St Matthew 10:19 - Ottawa New Testament Penteteuch and Psalms 1874

¹⁹ Uhpe dush kepuggedenegooyag, kagoo oondummandunkagoon ewh kaëkedooyag; ewh suh uhpe kegahmeenegoom ewh kaëkedooyag.

St Matthew 10:19 Iomraidhean Croise

EXODUS 4:12

Mahjaun suh dush ninguhwedookaun dush kedoon, keguhkekenooühmoon kuhya ewh kaëkedooyun.

EXODUS 4:15

Kegahguhnoonah dush, kuhya kegahkekenooühmuhwah kaëkedood: kegahpahkedoonanin dush, kuhya ween ningahpahkedoonanah, kuhya kegahkekenooühmoonenim ewh kaëzhechegayag.

St Matthew 10:18

Kegahezhewenegoom dush emuh enahsuhmuhbewaud egewh oogemaug kuhya keche‐oogemaug neen oonje, kuhya cheoonjetebahjemootahwagwah egewh, kuhya egewh mayuggezejig.

St Matthew 6:25

Oo‐oo suh dush kedenenim, Gagoo oondummandunkagoon ewh kebemahdezewinewah, wagoodoogwan kameejewagwan, gamuh kamenequawagwan; kuhya keyowewah kaëzhekoonuhyamahgudoogwan; kah nuh ween ewh bemahdezewin ahwahshema enandahgussenoon ewh dush ween mejim, kuhya ewh weyowemah ewh dush ween ahgwewin?

St Matthew 6:31

Kagoo dush oondummandunkagoon, oo‐oo cheëkedooyag, Wagoonan kameejeyung? gamuh, Wagoonan kamenequayung? gamuh wagoonan kaähgweyung?

St Matthew 6:34

Kagoo suh dush oondummandunkagoon ewh wahbung: tahnahnahgahdahwanduhmahdezoomahgud gooshah ewh wahbung wahtabezemahguk; tabesamahgud anduhsoo‐kezheguk maje‐uhyeëeweshewung.

ST. LUKE 12:11

Uhpe ezhewenenagwah emuh oodahnuhmeä‐weguhmigoowaung, kuhya emuh anuhsuhmuhbewaud egewh tebahkoonega‐wenenewug, kuhya oogemaug, kagoo nahnahgahdahwandunkagoon ewh kaëzhenuhquatuhmoowagwah, gamuh ewh kaëkedooyag:

ST. LUKE 12:12

Owh muh Keche‐Oojechaug kegahkekenooähmahgoowah ewh uhpe kaëkedooyag.

OODEZHECHEGAWINEWAH 6:10

Kah dush oogetamahmauzheähsewaun apeech kenebwahkah‐kezhwanid, kuhya keweedookahgood enewh Keche‐Oojechaugwun.

PHILIPPIANUN 4:6

Kagoo oojahnemandunkagoon gagoo; ahnooj dush gagoo azhenunduhwanduhmagoon weenduhmahwik Kesha‐Muhnedoo emuh ahnuhmeähwining kuhya nundoodahmahgawining mahmahwe kuhya mahmooyahwuhmik.

II. TIMOTHEUSUN 4:17

Owh dush Tabaningad ningeweeje‐kahbahwetaug, kuhya mushkahwezewin ningemeenik; cheöonje‐puhgukkanjegahdag ewh kuhgequawin neen oonje, kuhya kuhkenuh egewh mayuggezejig chenoonduhmoowaud; kuhya ningeöonje‐kedishkeëgoo emuh oodooning owh mezhebeshe.

JAMES 1:5

Kishpin dush ahweyah menik anduhsheyag muhnazid nebwahkahwin, mahnoo oogahnundooduhmahwaun Kesha‐Muhnedoon, mesuh owh mahnaud kuhkenuh enenewun sahsahgezesig, kah dush mujje‐guhnoozhewase, tahmeenah dush owh nandoodahmahgad.