäh‐mooshkemood, keoodahpenemahdezood dush ewh kahahchegahdag emuh.

ST. JOHN 13:2

Kahishquah‐wesenewaud, ahzhuh kahahtuhmuhwaud owh mujje‐muhnedoo emuh oodaëning Judas Iscariotun, Simon oogwissun, chebahtahahnid;

ST. JOHN 13:27

Kahmeenind dush ewh ahpunjegun oogepeendegashkahgoon Satanun. Jesus dush oo‐oo oodenaun, Nuhmunj suh wahezhechegawunan, waweeb ezhechegan.

I. CORINTHIANUN 11:19

Nunduhwandahgwud muh cheähtag pukkaun‐anindewinun emuh anduhzhe‐ahyahyag, cheöonje‐mezheshuhwahbuhmenahgoozewaud egewh manwandahgoozejig kenuhwah anduhsheyag.

EPHESIANUN 2:2

Kuhyet kahezhebemoosayag, debishkoo azhewabuk oomah uhkeeng, debishkoo azhewabezid owh wagemahkundung ewh kushkeäwezewin emuh mezhah‐kezhegoong atag, owh muhnedoo noongoom anookeed peenjenuh emuh Ooweyowening enewh kagaunzuhtuhmenejin.

I. JOHN 2:19

Keöonje‐sahgahahmoog emuh anduhzhe‐mahoonjeëdeyung kah muh kedebandahgoozesewug emuh: kishpin muh debandahgoozewahpun emuh uhpena tahgeäunwahjewug keweedookoonungwahpun; kesahguhmooog dush ween, chekekandahgoozewaud ewh kuhkenuh anduhshewaud keweedookahwesenoowungwah.

I. JOHN 4:4

Kenuhwah dush, ahbenoojewedoog, kedoonejahnesemegoowah Kesha‐Muhnedoo, kuhya kegemahmauzheähwaug oogoo: ahwahshema muh ahpeetandahgooze owh kakishkahwag, dush ween owh ayaud oomah uhkeeng.