St Matthew 11:11 - Ottawa New Testament Penteteuch and Psalms 1874

¹¹ Kagate kedenenim, Anduhchewaud egewh equawun kahoonjenegejig kahween ahweyah ketuhgwishinse ahwahshema apetandahgoozid apetandahgoozid owh John Baptizewa‐wenene: owh dush ween kache noondaush ahpetandahgoozid emuh keche‐kezhegoong oonje oogemahwewining ahwahshema ahpetandahgooze dush ween wah‐owh John.

St Matthew 11:11 Iomraidhean Croise

PSALMS 51:5

Benuh, ningeëzheëneneweëgoo emuh mujje‐ezhewabezewining: kuhya emuh mujje‐uhyeëewishing ningeëzheöonejahnesemik ninguh.

St Matthew 11:10

Me muh oo‐oo anahjemind emuh kechetwah‐oozhebeëguning, Benuh, nenegaunahzhahwah nemezhemuhwam kaëneëzhahyun, me owh kawahwazhesetood kedezhahwinun anahsuhmekahbahweyun.

St Matthew 11:12

Pahahkoobemahdezid owh John Boptizewa‐wenene nuhnauzh egoo noongoom mushkahwezewining oonje oodahpenegahda keche‐kezhegoong oonje oogemahwewin, kuhya egewh mashkahwezejig ketwa oodoodahpenahnahwah,

St Matthew 3:1

Emuh oonoo kezhegudoon tuhgweshin owh John Baptizooëwa‐wenene, duhzhe‐kuhgequad emuh buhgwuhduhkummig Judea.

St Matthew 3:11

Neen suh kebaptizoomenim nebee ahyooyaun cheäunwanindezoong; owh dush pahnoopenuhzhid ahwahshema mushkahweze neen dush ween, kah suh nindahpetandahgoozese chepemewetoowug enewh oomuhkissinun, mesuh kabaptizooweënag Keche‐oojechaug kuhya emuh ishkootang.

St Matthew 5:19

Ahwagwan dush kabahnahjetoogwan oonoo agahsingin enahkoonegawinun, ewh dush ezhekekenooähmahwaud enewh enenewun, ahpeche noondaush apeetandahgoozid tahezhenekahzoo emuh keche‐kezhegoong oogemahwewening: ahwagwan dush kadezhechegagwan kuhya kadezhekekenooähmahgagwan, kache ahpeetandahgoozid tahezhenekahzoo emuh keche‐kezhegoong oogemahwewening.

ST. LUKE 1:15

Tahkeche‐ahpetandahgooze dush emuh enahsuhmuhbid owh Tabaningad; kah dush oogahmenequaseen ewh shooweminahboo kuhya mashkahwahgummig menequawin: oogahmooshkenashkahgoon enewh Keche‐Oojechaugwun, pooch kekishkahgood enewh oogeen.

ST. LUKE 7:28

Kedenenim suh goo, anduhchewaud egewh equang kahoonje‐neegejig, kahween ahweyah ahwahshema ahpeetandahgoozese, apeetandahgoozid owh John Baptizooëwa‐wenene; owh dush ween kache‐noondaush ahpeetandahgoozid emuh oodoogemahwewining owh Kesha‐Muhnedoo ahwahshema ahpeetandahgooze dush ween owh.

ST. LUKE 9:48

Oo‐oo dush oogeënaun enewh ookekenooähmahgunun, Ahwagwan kaöodahpenahgwan oonoo ahbenoojeün emuh nindezhenekahzoowining, mesuh owh wadahpenid: ahwagwan dush wadahpenegwan, mesuh owh wadahpenaud enewh kahahnoozhejin: owh muh kache‐ahgahsheëïd emuh ahyahyag, mesuh owh kakeche‐ahpeetandahgoozid.

