St Matthew 10:20 - Ottawa New Testament Penteteuch and Psalms 1874

²⁰ Kah mahween kenuhwah kegahkekedooseem, owh suh atuh Koosewah Oojechaugwun tahkekedoo peenjenah keyowewaung.

St Matthew 10:20 Iomraidhean Croise

EXODUS 4:12

Mahjaun suh dush ninguhwedookaun dush kedoon, keguhkekenooühmoon kuhya ewh kaëkedooyun.

St Matthew 6:32

Me mah kuhkenuh oonoo azhenunduhwanduhmoowaud egewh mayuggezejig: kekekanemegoowah suh ween owh keche‐kezhegoong kedenduhzhe‐Koosewah muhnazeyag kuhkenuh oonoo.

ST. MARK 12:36

Ween dush David keëkedood kekenooahmahgood enewh Keche‐oojechaugwun, Owh Tabaningad oo‐oo oogeënaun enewh Tabanemejin, Nuhmuhduhbin emuh nekeche‐nikaung nahnauzh cheëzheügwah egewh shaunganemikig cheootuhbesittabeweneyun

ST. LUKE 11:13

Kishpin dush kenuhwah ahnahween goo maje‐ezhewabezeyag, kekanduhmag chemeenagwah egewh kenejahnesewaug enewh wanesheshingin meegewawinun; ahwahshema suh owh keche‐kezhegoong duhzhe‐Koosewah oogahmeenaun enewh Keche Oojechaugun enewh nandoodahmahgoojin.

ST. LUKE 12:12

Owh muh Keche‐Oojechaug kegahkekenooähmahgoowah ewh uhpe kaëkedooyag.

ST. LUKE 21:15

Kegahmeenenim suh goo ewh ekedoowin kuhya nebwahkahwin, kakushketoosigwah kuhkenuh egewh shaunganemenagoog chenuhquatuhmoowaud gamuh chemegahduhmoowaud.

OODEZHECHEGAWINEWAH 13:9

Me dush Saul, (Paul kuhya azhenekahzood) mooshkenashkahgood enewh Keche‐Oojechaugwun, kekeche‐guhnuhwahbuhmaud enewh,

OODEZHECHEGAWINEWAH 2:4

Kuhkenuh dush oogemooshkenashkahgoowaun enewh Keche‐Oojechaugwun, kemahje‐kekedoowaud pakaunnukkin inwawinun, ewh egoo kahezhepuhgedenahmahgoowaud enewh Oojechaugwun chekekedoowaud.

OODEZHECHEGAWINEWAH 28:25

Uhpe papukkaun uhyenanduhmoowaud, kemahjahwug, uhpe owh Paul kahekedood pazhik ekedoowin, Kemenoo‐kekedoo owh Keche‐Oojechaug emuh oodooning owh Esaias aunwahjega‐wenene keguhnoonaud kooseminahbuneen.

OODEZHECHEGAWINEWAH 4:8

Peter dush, kemooshkenashkahgood enewh Keche‐Oojechaugwun, oo‐oo‐oogeënaun, Kenuhwah wadoogemahmenagwah egewh ahnishenahbag, kuhya katezeyag emuh Israëling.

OODEZHECHEGAWINEWAH 6:10

Kah dush oogetamahmauzheähsewaun apeech kenebwahkah‐kezhwanid, kuhya keweedookahgood enewh Keche‐Oojechaugwun.

II. CORINTHIANUN 13:3

Ewh nunduhwanduhmag kekenoowahjechegun chekekandahgoozid owh Christ kekedood emuh neyowing, kahween shahgwewese kenuhwah anuhkuhkayah, mushkahweze suh emuh keyowewaung.

THESSALONIANUN 2:13

Me suh wanje‐mahmooyahwahmungid Kesha‐Muhnedoo wekah poonetahsewaung, ewh kahoodahpenuhmag Kesha‐Muhnedoo oodekedoowin kahwahweenduhmahgooyag, kahween enene oodekedoowining kegeëzheöodahpenunsenahwah, ewh atuh, kagate anandahgwuk, Kesha‐Muhnedoo oodekedoowining kegeëzheöodahpenahnahwah, wahweenga‐anookeemahguk emuh keyowewaung kenuhwah duhyabwayanduhmag.

I. PETER 1:12

Kewahweendahmahwahwug suh oogoo, kahween wenuhwah tebenuhwa oonje, kenuhwind suh atuh oonje kebuhmeetuhmoowaud oonoo uhyeëen kahdebahjemootuhmoonenagwah egewh kahwahweenduhmoonagoog ewh minwahjemoowin oonje keweedookahgoowaud enewh Keche‐Oojechaugwun keche‐kezhegoong kahpeöonje‐nesenejin: enewh uhyeëen nunduhwanduhmoowaud egewh angenug chenuhnahguhdah‐wahbunduhmoowaud.

II. PETER 1:21

Kah muh kuhyet keöonjeemahgussenoon ewh aunwahjegawin emuh oondenanduhmoowining enene: Pahnezejig dush ween enenewug bameetahwahjig Kesha‐Muhnedoon kekekedoowug debishkoo kahezhekekenooähmahgoowaud enewh Keche Oojechaugwun.