St Matthew 10:16 - Ottawa New Testament Penteteuch and Psalms 1874

¹⁶ Benuh, kedezhenahzhahoonim debishkoo mahneshtahneshug emuh anduhzhe‐maheengunekaug: kenabegoong ezhenebwahkahyook, kuhya keche‐oomemeeng ezhebakah-bemahdezeyook.

St Matthew 10:16 Iomraidhean Croise

GENESIS 3:1

Kenabig dush ahwahshema kekuhkuhyaneze kuhkenuh dush ween mushkootang duhzhe ahwaseeün Jehovah Kesha‐Muhnedoo kahoozheähpuneen. Oo‐oo dush oogeënaun enewh equawun, Kagate enuh keëkedoo Kesha‐Muhnedoo, cheäumwahsewagwah azhemenewewaud kuhkenuh metigoog ketegaunansing padukkezoojig?

GENESIS 3:13

Jehovah Kesha‐Muhnedoo oo‐oo oogeënaun equawun, Wagoonan oo‐oo kahzhechegayun? Equa dush keëkedoo, Ningewuhyazhemig owh kenabig, ningeäumwah dush.

St Matthew 24:25

Benuh, kezhah kegeweenduhmoonim.

St Matthew 24:45

Ahwanan owh ayaungwahmezid kuhya nabwahkaud buhmeetahgun, kahmeenegood enewh oodoogemahmun cheoogemahkundahwaud enewh oobuhmeetahgunene, cheähshummaud uhpe tebishkoosanegin?

St Matthew 25:2

Nahnun dush kenebwahkahwug, nahnun dush kekuhkebahdezewug.

St Matthew 25:4

Egewh nabwahkahjig oogeduhgoo‐ahyahnahwah ewh pemeda emuh oodahtahsoowinewaung kuhya oowahsuhkoonanjegun‐ahbekoomewaung.

St Matthew 25:9

Ooogenuhquatuhgoowaun dush enewh nabwahkahnejin, oo‐oo keëgoowaud, Kahmahmundah; koonemah kahween tahtabesasenoon cheähyahmung neenuhwind kuhya kenuhwah; nahwuj tahoonesheshin ezhahyag ahyahwaud egewh atahwajig, chekeshpenuhdahmahdezooyag dush.

ST. LUKE 10:3

Mahjahyook; benuh, kemahjenahzhahoonenim debishkoo mahnishtahnisheensug emuh magwa maheengunekaug.

ST. LUKE 21:15

Kegahmeenenim suh goo ewh ekedoowin kuhya nebwahkahwin, kakushketoosigwah kuhkenuh egewh shaunganemenagoog chenuhquatuhmoowaud gamuh chemegahduhmoowaud.

OODEZHECHEGAWINEWAH 20:29

Oo‐oo muh nekekandaun kemahjahyaun egewh kagwahnesuggandahgoozejig maheengunug tahpeendegawug emuh anduhzhe‐ahyahyag, chewebahnahjeähwaud enewh mahnishtahnishun.

I. CORINTHIANUN 14:20

Nejekewaëdoog, kagoo ahbenoojeëwekagoon emuh kenesittootummoowinewaung: ahnahwe emuh mauzhenenewuggezewining ahbenoojeëweyook, emuh nesittootuhmoowining dush ween eneneweyook.

II. CORINTHIANUN 1:12

Mesuh oo‐oo wanje‐moojegezeyaung, ewh tebahjemoomahguk nekekanindezoowinenaun, emuh menoo‐ezhewabezewining kuhya emuh Kesha‐Muhnedoo oodabwawining, kahween emuh weyausewe‐nebwahkahwining, emuh atuh ooshahwanjegawining owh Kesha‐Muhnedoo, keëzhebemahdezeyaung oomah uhkeeng, mamwach edush kenuhwah enuhkayah.

II. CORINTHIANUN 11:14

Kah suh mahmahkahdandahgwussenoon; pooch egoo owh Satan ezhenahgoozeëdezoo debishkoo azhenahgoozewaud egewh wahsayahzewining anduhnuhkeejig angenug.

II. CORINTHIANUN 11:3

Nesagiz dush, koonemah debishkoo owh mujje‐kenabig kahezhewuhyazhemaud Eveün oonje ookuhkuhyanezewin, mesuh kuhya kenuhwah emuh kedenanduhmoowinewaung kaëzhewahnahjetooyag ewh menoo‐ezhewabezewin emuh Christing anduhgoog.

II. CORINTHIANUN 8:20

Oo‐oo wemaushkahmaung kuhnuhga ahweyah chemujje‐enanemoosenoowungid oonje ewh buhyahteënuk meegewawin ganuhwanduhmaung:

PHILIPPIANUN 2:15

Chewuhsittahwandahgoozesewag kuhya chemujje-doodahgasewag, oonje oonejahnesemenag owh Kesha‐Muhnedoo, kuhnuhga mujje‐enanemegoosewag, emuh magwa ahyahwaud egewh majeëzhewabezejig kuhya kagaunzetungig bamahdezejig, magwa‐uhyeëeng kewahsayahzeem debishkoo ahnungoog oomah uhkeeng;

COLOSSIANUN 1:9

Me suh oo‐oo oonje kuhya nenuhwind, uhpe ewh kezheguk kahnoonduhmaung nahnauzh egoo noongoom, kahween nepoonetahsemin ahnuhmeätuhmahgooyag kuhya nuhduhwanduhmaung chemooshkenashkahgooyag ewh kekandahsoowin azhekekanjegahdag oodenanduhmoowin emuh kuhkenuh nebwahkahwining kuhya oojechaugoowine nesittootuhmoowining;

COLOSSIANUN 4:5

Emuh nebwahkahwining ezhebemoosayoog emuh anahsuhme‐ahyahwaud egewh ahgwahjeeng ahyahjig, nayaub kishpinetooyag enewh kezhegudoon.

THESSALONIANUN 2:10

Kenuhwah kekekandahnahwah, kuhya Kesha‐Muhnedoo ookekandaun kahezhemenoo‐ezhewabezeyaung kuhya kahezhequuhyukwahdezeyaung, kah kuhya ahweyah ningemujje‐enanemegoosenaun magwah keduzzhekayaung anduhzhe ahyahyag kenuhwah duhyabwayanduhmag:

THESSALONIANUN 5:22

Meewetooyook ahnooj doowah mujjeëzhewabezewin.