St Matthew 11:23 - Ottawa New Testament Penteteuch and Psalms 1874

²³ Keen dush Capernaum, keche‐kezhegoong enuhkayah wambewejegahzooyun, kegahneswabenegoo emuh mujje‐eshkootang; Keshpin muh enewh mahmaundah‐ahnookewinun, kahezhechegang emuh keen ahyahyun, keëzhechegangebun emuh Sodoming, nahnauzh egoo noongoom‐kezheguk tahgeähyahmahgud.

St Matthew 11:23 Iomraidhean Croise

GENESIS 13:13

Egewh dush ween Sodoming duhzhe enenewug kekuhgwahnesugge‐mujjeëzhewabezewug kuhya kukuhkebahjeche-gawug anahsubmid Jehovah.

St Matthew 10:15

Kagate kedenenim, nahwuj puhbanug tahdoodahchegahda ewh Sodom kuhya Gomorrah duhzhe uhkee uhpe tebahkoonewa‐kezheguk, ewh dush ween oodanah.

St Matthew 16:18

Oo‐oo suh dush kedenin, Keen suh kedow Peter, medush oogejuhyeëe maunduh ahzhebik kaöozhetooyaun ewh ninduhnuhmeähwin; kuhya dush enewh ahnahmuhkummig eshquaundamun kahween oogahshahgoojeëgoosenun.

St Matthew 17:24

Uhpe dush kahtuhgwishenoowaud emuh Capernauming, egewh kahoodahpenungig ewh oogemah‐shooneyah oogepenaunzekahwahwaun enewh Peterun oo‐oo keënahwaud, Kah nuh ween owh kakenooahmoonag tebahahmahgase ewh oogemah‐shooneyah?

St Matthew 4:13

Kuhya nuhguhdung ewh Nazereth, kepeöodatoo dush emuh Capernaüming, cheguhbeeg duhzhe oodanah, cheguhyëe emuh Zebuloning kuhya Nephthaliming.

St Matthew 8:5

Uhpe dush Jesus kahtuhgweshing emuh Capernauming, oogepenaunzekahgoon enewh menesenoo‐oogemaun, oogepahgoosanemegoon dush.

ST. LUKE 10:15

Keen dush Capernaum, peenish keche‐kezhegoong wambenegahzooyun, emuh mujje‐ishkootang kegahneswabenegoo.

ST. LUKE 14:11

Ahwagwan muh ashpandahgooëdezoogwan tahtahbussandahgoozeäh, owh dush dabussanindezood tahishpandahgooäh.

ST. LUKE 16:23

Ewede dush mujje‐ishkootang keöombishkinzhegwane kekooduggetood, oogewahbuhmaun dush Abrahamun wahsuh ahyahnid, kuhya Lazarusun emuh oopeendoomoowining.

ST. LUKE 4:23

Oo‐oo dush oogeënaun, Ahbettakummig kegahezhim maunduh ahwachegun, Mashkeke‐weneneweyun, nahnaundahweëdezoon; wagoodoogwan kahenettahmoowaungan keëzhechegayun emuh Capernauming, kuhya oomuh ezhechegen emuh tebenuhwa kedunduhnuhkeewining.

OODEZHECHEGAWINEWAH 2:27

Kah muh kegahnuhguhnahse owh ninjechaug ewede ahnahmuhkummig, kah dush kegahpuhgedenuhmahwahse owh Pahnezid Kegwis chewahbundung ewh bahnahdezewin.

OODEZHECHEGAWINEWAH 2:31

Kezhah dush kewahbundung oo‐oo oogeöonjeduhzhindaun oodahbejebahwin owh Christ, ween oojechaugwun kahween kenuhguhduhmuhwahse ewede ahnahmuhkummig, kah kuhya ooweyow kebahnahdezemahgussene.

JUDE 1:7

Debishkoo kuhya Sodom kuhya Gomorrha, kuhya enewh oodanahwun emuh kewetuhyeëe kahahyaugin kahezhepuggedenedezoomahguk emuh peshegwahdezewining, kuhya kenoopenuhduhmoomahguk ewh mayugguk weyausemah, pagedenegahdanoon chekekenoowahbunduhming, koodugganduhmoomahguk emuh kahgega ishkootang ahzhittah doodahjegahdanoon.

REVELATION 1:18

Nindow owh bamahdezid, kuhya kahnebood; Benuh dush, nekahgega‐bemahdiz, Amen; kuhya nindahyaunun enewh ahnaumuhkummig kuhya neboowine kedahpuhkuhegunun.

REVELATION 11:8

Kuhya dush ooweyowewaun tahahtanewun emuh muhyahwekunah keche‐oodanaung, ewh Sodom kuhya Egypt azhenekahdag uhpe anduhzhinduhmingin wajechaugwandahgwukkin uhyeëen, kahduhzhe‐suhsuhgahquahoond owh Tabanemenung.

REVELATION 20:13

Kechegummeeng keöonje‐puggedenegahzoowug egewh naboojig ayahpuneeg emuh, neboowining dush kuhya ahnahmuhkummig keöonje‐puggedenegahzoowug egewh naboojig emuh ayahpuneeg: Anduhshewaud dush keëzhete-bahkoonahwug debishkoo anandahgwudenig oodahnookeewinewah.

REVELATION 6:8

Ningeënaub dush, kuhya ningewahbuhmah wazahwezid papazhegookunzhe, Neboowin dush keëzhenekahzoo owh pamoomegood, kuhya oogenoopenuhnegoon enewh ahnahmuhkummig ayahnejin: kemeenahwug dush ahnind ewh uhkee cheneshewawaud ahyoowaud ahzhahwashk, kuhya puhkuddawin kuhya ewh neboowin, kuhya enewh uhkeeng duhzhe ahwaseeyun.