PSALMS 85:8 - Ottawa New Testament Penteteuch and Psalms 1874

⁸ Ningahnoondaun ewh kaëkedood owh Jehovah Kasha‐Muhnedoowid: oogahdebahjemootuhwaun enewh oodahnishenahbamun kuhya anuhmeätahgoojin pezaunezewin: kahween menuhwah tahezhahsewug emuh kuhkebahdezewining.

PSALMS 85:8 Iomraidhean Croise

GENESIS 34:7

Oogwissun dush owh Jacob kepekewawun oonje ketegauning uhpe kahnoonduhmenid: kekushkanduhmoog dush egewh enenewug, kuhya kekeche‐nishkahdezewug, oonje kekuhkebahjechegad emuh Israeling keweepamaud Jacob oodahnissun; ewh kageëzhechegasigoobun.

PSALMS 130:4

Keen mah kenetah‐ahbwayanjega: cheöonjekoosigooyun.

PSALMS 50:5

Mahwunzoomik egewh anuhmeätuhwejig oomah anduhzhe ahyahyaun: egewh kahwahweenduhmah wejig sahsahgewejegawaud.

ST. JOHN 14:27

Pezaunewawin kenuhguhduhmoonenim, nepezaun-ewawin kemeenenim: kahween azhemeegewamahguk ewh uhkee, kedezhemeenesenoonim. Kagoo megooshkahjedaäkagoon, kagoo kuhya sagandunkagoon.

ST. JOHN 20:19

Uhpe dush kahoonahgooshenig kahishquah‐aunwabe‐kezhegudenig, uhpe kekebahquahegahdag enewh ishquaundamun emuh kahduhzhe‐mahoonjeëdewaud egewh kekenooähmahgunug, oonje koosahwaud enewh Jewyun, kepeëzhah owh Jesus, kenebahwe emuh nahwuhyeëe ahyahwaud, oo‐oo dush oodenaun, Pezaunewawin ahyahmook.

ST. JOHN 20:26

Kahswahsoongoonahguk menuhwah peendig kemahoonjeëdewun enewh ookekenooähmahgunun, kuhya ween Thomas keduhneze: ketuhgwishin dush owh Jesus magwah kebahquahegahdag enewh ishquandamun, kenebahwe dush nahwuhyeëe ahyahwaud, oo‐oo dush keëkedoo, Ahyahmook ewh pezaunewawin.

ST. JOHN 5:14

Nahguj dush Jesus oogemekahwaun emuh keche‐ahnuhmeä‐weguhmigoong, oo‐oo dush oogeënaun, Benuh, kenoojimooëgoo: kagoo menuhwah mujje‐ezhechegakan: koonemah nahwuj sanuhguk kegahoodissegoon.

ST. JOHN 8:11

Equa dush keëkedoo, Kah ahweyah, nindoogemaum. Jesus dush oo‐oo oogeënaun, Kah kuhya neen kenahneboomesenoon, mahjaun, kagoo menuhwah mujje‐ezhechegakan.

OODEZHECHEGAWINEWAH 10:36

Ewh ekedoowin kahezheguhnoonaud owh Kesha‐Muhnedoo enewh oonejahnesun owh Israel wahweendung ewh pezaunewawin oonje Jesus Christ; (mesuh owh tabanemaud kuhkenuh:)

OODEZHECHEGAWINEWAH 3:26

Kenuhwah netum kemeenenag owh Kesha‐Muhnedoo enewh oobuhmeetahgunun Jesusun oogepeëzhenahzhahwaun dush cheshahwanemenag, cheöonjequakeënenag kuhkenuh anduhcheyag enewh kemujjeëzhewabezewinewah.

GALATIANUN 4:9

Noongoom dush kakanemag Kesha‐Muhuedoo, ahwahshema nindahekid kakanemenag Kesha‐Muhnedoo, ahneeshwin ezheähzhasayag emuh shuhyahgwewemahguk kuhya ningood anahbuttussenook ooshke‐kekenooähmahgoowining, me emuh nunduhwanduhmag menuhwah chedebandahgoozeyag?

EPHESIANUN 2:17

Kuhya kepeëzhah, kedebahjemootuhmoonenag ewh pezaunewawin kenuhwah wahsuh kahahyahyag, kuhya enewh pashoo kahahyahnejin.

II. THESSALONIANUN 3:16

Benuh dush, owh Tabaningad pezaunezewin mahgewad, kegahmeenegoowah ahnooj pezaunezewinun kahgenig. Tabaningad kegahweejewigoowah kuhkenuh kenuhwah.

II. TIMOTHEUSUN 2:19

Pooch Kesha‐Muhnedoo oominjemoosechegun soongekahbahwemahgudene ewh atanig maunduh ahkookewussegun, Tabaningad ookekekanemaun enewh tebenuhwa oodahnishenahbamun, Kuhya, Mahnoo kuhkenuh egewh wuhyahweendungig oodoonoozoowin owh Christ oogahwabenahnahwah mujje‐ezhewabezewin.

HEBREWUN 12:25

Ahyaungwahmezik cheähgoonwatahwahsewag owh kahkedood. Kishpin mahween ahbetakummig kekooduggeïndwah egewh kahahgoonwatahwahjig enewh kahkekedoonejin oomah uhkeeng, ahwahshema kegahoonje‐kooduggeëgoomin kishpin bezinduhwahsewung owh keche‐kezhegoong wanje‐kekedood.

REVELATION 3:19

Kuhkenuh egewh suhyahgeügig nenuhneebikemaug kuhya nepuhzhunzhawaug: minwawezin dush ween, kuhya aunuhwanindezoon.