St Matthew 10:5 - Ottawa New Testament Penteteuch and Psalms 1874

⁵ Oonoo metahswe‐ahshe‐neezh owh Jesus oogemahjenahzhahwaun, keähnoonaud, oo‐oo keëkedood, Emuh oomeekunahwaung egewh mayugezejig kagoo uhneëzhahkagoon, kuhya emuh oodoodanahwewaung egewh Samaritineüg kagoo peendegakagoon:

St Matthew 10:5 Iomraidhean Croise

St Matthew 22:3

Kemahjenahzhahwaud dush enewh oobuhmeetahgunun chenundoomahnid enewh kahwekoomindjin: kah dush keënanduhsewun chepeëzhahnid.

St Matthew 4:15

Zebulon uhkee kuhya Nephthalim uhkee emuh anuhkagaum ewh kechegummee, ahgahming Jordan, mayuggezejig ooGalileemewah.

ST. MARK 6:7

Oogenundoomaun dush enewh metahswe‐ahshe‐neezh kekenooähmahgunun, kuhya kemahjetah chemahjenahzhahwaud naneezh; oogemeenaun dush chekushkeähnid enewh wahnezenejin muhnedoon;

ST. LUKE 10:1

Uhpe dush kahishquah‐ezhewabuk oonoo, owh Tabaningad oogeënahkoonaun neezhwahswe‐meduhnuh bakahnezenejin, keëzhenahzhahwaud, naneezh ewede enahkuhkayah wahuhneëzhaud, emuh anduhching enewh oodanahwun kuhya tebe wahuhneëzhahgoobunan.

ST. LUKE 10:33

Pazhik dush Samaria duhzhe enene, magwah bahbahmahdezid, oogepenaunzekahwaun: uhpe dush kahwahbuhmaud, oogeketemahganemaun.

ST. LUKE 17:16

Keähpuhgezoo emuh oosittahning, kemahmooyahwuhmaud edush; Samariaïng duhzhe‐enenewegoobun dush wah‐owh.

ST. LUKE 9:1

Uhpe dush kahmahwunzoomaud enewh metahswe‐ahshe‐neezh kekenooähmahgunun, oogemeenaun kushkeawezewin chesahgeje‐wabenahnid kuhkenuh enewh mujje‐muhnedoon, kuhya chenoojemooähnid ahnooj anahpenanejin ahyahkoosenejin.

ST. LUKE 9:2

Oogemahjenahzhahwaun dush chedebahdooduhmenid ewh oodoogemahwewin owh Kesha‐Muhnedoo, kuhya chenoojemooähnid enewh ahyahkoosenejin.

ST. JOHN 17:18

Debishkoo kahpeëzhenahzhahooyun oomah uhkeeng, mesuh ewh kuhya neen kahezhenahzhahwugwah oogoo emuh uhkeeng.

ST. JOHN 20:21

Menuhwah dush oo‐oo oogeënaun owh Jesus, Ahyahmook ewh pezaunewawin, Kahezheëzhenahzhahood owh Wayoosemind mesuh kuhya neen azheëzhenahzhahoonenuhgoog.

ST. JOHN 4:20

Noosenahnig keduhzhe‐ahnuhmeähwug oomah wahjewing; kenuhwah dush kedekedoom, Jerusaleming suh kaduhzhe‐ahnuhmeähwahpun egewh bamahdezejig.

ST. JOHN 4:5

Keühnetuhgwishin dush emuh Samaria duhzhe oodanaung Sychar azhenekahdag, cheguhyeëe emuh ahyaug ewh ketegaunans owh Jacob kahmeenaud enewh oogwissun Josephun.

ST. JOHN 4:9

Oo‐oo dush oodegoon enewh Samaria duhzhe‐equan, Ahneeshwin keen Jew‐weneneweyun nundooduhmooweyun neen Samaria duhzhe equaweyaun ewh kamenequayun? kah muh egewh Jewyug ooweejekewaëmahsewaun enewh Samaria‐wenenewun.

ST. JOHN 7:35

Egewh dush Jewyug, oo‐oo keëzheguhnoonedewug, Ahneende wahezhaud, ewh chemekahwahsewung? tahezhah nuh anduhzhe ahyahwaud egewh saswashkahjig anduhnuhkeejig emuh mayug‐ahnishenahbakaug, chekekenooahmahwaud edush enewh mahyug‐ahnishenahban?

ST. JOHN 8:48

Egewh dush Jewyug oogenuhquatuhwahwaun oo‐oo keënahwaud, Kah nuh ween quuhyuk nindekedoosemin, keSamaria‐wenenewh, kuhya dush kedahyahwah mujje‐muhnedoo?

OODEZHECHEGAWINEWAH 1:8

Kegahoodahpenahnahwah dush ewh mushkahwezewin, uhpe keöodissenag owh Keche‐Oojechaug: kegahdebahjemim dush emuh Jerusaleming, kuhya kuhkenuh anegookwaug Judæa, kuhya Samaria, kuhya nahnauzh wuhyaquahkummegaug uhkee.

OODEZHECHEGAWINEWAH 10:45

Egewh dush kahkekenoowahje‐kishkezhegahzoojig kahdabwayandungig kemahmahkahdanduhmoog, menik kahpemewejewahpuneeg enewh Peterun, ewh oonje kepeseegenuhmahwindwah egewh mayuggezejig oomeegewawin owh Keche‐Oojechaug.

OODEZHECHEGAWINEWAH 8:1

Saul dush keweedookahzoo uhpe kahnesemind enewh Stephenun. Ewh dush uhpe kekeche‐mekinjeähwug egewh anuhmeähjig ewede Jerusaleming kahahyahjig; keëzhesuhswashkahwahwug emuh anegookekummegaug Judæa kuhya Samaria duhzhe uhkee, egewh atuh apostleüg kahween.

THESSALONIANUN 2:16

Kenahahmahweyungidwah cheguhnoonemungidwah egewh mayuggezejig chebemahjeïndwahpun: oomooshkenuhtoonahwah ewh tebahegun wanje‐tebahegahdanig oomujje‐ezhewabezewinewaun: magwah dush oopeöodisse-goonahwah keche nebewah ewh nishkahdezewin.