St Matthew 10:40 - Ottawa New Testament Penteteuch and Psalms 1874

⁴⁰ Owh suh wadahpenenoowagwan me suh goo kuhya neen wadahpenid; kuhya owh wadahpenegwan me suh kuhya goo wadahpenaud enewh kahahnoozhejin.

St Matthew 10:40 Iomraidhean Croise

St Matthew 18:5

Ahwagwan dush wadapenahgwan pazhik oonoo denoowun ahbenoojeün emuh nindezhenekahzoowining nindoodahpenik suh.

St Matthew 25:40

Owh dush keche‐oogemah oogahnuhquatuhwaun oo‐oo cheënaud, Kagate kedenenim, ewh menik oo‐oo kahdoodahwag kuhnuhga pazhik kache‐noondaush‐ahpetandahgoozid nejekewa neen suh kegedoodahwim.

St Matthew 25:45

Medush chenuhquatuhwaud oo‐oo cheëkedood, Kagate kedenenim, Ewh menik kahdoodahwahsewag kuhnuhga pazhik kache‐noondaush‐ahpetandahgoozid oogoo anduhchewaud, neen suh goo kah kegedoodahweseem.

ST. MARK 9:37

Ahwagwan kaöodahpenahgwan pazhik oonoo doowun ahbenoojeün emuh nindezhenekahzoowining, neen nindoodahpenik; ahwagwan dush wadahpenegwan, kahween neen nindoodahpenegoose, enewh suh ween anoozhemenejin oodoodahpenaun.

ST. LUKE 10:16

Owh bazindoonag nebezindaug suh goo; owh dush kabahbahmanemesenoowag kahween nebahbahmanemegoose; kuhya owh kabahbahmanemesig, kahweenoobah-bahmanemahseen enewh kahahnoozhenejin.

ST. LUKE 9:48

Oo‐oo dush oogeënaun enewh ookekenooähmahgunun, Ahwagwan kaöodahpenahgwan oonoo ahbenoojeün emuh nindezhenekahzoowining, mesuh owh wadahpenid: ahwagwan dush wadahpenegwan, mesuh owh wadahpenaud enewh kahahnoozhejin: owh muh kache‐ahgahsheëïd emuh ahyahyag, mesuh owh kakeche‐ahpeetandahgoozid.

ST. JOHN 13:20

Kagate, kagate, kedenenim, Owh wadahpenaud enewh azhenahzhahug nindoodahpenik; owh dush wadahpenid oodoodahpenaun enewh kahpeëzhenahzhahoojin.

ST. JOHN 20:21

Menuhwah dush oo‐oo oogeënaun owh Jesus, Ahyahmook ewh pezaunewawin, Kahezheëzhenahzhahood owh Wayoosemind mesuh kuhya neen azheëzhenahzhahoonenuhgoog.

ST. JOHN 5:23

Kuhkenuh dush cheëzhekeche‐peshegandahgooähwaud enewh Wagwisseminjin, nahsaub goo azhepeshegandahgooähwaud enewh Wayooseminjin. Owh dush kachetwahwanemahsig enewh Wagwisseminjin kahween ookechetwahwanemahseen enewh Wayoosemindjin kahpeähnoonegoojin.

II. CORINTHIANUN 5:20

Noongoom dush nindoomezhenahwamegoomin owh Christ, tahnuhsug kekeche‐guhnoonegoowah owh Kesha‐Muhnedoo nenuhwind nindoonenaung: kepahgoosanemegoom dush ahneekenootuhwungid owh Christ, chepuggedenedezooyag chepoonanemenag owh Kesha‐Muhnedoo.

GALATIANUN 4:14

Ewh dush nekuhgwatebanemegoowin emuh neyausing kahduhgoomahguk kahween kegeneshebahpenuhdunsenahwah, kah kuhya kegewabenunsenahwah; kegeëzheoodahpenim debishkoo oodangenemun owh Kesha‐Muhnedoo, debishkoo Christ Jesusing.

THESSALONIANUN 4:8

Owh dush buhyahpenoodahgad kahween oobahpenoodahwahseen enewh enenewun, enewh atuh Kesha‐Muhnedoon, owh kahmeenenung ooKeche‐Oojechaugwun.

II. JOHN 1:9

Ahwagwan maje‐ezhechegagwan, swaunge‐kahbahwesegwan emuh ookuhgequawining Christ, kahween oodahyahwahseen Kesha‐Muhnedoon. Owh dush ween swaunge‐kahbahwid emuh ookuhgequawining Christ, oodahyahwaun nuhyazh enewh Wayoosemindjin kuhya enewh Wagwissememinjin.