PSALMS 85:12 - Ottawa New Testament Penteteuch and Psalms 1874

¹² Jehovah oogahmeegewan ewh wanesheshing: kuhya tahkechenetahwugin keduhkemenaun.

PSALMS 85:12 Iomraidhean Croise

PSALMS 67:6

Me dush uhpe ewh uhkee kakechemekoogemahguk: kuhya Kesha‐Muhnedoo, kenuhwind Kekesha Muhnedoomenaun kegahshahwanemegoonaun.

PSALMS 72:16

Ahnahween goo punge atuh‐menekaun suhswawabenegahdag emuh wahnahkoowewung wahjewh pooch tahbahtuheïnud buhquazhegunush debishkoo azhewabuk emuh Lebanoning: egewh dush wahdatoojig emuh oodanaung tahminwahbuhmenahgoozewug debishkoo muskoosewining oomah uhkeeng.

PSALMS 84:11

Nekezisoon kuhya nindushwewin mah ahwe owh Jehovah Kesha‐Muhnedoo: Jehovah oogahmeegewan shahwandahgoozewin kuhya kechetwahwandahgoozewin: kahween oogahsahgetoomahwahseen enewh bamoosanejin emuh quuhyuk meekunaug gagoo wanesheshing.

LEVITICUS 25:19

Tahmeekoogemahgud dush uhkee kuhya kegahtabesineem kuhya pezaun kegahduhnuhkeem emuh.

LEVITICUS 26:4

Kegahmeenenim kemewun‐ahboo uhpe dabishkoosag chekemewungoobun, tahmeekoogeemahgud dush uhkee kuhya tahmahnewewug egewh noonpeming duhzhe metigoog.

St Matthew 13:23

Owh suh dush kahsuhswawabenegahzood emuh oonesheshing ewh uhkee, mesuh owh nwaundung ewh ekedoowin, nesittootung edush; mahnewid dush, kuhya natahwuggetood, ahnind ningoodwauk ahwahshema keduhchin, ahnind kuhya ningoodwahswe‐meduhnah, ahnind kuhya nesemeduhnuh.

St Matthew 13:8

Ahnind dush kepungesenene emuh wanesheshing ewh uhkee, kemenewung dush, ahnind ningoodwauk menik ahwahshema keduhchin, ahnind ningoodwahswe‐meduhnuh, ahnind kuhya nesemeduhnuh.

OODEZHECHEGAWINEWAH 2:41

Me dush egewh wawane kahoodahpenungig ewh oodekedoowin kebaptizooähwug: ewh edush goo kezheguk, kenesoo‐metauswaukoosewug egewh kahtahquahnooninjig emuh ahnuhmeähwining.

OODEZHECHEGAWINEWAH 21:20

Uhpe dush kahnoonduhmoowaud oogewahwezhanemahwaun enewh Tabaninganejin, oo‐oo dush keënahwaud, Kewahbuhmaug wawejekewaëmegooyun, menik duhsoo metauswaukoosewaud egewh Jewyug duhyabwayandungig; kuhkenuh dush oogoo oosahgetoonahwah ewh tebahkoonegawin.

I. CORINTHIANUN 1:30

Ween suh wanje‐debandahgoozeyag emuh Christ Jesusing, owh kahpuggedenegood enewh Kesha‐Muhnedoon, cheähwid kenebwahkahwinenaun, kuhya keminwandahgoozewinenaun, kuhya kequuhyuk‐ezhewabezeëgoowinenaun, kuhya kebemahjeëgoowinenaun:

EPHESIANUN 1:3

Tahmahmooyahwahmah Kesha‐Muhnedoo oosun owh Tabanemenung Jesus Christ, owh kahshahwanemenung kuhkenuh wajechaugwandahgwukkin shahwandahgoozewinun ewede kezhegoong anduhgoogin emuh Christing:

JAMES 1:17

Kuhkenuh wanesheshingin meegewawinun kuhya kuhkenuh manwandahgwukkin meegewawinun ishpeming oonjemahgudoon, emuh anduhzhe ahyaud owh Wayoosemegood enewh wahsayahzewinun, owh wekah ahyaundahkoonegasig kuhya quakezhewabezesig.