ST. JOHN 1:15

John dush oogedebahjemaun, kepepahgid, oo‐oo keëkedood, Mesuh wah‐owh oo‐oo keënahjemugebun, Owh pahnoopenuhzhid ahwahshema ahpetandahgooze neen dush ween, chepwah muh ahyahyaun, ahyahbun.

ST. JOHN 1:27

Me owh pahnoopenuhzhid ahwahshema apetandahgoozid neen dush ween, oomuhkesine‐tuhkoobejegunun kahween nintaähpetandahgoozese cheähbahahmahwug.

ST. JOHN 10:41

Nebewah dush oogepenaunzekahgoon, oo‐oo dush keëgood, Kahween kuhnuhga kemahmaundahwejegase owh John: kuhkenuh dush ween kahuhyenahjemaud owh John oonoo enenewun, kedabwamahgudoon.

ST. JOHN 3:30

Ween ashkum tahkechetwahwandahgooze, neen dush ween ashkum noondaush ningahahpetandahgooz.

ST. JOHN 5:35

Kache‐minwahketag wahsuhkoonanjegun keähwe: wanebik dush kegeminwandahnahwah dush ewh oowahsayahzewin.

ST. JOHN 7:39

Oo‐oo dush kekeëdoo kedebahjemaud enewh Oojechaugwun, enewh kaöodahpenahwahjin enewh duhyabwayanemegoojin: kah muh muhshe kemeegewaseem owh Keche‐Oojechaug, kah muh muhshe kepeshegandahgooähse owh Jesus.

I. CORINTHIANUN 15:9

Ahpeche muh noondaush nindahpeetandahgooz dush ween apeetandahgoozewaud kuhkenuh egewh Apostleüg, kah suh dush nintaähpeetandahgoozese Apostle cheëzheweenegooyaunbaun, ningekooduggetoon muh oodahnuhmeähwin owh Kesha‐Muhnedoo.

I. CORINTHIANUN 6:4

Kishpin dush ahyahmag tebahkoonedewinun wetebahkoonegahdag enewh uhyeëen dabandahgwukkin oomah bemahdezewining mahnoo kegahahsahwaug kache‐noondaush‐ahpeetandahgoozejig emuh ahnuhmeähwining chetebahkoonegawaud.

EPHESIANUN 2:3

Mahmahwe kuhya kenuhwind kuhyet kegeëzhewabezeminahbun emuh azhemujje‐nunduhwanduhmoomahguk keweyausenaun, debishkoosetooyungoobun enewh weyausewine nunduhwanduhmoowinun, kuhya kedenanduhmoowinenahnin; andahgwuk dush kenuhwind tebenuhwa kedenahdezewinenahnin, kegeöonejahnesemegoonaun ewh nishkahdezewin, debishkoo goo pakaunezejig.

EPHESIANUN 3:8

Maunduh shahwanjegawin ningemeenegoo, neen egoo mahyahmahwe noondaush ahpeetandahgoozid manoo‐ahnuhmeäud, chedebahjemootuhwugwah egewh mahyuggezejig enewh tuhyakekanjegahdasenoogin oowahnuhdezewinun Christ;

II. TIMOTHEUSUN 1:10

Noongoom dush mazheshahwejegahdag oonje ewh kenahgoozid Jesus Christ bamahjeënung, kuhya kahbahnahjetood ewh neboowin, kuhya kemezheshahwissittood ewh bemahdezewin kuhya ewh kahgega‐bemahdezewin oonje ewh minwahjemoowin:

HEBREWUN 11:40

Kesha‐Muhnedoo kemeenenung ewh nahwuj wanesheshinguhyeëe, cheähpeche‐shahwandahgoozesigwah wenuhwah, chepwah ahyahyung kenuhwind.

I. PETER 1:10

Me suh oo‐oo bemahjeëwawin kahnunduh‐kekanduhmoowaud kuhya wahweenga kahnundoonaähmoowaud egewh aunwahjega‐wenenewug, kezhah kahdebahdoodungig ewh shahwanjegawin kahpeöodissegooyag: