PSALMS 85:9 - Ottawa New Testament Penteteuch and Psalms 1874

⁹ Pashoo duhgoomahgudene oobemahjeëgoowinewaun egewh quasahjig Kesha‐Muhnedoon: chekechetwahwandahgwuk keduhkeemenaun.

PSALMS 85:9 Iomraidhean Croise

PSALMS 119:155

Wahsuh ahtane oobemahjeëgoowinewaun egewh maje‐ezhewabezejig: oonje nunduhwanduhsigwah ketebahkoonegawinun.

PSALMS 50:23

Ahwagwan mahyahmooyahwagwan nepezhegandahgooïk: kuhya ningahwahbundahah owh quayukissetood oodezhewabezewin, Kesha‐Muhnedoo oobemahjeëwawin.

ST. LUKE 2:32

Wahsayahzewin chewahsashkahgoowaud egewh mayug‐ahnishenahbag, kuhya oopeshegandahgoozewinewah kedahnishenahbamug Israel.

ST. JOHN 1:14

Owh dush Ekedoowin keweyahseweäh, kuhya kegeweejekuhbashemegoonaun, kegewahbundahmin dush ween oopeshegandahgoozewin, tebishkoo azhepeshegandahgoozenid enewh puhyazhegoonejin oogwissun owh Wayoosemind, mooshkenashkahgood ewh shahwanjegawin kuhya ewh tabwawin.

ST. JOHN 7:17

Kishpin ahweyah weëzhechegad azhenunduhwandung owh kahezhenahzhahood, oogahkekandaun ewh kekenooähmahgawin, kishpin Kesha‐Muhnedoong wanjebahmahgudoogwan, gamuh neen ahyenanduhmaun azhekekedoowaunan.

OODEZHECHEGAWINEWAH 13:16

Me dush owh Paul kepuhsegweed, kuhya kahuhyenenegad oo‐oo keëkedoo, Kenuhwah Israeling duhzhe‐enenewedoog, kuhya kenuhwah quasag Kesha‐Muhnedoo bezinduhmoog.