PSALMS 8:3 - Ottawa New Testament Penteteuch and Psalms 1874

³ Uhpe nahyahnahgahdahwanduhmaunin enewh kekezhekoom keneenjeeng kahoozhetooyun: owh tebeke‐keezis kuhya ahnungoog kahahsudjig.

PSALMS 8:3 Iomraidhean Croise

GENESIS 1:1

Wuhyashkud Kesha‐Muhnedoo oogeöozhetoonun kezhik kuhya uhkee.

PSALMS 104:19

Oogeähsaun enewh tebeke‐keezisoon chekekenoowahduk kekenoonoowin: kezhike‐keezis kekanjega uhpe kapungeshemood.

PSALMS 111:2

Keche‐ahpeetandahgwudenewun kuhkenuh oodahnookeewinun owh Jehovah: kuhkenuh egewh manwandungig oonundahwahbundahnahwah enewh.

PSALMS 148:3

Mahmooyahwahmik kezis kuhya tebike‐kezis: mahmooyahwahmik kuhkenuh ahnungoodoog.

PSALMS 19:1

Wahweendahmahgamahgud suh keezhik ewh azhepezhegandahgoozid Kesha‐Muhnedoo: kuhya mezhuh‐kezhik wahbundahewamahgud azhewahweengazid gagoo wazhetoojin.

PSALMS 33:6

Me‐suh oodekedoowin owh Jehovah kahoonje‐oozhechegahdag ewh kezhik: kuhya kuhkenuh ayahjig emuh oogeöozheëgoonahwah ewh oonasawin oodooning wanjebahmahgudenig.

PSALMS 89:11

Keen kedebandaunun kezhig kuhya uhkee: kuhya kegeöozhetoonun kuhkenuh uhyeëen emuh atagin.

EXODUS 31:18

Oogemeenaun dush Mosesun, uhpe kahishquahguhkuhnoonaud emah Sinai wuhjewing, neezh debahjemoowine tasahbikoon, uhsine‐tasahbikoon, wazhebeëgahdagin Kesha‐Muhnedoo ooninj keühyood.

EXODUS 8:19

Me dush egewh wahbunoo‐wenenewug oo‐oo keënahwaud Pharaohun, Me suh oo‐oo Kesha‐Muhnedoo ooninj; kemushkuhwetuhmuhwah dush Pharaoh ooda, kebezinduhwahsig dush enewh; kahekedoopun egoo Jehovah.

ST. LUKE 11:20

Kishpin dush neen weedookahgooyaun Kesha‐Muhnedoo ooneenj, wanjesahgeje‐wabenugwah mujje‐muhnedoog, kagate ewh Kesha‐Muhnedoo oodoogemahwewin ahzhe kepeödessigoonahwah.

ROMANUN 1:20

Puggukkanjegahdanewun suh enewh wuhyahbuhmenahgwussenoonenigin ooduhyeemun akoo‐oozhechegahdag uhkee, enewh wazhechegahdagin wanjekekanjegahdanig ookahgega‐mushkahwezewin kuhya oo‐Kesha‐Muhnedoowandahgoozewin; kah dush gagoo oodahyaunsenahwah kaëkedoowaud:

DEUTERONOMY 4:19

Kuhya kezhigoong cheëzheöombenuhsewun kishkeenzhigoon, uhpe dush wahbuhmud keezis, kuhya tebik‐keezis, kuhya egewh uhnungoog, kuhkenuh suh goo egewh buhyahtuhyenoojig kezhigoong, chegaundenegoosewun cheähnuhmeätuhwudwah, kuhya chebuhmeetuhwudwah, enewh Jehovah keKesha‐Muhnedoom mahnahjin kuhkenuh uhnooj azheweenzoonejin ahnishenahban uhnaume‐kezhigoong.