PSALMS 71:2 - Ottawa New Testament Penteteuch and Psalms 1874

² Ahwin kache swaungung newahkahegun emuh cheähyahyaun kahgenig: kegeëkid, chewedookahweyun, keen muh kedow nebemahjeëwawine wahkahegun, kuhya kache ishpaug newegewaum.

PSALMS 71:2 Iomraidhean Croise

PSALMS 143:1

Bezinduhmahweshin nindahnuhmeäwin Jehovah, kuhya nahnahgahdahwandun nenundoodah mahgawin: bezinduhweshin emuh kedabwawining kuhya emuh kequuhyukwahdezewining.

PSALMS 143:11

Bemahjeëshin, O Jehovah, oonje kedezhenekahzoowin: kuhya kediskewh ninjechaug oonje oojahnemezewining, oonje kequuhyukwahdezewin.

PSALMS 17:2

Mahnoo netebahkoonegoowin tahoonjeemahgud ewede anduhzhe‐ahyahyun: kuhya mahnoo kegahguhnuhwahbundaun ewh quuhyukwuk, kishkeenzhegoon ahyooyun.

PSALMS 17:6

Kegeähnuhmeätoon, O Kesha‐Muhnedoo kegahnahquatow mah: bezinduhweshin chenoonduhmun nindekedoowinun.

PSALMS 31:1

Mesuh kemushkahwezewin apanemooyaun, O Jehovah: kah wekah ningahahgujjeëgoose, bemahjeeshin emuh kemenoo‐ezhewabezewining.

PSALMS 31:2

Bezinduhweshin ketuhwuggaung: waweeb bemahjeëshin nindahzhebikoom ahwen kuhya nepeenjwahkahegunim.

PSALMS 34:15

Jehovah mah ooguhnuhwahbuhmaun enewh manoo ezhewabezenejin kuhya nesahkooshkahne ootuhwugoon chebezindahwaud enewh anuhmeätahgoojin.

PSALMS 43:1

Tebahkooneshin keen O Kesha‐Muhnedoo kuhya guhnooduhmooweshin tebahkoonewaud anuhmeähsegoog ahnishenahbag: O metahgwanemooweshin owh wuhyazhingashkid kuhya maje‐ezhewabezid enene.

I. CORINTHIANUN 10:13

Kahween gagoo pukkaun kuhgwajeëdewin kegepuhgummishkahgoosenahwah ewh suh atuh doowah moonzhug puhgummishkahgoowaud enenewug: Kesha‐Muhnedoo quuhyuk‐ezhewabeze, kah dush kegahpuggedenuhmahgoosewah chekuhgwajeëgooyagoobun ahwahshema ewh kaëzhekushketooyagoobun; kagwajeëgooyagoon ween suh kegahoozhetahmahgoowah kaöonje‐kushkoonduhmag.