St Matthew 10:15 - Ottawa New Testament Penteteuch and Psalms 1874

¹⁵ Kagate kedenenim, nahwuj puhbanug tahdoodahchegahda ewh Sodom kuhya Gomorrah duhzhe uhkee uhpe tebahkoonewa‐kezheguk, ewh dush ween oodanah.

St Matthew 10:15 Iomraidhean Croise

St Matthew 12:36

Kedenenim suh dush, Anduhching kuhkebahje‐kekedoowin ewh azhekekedoowaud egewh enenewug, tahahgindahmahwahwug tebahkoonewawine‐kezheguk.

St Matthew 5:18

Kagate suh kedenenim, peenish egoo kemahjahmahguk ewh kezhik kuhya ewh uhkee, kahween kuhnuhga pazhik I gamuh pazhik chuhgebeëgunans tahmahjahmahgussenoon tebahkoonegawining oonje chepwah kuhkenuh ketebishkoosag.

St Matthew 7:22

Ewh uhpe kekezheguk nebewah oo‐oo nengahegoog, Tabanengayun, Tabanengayun, kah nuh nengeäunwahjegasemin emuh kedezhenekahzoowining? kuhya emuh kedezhenekahzoowining nengeoonjesahgechewabenahnahnig mujje‐muhnedoog? kuhya emuh kedezhenekahzoowining nebewah mahmaundahwejegunun nengëezhechechegamin?

ST. MARK 6:11

Ahwagwan kaoodahpenesenoowagwan, kuhya kabezindoosenoowagwan, uhpe ewede oonje‐mahjahyag, puhpuhwesittaneyook ewh weyuggussa chedebahjemindwah ewh azhewabezewaud. Kagate kedenenim, puhbanug tahdoodahjegahda Sodom gamuh Gomorrah uhpe tabahkoonega‐kezheguk, dush ween ewh oodanah.

ST. JOHN 12:48

Owh suh ahyahgoonwatuhmahwid wadahpenunsig dush nindekedoowinun, oodahyahwaun suh enewh pazhik kanahneboomegoojin: ewh suh ekedoowin kahweenduhmaun, mesuh enewh kanahneboomegood uhpe ashquah‐kezheguk.

ST. JOHN 6:39

Mesuh oo‐oo uhyenandung owh Wayoosemind kahpeëzhenahzhahood, ewh menik kahmeezhid kuhnuhga gagoo chewuhnetoosewaun, cheöombenuhmaun atuh uhpe ashquah‐kezheguk.

ST. JOHN 6:40

Mesuh oo‐oo uhyenandung owh kahpeëzhenahzhahood, ahwagwan wuhyahbuhmahgwan enewh Wagwissemindjin, duhyabwayanemaud dush, cheähyaung ewh kahgega‐bemahdezewin: cheähbejebahug dush uhpe keïshquah‐kezheguk.

OODEZHECHEGAWINEWAH 17:31

Oogewahweendaun muh ewh kezhik, uhpe katebahkoondung ewh uhkee emuh quuhyukezhewabezewining oonje-enewh enenewun kahwuhwanahbuhmahjin; me ewh kahenahjemootahwaud kuhkenuh enenewun, ewh keähbejebahaud enewh.

I. CORINTHIANUN 3:13

Tahkekanjegahdane anduhshid enene oodahnookeewin: ewh uhpe kekezheguk tahwahweenjegahda, ishkootang muh tahoonje‐kekanjegahda; ishkoota muh oogahkuhgwatebandaunun kuhkenuh enenewug oodahnookeewinewaun nuhmunj azhewabudenenoogwan.

THESSALONIANUN 5:4

Kenuhwah dush ween nejekewaëdoog, kahween emuh magwa kushke‐tebekuk kedahyahseem cheühdemegooyagoobun ewh kezhegud debishkoo owh kamoodishkid.

HEBREWUN 10:25

Kahween kegahpoonetoosemin ewh kemahwunjeëdewinenaun ahnind azhewabezewaud; chekuhnoonindeyung suh goo mamashquaud; mamwach dush oonje kekanduhmag pashoo peähyahmahguk ewh kezhegud.

II. PETER 2:6

Keënahkoonega dush ween chechahgahketanig enewh oodanuhwun Sodom kuhya Gomorrha, keëkedood dush ween chebahnahdudenig chekekenoowahbunduhmoowaud egewh menuhwah kamujje‐bemahdezejig;

II. PETER 2:9

Owh Tabaningad ookekandaun kaëzheëkoonaud enewh manoo‐ezhewabezenejin emuh oonje kuhgwatebaningawining, kuhya kaëzheguhnuhwanemaud enewh maje‐ezhewabezenejin nahnauzh tebahkoonewa‐kezheguk chekooduggeëmind:

II. PETER 3:7

Oo‐oo dush kezhik kuhya uhkee noongoom ayaugin, oonje ewh nahsaub ekedoowin guhnuhwanjegahdanoon, chechahgedag uhpe tebahkoonega‐kezheguk, uhpe kabahnahdezewaud egewh enenewug bameetuhwahsegoog Kesha‐Muhnedoon.

I. JOHN 4:17

Me suh oo‐oo azhekezhechegahdag ewh kesahgeëdewinenaun, chesoongedaäyung uhpe katebahkoonegawinekezheguk: ewh mahween debishkoo ween azheähyaud, mesuh kuhya kenuhwind azheähyahyung oomah uhkeeng.

JUDE 1:6

Kuhya enewh angenun kahguhnuhwanduhsenegoon netum oodezhetwahwinewah, kenuhguhduhmenid dush ween tebenuhwa andahnepun, ooguhnuhwanemaun kahgega minjemahpenegahzoonid emuh magwa kushke‐tebekuk nahnauzh tebahkoonegang uhpe kechetwah‐kezheguk.

JUDE 1:7

Debishkoo kuhya Sodom kuhya Gomorrha, kuhya enewh oodanahwun emuh kewetuhyeëe kahahyaugin kahezhepuggedenedezoomahguk emuh peshegwahdezewining, kuhya kenoopenuhduhmoomahguk ewh mayugguk weyausemah, pagedenegahdanoon chekekenoowahbunduhming, koodugganduhmoomahguk emuh kahgega ishkootang ahzhittah doodahjegahdanoon.