St Matthew 1:19 - Ottawa New Testament Penteteuch and Psalms 1874

¹⁹ Oonahbamun dush Joseph, menoobemahdezenegoobun, kah dush oogeënanemahseen mezheshuh chekekanememind, keënandum edush ewh keemooj chewabenaud.

St Matthew 1:19 Iomraidhean Croise

GENESIS 38:24

¶ Kepuggummeähyahmuhgud dush kahnesookeziswahguk, keweenduhmahwah Judah, oo‐oo keënind, Kepezhigwahjechega owh Tamar keseem; oodahyahwaun dush ahbenoojeün oonje kepezhigwahjechegad. Judah dush keëkedoo, Umba sahgejewenik, chechahgizoond.

GENESIS 6:9

¶ Mesuh oo‐oo kahezhebemahdezid Noah; Kequuhyukwahdeze owh Noah kuhya kekeche‐minwandahgooze emuh oobemahdezewining, Noah dush oogewedoosamaun enewh Kesha‐Muhnedoon.

LEVITICUS 19:20

¶ Kishpin ahweyah wepamaud buhmeetahga‐equawun, wahyahweendahmahgapuneen cheweedegamahnid enenewun, pagedenegahzoosenegoon, tahpuzzhunzhawahwug; kahween tahnesahsewug, kah mah kedebanindezoose owh equa.

LEVITICUS 20:10

¶ Kuhya owh enene kapezhegwahdezid wepamaud weejeduhnuhkeewamahgunun wewene, ahbetakummig ween tahnesah kuhya equawun kawepamahjin.

ST. MARK 10:4

Oo‐oo dush keëkedoowug, Moses keënahkoonega cheöozhebeühming ewh wabenedewine‐muzzeneëgun, chewabenind dush owh equa.

ST. MARK 6:20

Owh muh Herod koosahgoobun enewh Johnun, kekanemaud quuhyuk‐ezhewabezenid kuhya menoo‐ahnuhmeähnid, oogeguhnuhwanemaun dush; uhpe dush kahnoonduhwaud, nebewah gagoo keëzhechega, oogemenootahwaun dush.

ST. LUKE 2:25

Benuh dush, keähyah pazhik enene emuh Jerusaleming, Simeon kahezhenekahzood; medush owh enene quuhyuk kahezhewabezid kuhya kahmenoo‐ahnuhmeäud, kebeetood dush ooshahwandahgoozewin owh Israel: Keche Oojechaugwun dush oogekekishkahgoon.

OODEZHECHEGAWINEWAH 10:22

Oo‐oo dush keëkedoowug, Cornelius menissenoo‐oogemah, manoo‐ezhewabezid enene, kuhya quasaud enewh Kesha‐Muhnedoon, manwahjemegood dush kuhkenuh enewh Jewyun, oogeëgoon dush enewh kachetwahwezenejin angenun chenundoomik ewede andaud cheëzhahyun, cheöonjenoondung enewh ekedoowinun kaëkedooyun.

OODEZHECHEGAWINEWAH 27:39

Uhpe dush kahzheguk, kahween oogenesittuhwe-nuhsenahwah ewh uhkee: oogemekahnahwah pazhik wequadoons anduhzhe metahtahwaungaug; me emuh keënanduhmoowaud, kishpin kushketoowaud, chezhakesittoowaud nahbequaun.

II. CORINTHIANUN 1:15

Oo‐oo keähpanemooyaun kahoonje‐enanduhmaun netum cheöodissenenuhgoog, kenuhwah cheähyahyagoobun menuhwah pazhik shahwandahgoozewin;

DEUTERONOMY 22:20

Kishpin dush ween oo oo tabwawinuhguk kuhya kekandahgoozesig kegaungooquawid owh ooshkenegequa: