St Matthew 10:1 - Ottawa New Testament Penteteuch and Psalms 1874

¹ Uhpe dush kahnundoomaud metahswe‐ahshe‐neezh ookekenooahmahgunun, oogemeenaun kushkeäwezewin chesahgejewabenahnid mujje‐muhnedoon, kuhya chenoojemootoonid kuhkenuh ahkoosewinun kuhya nuhnepezewinun.

St Matthew 10:1 Iomraidhean Croise

St Matthew 19:28

Jesus dush oo‐oo oogeënaun, Kagate kedenenim, kenuhwah kahnoopenuhzheyag, emuh aunj‐bemahdezewining, uhpe kawuhwanuhbid owh Enene oogwissun emuh pazhegandahgwudenig oodoogemahwewin, kuhya kenuhwah kegahnuhmuhduhbim emuh metahswe‐ahshe‐neezh oogemahwuhbewining, chetebahkoonagwah egewh metahswe‐ahshe‐neezh anduhswayuggezejig Israelitug.

St Matthew 26:20

Kahoonahgooshig dush, oogeweeduhbemaun enewh metahswe‐ahshe‐neezh wewesenewaud.

St Matthew 26:47

Magwah dush kekedood, benuh, owh Judas, pazhig egewh metahswe‐ahshe‐neezh, kepeëzhah, keweejewaud keche‐nebewah ahneshenahban wadahzhahwashkoonejin kuhya wapuhgummahgunenejin, enewh keche‐sahsahgewejega‐wenenewun kuhya ooketezemewaun egewh ahnishenahbag kahahnoonegoowahjin.

St Matthew 4:23

Jesus dush kepahbahezhah emuh mezewa Galileeïng, kuhgequad emuh oosynagogueoomewaung kuhya tebahdoodung ewh oogemahwewine minwahjemoowin, kuhya kenoojemootood ahnooj enahpenawinun kuhya ahkoosewinun magwa ahneshenahbang.

St Matthew 6:13

Kagoo ezhewesheshekaunkan emuh kuhgwatebanedewining; Ekooneshenaum atuh emuh mujje‐uhyeëeweshing; Keen mahween kedebandaun oogemahwewin, kuhya mushkahwezewin, kuhya dush ewh wahwezhanduhmoowin, Kahgenig. Amen.

St Matthew 9:35

Jesus dush oogepahpahezhahnun kuhkenuh enewh oodanahwun kuhya oodanaunsun, pahpahkekenooahmahgad emuh oodahnuhmeä‐weguhmegoowaung, kuhya kepahpahtebahdoodung ewh oogemahwine‐menwahjemoowin, kuhya kepahpahnoojemootood kuhkenuh ahkoosewinun uhya kuhkenuh nuhnepenezewinun.

St Matthew 9:38

Nundoodahmahwik owh Tabandung ewh keshkezhegawin, chepeëzhenahzhahwaud anooketahganejin emuh ooketegauning.

ST. LUKE 10:19

Benuh, kemeenenim ewh kushkeäwezewin chetuhtuhkookahnagwah egewh kenabigoog kuhya mujje kenabegoonshishug, kuhya dush kuhkenuh oomushkahwezewin owh shaunganingad; kah dush gagoo kegahmujje‐doodahgoosenahwah.

ST. LUKE 21:15

Kegahmeenenim suh goo ewh ekedoowin kuhya nebwahkahwin, kakushketoosigwah kuhkenuh egewh shaunganemenagoog chenuhquatuhmoowaud gamuh chemegahduhmoowaud.

ST. LUKE 24:49

Benuh dush, kegahezhenahzhahmoonenim ewh oowahweenduhmahgawin owh Noos; duhnezeyook dush kenuhwah emuh keche‐oodanaung Jerusalem, nahnauzh peöodissegooyag ewh mushkahwezewin keche‐kezhegoong kaöonjebahmahguk.

ST. LUKE 6:13

Uhpe dush kahwahbunenig oogenundoomaun enewh ookekenooähmahgunun: uhpe dush kahwawanahbuhmaud metahswe‐ahshe‐neezh, Apostleün oogeëzheweenaun.

ST. JOHN 17:2

Debishkoo kahezhepuhgedenuhmahwud cheöogemahkundung kuhkenuh weyahsemah, kuhkenuh dush kahmeenudjin chemeenaud ewh kahgega‐bemahdezewin.

ST. JOHN 3:27

John dush oogenuhquatuhwaun, oo‐oo keënaud, Kahween ookushketooseen ahweyah gagoo chëoodahpenung, bahnemah atuh keche‐kezhegoong keöonjemeenind.

ST. JOHN 3:35

Owh Wayoosemind oosahgeäun enewh Wagwissemindjin, oogepuhgedenuhmoowaun dush ween ahnooj gagoon emuh ooneenjening.

ST. JOHN 6:70

Jesus dush oogenuhquatuhwaun, Kah nuh ween kegewahwanahbuhmesenoonim kenuhwah matauswe‐ahsheneezheyag, pazhik dush ewh anduhcheyag mujje‐muhnedoowe.

OODEZHECHEGAWINEWAH 1:8

Kegahoodahpenahnahwah dush ewh mushkahwezewin, uhpe keöodissenag owh Keche‐Oojechaug: kegahdebahjemim dush emuh Jerusaleming, kuhya kuhkenuh anegookwaug Judæa, kuhya Samaria, kuhya nahnauzh wuhyaquahkummegaug uhkee.

OODEZHECHEGAWINEWAH 19:15

Owh dush mujje‐muhnedoo oogenuhquatuhwaun oo‐oo keënaud, Ninkekanemah owh Jesus, kuhya ninkekanemah owh Paul; ahwagwanewegwan dush kenuhwah?

REVELATION 12:1

Kepenahgwud dush gagoo kache‐mahmaundahwuk emuh kezhegoong; pazhik equa kahahgwid enewh kezhike‐kezisoon, kuhya ayahwaud enewh tebike‐kezisoon emuh ahnaumesit, kuhya emuh ooshtequauning ayahwaud enewh metauswe ahshe neezh ahnungoon tahnahsug oogemah‐wewuhquaun: