PSALMS 9:12 - Ottawa New Testament Penteteuch and Psalms 1874

¹² Uhpe kagwadwajin misqueeng oonje, oomequanemaun enewh, kah dush oodoonanemahseen enewh katemahgezenejin ahyahshequanejin.

PSALMS 9:12 Iomraidhean Croise

GENESIS 9:5

Ahbetakummig ningahnundahwandaun kemisquemewah ewh wanjebemahdezeyag: emuh ooneenjewaung anduhchewaud egewh ahwaseyug, kuhya emuh ooneenjewaung kuhkenuh enenewug, ningahnundahwandaun enene oobemahdezewin.

PSALMS 10:14

Ahneeshwin nesebahpenahdahwahwaud egewh majeëzhewabezejig enewh Kesha‐Muhnedoon? oodaïng mah keëkedoo, kahween kegahkuhgwaje‐kekanduhse.

PSALMS 10:17

Poogookoobetuhmow owh majeëzhewabezid oonik; oondoonaün oomujjeëzhewabezewin nahnauzh mekunsewun gagoo.

PSALMS 102:17

Oogebezindaun oodahnuhmeäwin owh katemahgezid: kah dush oogedahbussanduhseen oonundoodahmahgawin.

PSALMS 132:13

Jehovah mah oogewahwanahbundaun Zion: oogenundahwandaun ewede chedaud.

PSALMS 22:24

Kah mah oogesheenganduhseen, kah kuhya oogekuhgwahnesugganduhseen ooketemahgezewin owh katemahgezid: kah dush kekahzoose chewahbuhmegoosig enewh: uhpe dush kahahnuhmeätahgood oogebezinduhwaun.

PSALMS 34:6

Keähnuhmeäh mahbuh katemahgezid enene, medush kahezhebezindahgood enewh Jehovahun: kuhya kemeetahgwanemahgood kuhkenuh enewh oodahnemezewinun.

PSALMS 68:17

Kebahtuhyeïnwun Kesha‐Muhnedoo oodahbaunun: Tabaningad ooweedookahwaun enewh, debishkoo azhewabukebun emuh Sinaiïng mesuh azhewabuk emuh kechetwah‐ahnuhmeä‐weguhmigoong.

PSALMS 74:2

Mequanim kedahnishenahbamug kuhyet kahkishpenuhnudjig: kuhya kedoogemah‐suhkuhoon kahkishpenuhtooyun, maunduh Zion wahjewh kahduhnuhkeeyun.

PSALMS 76:3

Ewede enuhkuhkayah oogepahsebetoonun ookeenwaukoomewaun dabandahgwukkin emuh oometikwaubooming: pahkahquahaun kuhya ahzhahwashk kuhya megahzoowin.

EXODUS 3:7

¶ Jehovah dush oo‐oo keëkedoo, Kagate ningewahbundaun ookooduhgetoowinewah nindahnishenahbamug Egypting ayahjig, kuhya ningenoondaun ookooduhgetahgoozewinewah oonje enewh ooduhnooke‐oogemahmewaun; ninkekandaun mah ookushkanduhmoowinewaun;

EXODUS 3:9

Benuh suh dush, ookooduhgetahgoozewinewah Israel oonejahnesun nindoödissegoon; kuhya dush ningewahbundaun ewh kooduhgetoowin azhekooduhjeëgoowaud enewh Egyptianun.

St Matthew 23:35

Kenuhwah cheoodissegooyag kuhkenuh menoo-ezhewabezewine‐mesqueem kahseegwabenegahdag oomah uhkeeng, oomesqueem owh manoo‐ezhewabezid Abel nahnauzh egoo oomesqueem owh Zacharias oogwissun owh Barachias, kahnesag emuh nesuhwuhyuheewung ewh keche‐ahnuhmeä‐weguhmig kuhya ewh sahsahgewejegun‐ahbik.

REVELATION 16:6

Oogeöonjegahtuhmahwahwaun muh oomisqueemene enewh manoo‐ahnuhmeähnejin kuhya enewh aunwahjega‐wenenewun, kegemeenahaug dush misque; mesuh anandahgoozewaud.