St Matthew 11:25 - Ottawa New Testament Penteteuch and Psalms 1874

²⁵ Jesus dush ewh uhpe kenuhquatum, oo‐oo dush keëkedoo, Kemahmooyahwahmin, oh Noosa! Tabanduhmun ewh kezhik kuhya ewh uhkee, kekahdahmoowudwah oonoo uhyeëen egewh nabwahkahjig, kekekanduhmoonudwah dush egewh ooshke‐ahbenoojeyug.

St Matthew 11:25 Iomraidhean Croise

GENESIS 14:19

Kuhya oogeshahwandahgoozeäun oo‐oo keëkedood, Shahwandahgooze Abram bameetahwaud kache‐ishpandahgoozenejin Kesha‐Muhnedoon, dabanduhmenejin gezhig kuhya uhkee.

GENESIS 14:22

Abram dush oo‐oo oogeënaun enewh Sodoming duhzhe keche‐oogemaun, Ningeöombeninjetuhwah owh Jehovah, mahyahmahwe‐ishpandahgoozid Kesha‐Muhnedoo, dabandung gezhig kuhya uhkee.

PSALMS 8:2

Emuh oodoonewaung egewh ahbenoojeyug kuhya nwaunejig kegeöondenaun ewh mushkahwezewin shaunganemikig oonje: chegebezaunuhbeüd owh nashkaningad kuhya ahyahzhittahwahewad.

St Matthew 16:17

Jesus dush oogenuhquatuhwaun oo‐oo keëkedood, Keshahwandahgooz Simon Barjona: kah mahween weyaus kuhya mesque kegewahbundahegooseen oo‐oo, owh suh ween Noos keche‐kezhegoong ayaud.

St Matthew 21:16

Oo‐oo dush oogeënahwaun, Kenoondahwaug nuh ekedoowaud oogoo? Jesus dush oo‐oo oogeënaun, Aahe; kah nuh wekah kedahginduhsenahwah oo‐oo, Emuh oodoonewaung ahbenoojeüg kuhya nwaunejig kegekezhetoon ewh wahwezhanduhmoowin?

ST. LUKE 22:42

Oo‐oo keëkedood, Noosa, kishpin enanduhmun, ekoonuhmahweshin maunduh menequahjegun; ninduhwauj kahween neen uhyenanduhmaun, keen atuh uhyenanduhmun, tahezhechegam.

ST. LUKE 23:34

Me dush uhpe Jesus keëkekood, Noosa, ahbwayanim; kah muh ookekanduhsenuhwah ewh azhechegawaud. Kemahdahoonedewug dush enewh oodahgwewinun, kuhya dush keähtahdewug.

ST. JOHN 11:41

Oogeëkoonahnahwah dush ewh ahsin emuh shingeshinenid enewh kahneboonejin. Jesus dush oogeöombenaunun ooshkinzhegoon kezhegoong enuhkuhkayah, oo‐oo dush keëkedood, Noosa, kemahmooyahwuhmin ewh kebezinduhweyun.

ST. JOHN 12:27

Noongoom suh ninjechaug megooshkahje‐ahyah; Ahneen dush kaëkedooyaun? Noosa, metahgwanemooweshin oo‐oo kezhik. Nindahwauj edush goo ningahpuhguh-mishkahgoon, me muh wanjeoodissahbundahmaun oo‐oo kezhik.

ST. JOHN 12:28

Noosa, pezhegandahgootoon ewh kedezhenekahzoowin. Kezhegoong dush kepeöonzetahgwud inwawin oo‐oo keëkedoomahguk, Ahzhuh suh ningepeshegandahgootoon, kuhya menuhwah ningahpeshegandahgootoon.

OODEZHECHEGAWINEWAH 17:24

Kesha‐Muhnedoo kahoozhetood uhkee kuhya kuhkenuh emuh atagin, ween egoo tabandung kezhik kuhya uhkee, kahween dahse emuh ahnuhmeä‐weguhmigoong kahoonjeöozhechegahdagin ooneenjemaung;

I. CORINTHIANUN 2:10

Kegewahbunduhegoonaun suh owh Kesha‐Muhnedoo oonje enewh Oojechaugwun: owh muh Keche‐Oojechaug oonoondoonaäunun kuhkenuh uhyeëen, mesuhwah goo kahmoodukkin ooduhyeemun owh Kesha‐Muhnedoo.

II. CORINTHIANUN 3:14

Kekuhkepeengwaähwug emuh oodenanduhmoowinewaung: nahnauzh egoo noongoom‐kezheguk kayahbe duhgoomahgud ewh nahsaub ahgwingwaöon, kah kuhya muhshe ekoonegahdasenoon uhpe aginduhmingin ewh kata-kekindewin; emuh Christing ekoonegahda ewh ahgwingwaöon.