PSALMS 86:1 - Ottawa New Testament Penteteuch and Psalms 1874

¹ Puhgedenun ketuhwugoon, O Jehovah, chebezindahweyun: neketemahgiz mah kuhya newuhwahniz.

PSALMS 86:1 Iomraidhean Croise

PSALMS 31:2

Bezinduhweshin ketuhwuggaung: waweeb bemahjeëshin nindahzhebikoom ahwen kuhya nepeenjwahkahegunim.

PSALMS 40:17

Tahahgujjeähwug egewh nandoonawahjig ninjechaugwun chebahnahjeähwaud: mahnoo tahahzha‐nahzhahwahwug kuhya tahnuhneebikemahwug egewh nanduhwandungig cheähnemezeyaun.

St Matthew 5:3

Shahwandahgoozewug egewh katemahganemoojig, me muh egewh waduhyeemejig ewh keche‐kezhegoong duhzhe oogemahwewin.

PSALMS 34:6

Keähnuhmeäh mahbuh katemahgezid enene, medush kahezhebezindahgood enewh Jehovahun: kuhya kemeetahgwanemahgood kuhkenuh enewh oodahnemezewinun.

JAMES 2:5

Bezinduhweshig, suhyahgeënenuhgoog nejekewaëdoog, Kah nuh Kesha‐Muhnedoo oogewuhwanahbuhmahseen enewh katemahgezenejin oomah uhkeeng chekeche-twahwezenid emuh dabwayanduhmoowining, kuhya chedebanduhmenid ewh oogemahwewin kahwahweenduhmoowaud enewh suhyahgeëgoojin?

ST. LUKE 4:18

Nekekishkahwah Jehovah Ookeche‐Oojechaugwun, ningenuhmuhkoonik muh chedebahjemootahwugwah egewh katemahgezejig ewh minwahjemoowin; ningepeähnoonik chenoojemooügwah egewh magooshkahjedaäjig, chedebahjemootuhwugwah egewh kabahquahegahzoojig ewh chepuggedenindwah, kuhya egewh kakepeengwajig chewahbeïndwah, chepuggedenindwah egewh banahsekahwindjig,

PSALMS 142:1

Ningenuhnaumdoomah Jehovah kenoondahgoozeyaun: kenoondahgoozeyaun ningeähnuhmeätuhwah Jehovah.

PSALMS 140:12

Nekekandaun, Jehovah kagate weweedookahwaud enewh quattuggetoonejin: kuhya ooguhnoodahmahwaun enewh katemahgezenejin.

PSALMS 119:22

Ekoonuhmahweshin nuhneebekemegoowin kuhya dahbussanemegoowin: ningeguhnuhwandahnun mahkedebahjemoowinun.

PSALMS 102:17

Oogebezindaun oodahnuhmeäwin owh katemahgezid: kah dush oogedahbussanduhseen oonundoodahmahgawin.

PSALMS 17:6

Kegeähnuhmeätoon, O Kesha‐Muhnedoo kegahnahquatow mah: bezinduhweshin chenoonduhmun nindekedoowinun.

PSALMS 102:1

Jehovah bezindun ninduhnuhmeäwin: kuhya mahnoo kegahoodissegoon nindahnemetahgoozewin.

PSALMS 10:14

Ahneeshwin nesebahpenahdahwahwaud egewh majeëzhewabezejig enewh Kesha‐Muhnedoon? oodaïng mah keëkedoo, kahween kegahkuhgwaje‐kekanduhse.

PSALMS 25:16

Ashkum nemegooshkahjedaä: O metahgwanemooweshin neketemahgezewinun.