St Matthew 12:25 - Ottawa New Testament Penteteuch and Psalms 1874

²⁵ Jesus dush oogekekanemaun ewh ananduhmenid, oo‐oo dush oogeënaun, Anduhching oogemahwewin papukkaun‐anendezoomahguk neshwuhnahdud; kuhya anduhching ewh oodanah gamuh ewh wegewaum mahgahdezoomahguk kahween tahsoongekahbahwemahgussenoon:

St Matthew 12:25 Iomraidhean Croise

PSALMS 139:2

Kekewetah — kahbahwetaunun nebemoosawin kuhya nekuhwishemoowin: kuhya kequuhyukwandaunun kuhkenuh nindezhewabezewinun.

St Matthew 9:4

Jesus dush kekanemaud ewh ananduhmenid, oo‐oo keëkedoo, Wagoonan suh wanjemujje‐enanduhmag emuh kedaëwaung?

ST. MARK 2:8

Bahbega dush Jesus kekekanemaud emuh oojechaugoong oo‐oo cheühyenanduhmenid emuh oodaëning, oo‐oo oodenaun, Ahneshwin oo‐oo uhyenanduhmag emuh kedaewaung?

ST. JOHN 21:17

Medush menuhwah oo‐oo keënaud, me goo nesing, Simon, wagwissemik owh Jonas, kesahgeh nuh? Kekushkandum dush owh Peter nesing keëgood. Kesahgeh nuh? Oo‐oo dush oogeënaun, Tabaningayun kekekandaunun kuhkenuh enewh uhyeëen; kekekanim ewh sahgeënaun. Jesus dush oo‐oo oodenaun, Ahshum nemahnishtahnishemug.

I. CORINTHIANUN 2:11

Ahwanan muh enene kakandung ooduhyeemene enewh enenewun, mesuh atuh enene oojechaugwun enewh peenjenuh ayahwahjin? mesuh kuhya ooduhyeemun owh Kesha Muhnedoo kahween ahweyah ookekanduhsenun, me atuh Oojechaugwun owh Kesha‐Muhnedoo.

GALATIANUN 5:15

Kishpin dush tuhquundeyag kuhya ahmoondeyag, nahnahgahdahwanindezooyook koonemah kegahahpeche‐bahnahjeëdim mamashquaud.

HEBREWUN 4:13

Kuhkenuh menik kahoozhetoojin oowahbundaunun: kuhkenuh dush uhyeëen puhgukkandahgwudoon kuhya mezheshuh‐wahbuhmenahgwudoon emuh ooshkeenzhegoong owh kadebahjemootuhwung kedezhewabezewinenahnin.

REVELATION 16:19

Niswuhyuk dush keëzhenuhnahwishkah ewh keche‐oodanah; kekahwesamahgudenewun dush ookeche‐oodanahwewaun egewh mayugezejig: Kesha‐Muhnedoo dush oogemequandaun ewh kachetwahwandahgwuk Babylon, chemeenaud ewh ooshoowemin‐ahboo‐menequahjegun, mesuh ookeche‐nishkahdezewin.

REVELATION 2:23

Kuhya ningahnetuhmoowah oonejahnesun ewh neboowin; kuhya kuhkenuh egewh anuhmeähjig oogahkekandahnahwah neen ahweyaun owh kakandung enewh peenjenuh atagin kuhya oodaëmaun: kegahmeenenim kuhkenuh anduhsheyag debishkoo anandahgwuk kedahnookeewinewah.