St Matthew 11:21 - Ottawa New Testament Penteteuch and Psalms 1874

²¹ Kuhgwahnesugguhkummig suh keen, Chorazin! kuhgwahnesugguhkummig keen, Bethsaida! keshpin mahween enewh mahmaundah‐ahnookewinun kahezhechegang emuh ahyahyun, keëzhechegangebun emuh Tyreing kuhya Sidoning, maweshah tahgeäunwanendezoowug emuh mushkemoodawagining kuhya pengweeng.

St Matthew 11:21 Iomraidhean Croise

St Matthew 11:22

Kedenenim suh dush nahwuj puhbanuk tahdoodahjegahda ewh Tyre kuhya ewh Sidon uhpe tebahkoonewawine‐kezheguk, kenuhwah dush ween.

St Matthew 15:21

Ewede dush kahoonjemahjaud owh Jesus, keëzhaud ewede anuhkakumig Tyre, kuhya Sidon.

St Matthew 18:7

Kahgwahnesuhguhkumig suh ewh uhkee oonje mujje‐doodahgawinun! pooch mahween tahtuhgwishenoomahgudoon mujje‐doodahgawinun; kahgwahnesuggeze suh owh enene kaöonjeemahgudenegwan ewh mujje‐doodahgawin!

St Matthew 26:24

Owh suh Enene oogwissun mahjah debishkoo anahjemind emuh oozhebeëguning: tahkeche‐kooduggeze suh owh enene kabahtahaud enewh Enene oogwissun nahwuj tahgeooneshenene owh enene wekah negesegoobun.

ST. MARK 3:8

Kuhya Jerusaleming, kuhya Idumeäïng, kuhya ahgauming Jordan; kuhya dush egewh anduhnuhkeejig emuh jeguhyeëeng Tyre kuhya Sidon, kekeche‐meshenoowug, uhpe noonduhmoowaud eëwh azhekeche‐ahnookeed, oogepenaunzekahwahwaun.

ST. MARK 6:45

Bahbega oogekahgaunzoomaun enewh ookekenooähmahgunun ketwa chepoozenid emuh nahbequauning, kuhya negaun cheähzhahwaoöwaud ewede ahgahming Bethsaida, apeech mahjenahzhahwaud enewh ahnishenahban.

ST. MARK 7:24

Me dush emuh keoonjepuhsegweed, keëzhemahjaud dush emuh uhkeeng cheguhyeëe Tyre kuhya Sidon anduhgoog, wegewauming kepeendega, kah dush keënanduhse ahweyah chekekandung: kahween dush oogekushketooseen chekahzood.

ST. MARK 7:31

Menuhwah dush, emuh cheguhyuheeng Tyre kuhya Sidon oonjemahjaud, keëzhah emuh Galilee kechegummeeng, keshahbooshkung dush Decapolis adumming uhkee.

ST. MARK 8:22

Peëzhah dush emuh Bethsaidaïng; kepeetahmahwah dush kakepeengwanejin enenewun, kepahgoosanemah dush chetaungenaud.

ST. LUKE 4:26

Kah dush ahweyah keëzhenahzhahmahwahse Elias, me atuh emuh Sareptaïng, Sidon duhzhe oodanah, enewh equawun kahshegahwenejin.

ST. LUKE 6:17

Uhpe kahweejenesahkewamaud, kenebahwe emuh mushkootang, kuhkenuh ookekenooähmahgunun, kuhya keche‐nebewah ahnishenahban kahpeöonjebahnejin emuh kuhkenuh anegookwaug ewh Judeaing duhzhe uhkee, kuhya emuh Jerusaleming, kuhya emuh Tyring, cheege‐kechegummee anduhgoog, kuhya emuh Sidoning kahpeëzhahnejin, chebezindahgood kuhya chenoojemooëmind ewh anahpenanid;

ST. LUKE 9:10

Kahpiskahbewaud egewh ahpostleüg oogeweenduhmahwahwaun ewh kahezhechegawaud. Oogeöodahpenaun dush, kuhya puhkayeëe oogeëzheweenaun emuh buhgwuhduhkummig, chegeöodanah Bethsaida kahezehenekahdag.

ST. JOHN 1:44

Bethsaidaïng keöonjebahgoobun owh Philip, oodoodanuhwewah owh Andrew kuhya owh Peter.

ST. JOHN 12:21

Oogoo dush oogepenaunzekahwahwaun enewh Philipun, enewh kahoonjebahnejin ewede Bethsaidaïng Galileeïng duhzhe oodanaung: oogeguhgwajemahwaun oo‐oo keëkedoowaud, Oogemah, nenundahwandahmin chewahbuhmungid owh Jesus.

OODEZHECHEGAWINEWAH 12:20

Herod dush ooge‐keche‐nishkanemaun enewh Tyreing kuhya Sidoning anduhnuhkeenejin: mahmahwe dush oogepenaunzekahwaun enewh, uhpe dush kahweejekewaë-mahwaud enewh Blastusun ganuhwanduhmenejin keche‐oogemah ooduhbenahsoowin, kenundoodahmahgawug chepoonaninding; keche‐oogemah ooduhkeeming muh kahoondenegahdag meejim emuh ooduhkemewaung.

OODEZHECHEGAWINEWAH 27:3

Wahyahbung dush ningetuhgwishenoomin emuh Sidoning. Julius dush oogemenoo‐doodahwaun enewh Paulun, kuhya oogepuggedenuhmahwaun cheëzhahnid enewh kakanemahjin cheshahwanemegood enewh.

JUDE 1:11

Tahkuhgwahnesugge‐ketemahgezewug oogoo! kebemoosawug muh emuh oomeekunaung Cain, kuhya keche anegook oogenoopenuhdoonahwah ookuhkebahdezewin Balaam chekushketuhmahzoowaud ewh tebenuhwawezewin, kuhya kebahnahdezewug emuh ookuhgaunzetuhmoowining Core.

REVELATION 11:3

Ningahmeenaug dush egewh neezh anoonuggig dabahjemoojig ewh kushkeäwezewin, tahaunwahjegawug dush metauswauk ahshe neezhwauk ahshe ningoodwahswe‐meduhnuh kezhegudoon, mushkemoodegine ahgwewinun kaähgwewaud.

REVELATION 6:12

Ningeënaub edush uhpe kahpahkenung ewh akoo ningoodwahching ahkookeewuhsegun, benuh dush kekeche‐cheengwakummegah; kuhya kemuhkuhdawahbekeze owh kezis debishkoo mushkemoodegining ahwasee oopewying wanje‐oozhechegahdag, kuhya misqueeng kezhenahgooze tebike‐kezis.