PSALMS 7:8 - Ottawa New Testament Penteteuch and Psalms 1874

⁸ Owh Jehovah oogahtebahkoonaun enewh ahnishenahban: tebahkooneshin, O Jehovah, anandahgwuk nequuhyukwahdezewin, kuhya menik menoo‐ezhewabezewin kakishkahwaunan.

PSALMS 7:8 Iomraidhean Croise

GENESIS 18:25

Kahbah bahpish kedahezhechegase, chenesudwah egewh manoo‐ezhewabezejig uhpe nesudwah egewh maje‐ezhewabezejig: kuhya manoo‐ezhewabezejig cheëzheähyahwaud debishkoo azheähyahwaud egewh maje‐ezhewabezejig, kahween kedahezhechegase, Kahnuh ween tahquuhyukoochegase owh kadebahkoonung uhkee?

GENESIS 31:53

Kegahdebahkoonegoonaun oo‐Kesha‐Muhnedoomun Abraham, kuhya oo Kesha‐Muhnedoomun owh Nahor, oo Kesha‐Muhnedoomewaun enewh oosewahbuneen. Jacob dush kemushkahwe‐wahweendahmahga ketuhgooweenaud enewh oosun Isaac quasahjin.

PSALMS 11:4

Ahyah suh owh Jehovah emuh ookechetwahweguhmigoong: oodoogemah‐wuhbewin owh Jehovah ishpeming duhgoomahgudene.

PSALMS 25:21

Bemahjew Israel O Kesha‐Muhnedoo: oonje kuhkenuh oodahnemezewinun.

PSALMS 26:1

Tebahkooneshin O Jehovah, ningebemoosa mah emuh menoo‐ezhewabezewining; ningeähpanemah mah Jehovah, me kaöonjepukkittashinsewaun.

PSALMS 26:11

Neen dush ween ningahbemoosa emuch nemenoo‐ezhewabezewining; bemahjeëshin kuhya shahwanemeshin.

PSALMS 41:12

Neen dush keguhnuhwanim azhemenoo‐ezhewabezeyaun: kuhya kahgenig keguhnuhwahbum.

PSALMS 43:1

Tebahkooneshin keen O Kesha‐Muhnedoo kuhya guhnooduhmooweshin tebahkoonewaud anuhmeähsegoog ahnishenahbag: O metahgwanemooweshin owh wuhyazhingashkid kuhya maje‐ezhewabezid enene.

PSALMS 78:72

Me dush keähshummaud enewh debishkoo manooëzhewabudenig ooda: kuhya oogekekenooähmahwaun debishkoo ewh azheminwawezemahgudenig ooneenjeen.

PSALMS 82:1

Kesha‐Muhnedoo nebahwe emuh anduhzhe‐mahoonjeëdewaud egewh mashkahwezejig: ootebahkoonaun enewh Muhnedoon.

PSALMS 9:8

Quuhyuk suh oogahtebahkoonaun enewh akewenejin: emuh quuhyuk wahdezewining oogahtebahkoonaun enewh ahnishenahban.

PSALMS 96:13

Anahsuhmuhbid Jehovah, peëzhah mah peëzhah chetebahkoondung uhkee: menoo‐tebahkoonegawining oogahezhetebahkoondaun uhkee kuhya enewh ahnishenahban emuh oodabwawining.

PSALMS 98:9

Mahnoo keche‐seebeen tahpuhpusseninjeëkezoomahguddoon, kuhya mahnoo enewh wahjewun mahmahwe tahmoojegezemahguddoon emuh enahsuhmid ewh uhkee, kuhya dush egewh emuh anduhnuhkeejig.

OODEZHECHEGAWINEWAH 17:31

Oogewahweendaun muh ewh kezhik, uhpe katebahkoondung ewh uhkee emuh quuhyukezhewabezewining oonje-enewh enenewun kahwuhwanahbuhmahjin; me ewh kahenahjemootahwaud kuhkenuh enenewun, ewh keähbejebahaud enewh.

II. CORINTHIANUN 1:12

Mesuh oo‐oo wanje‐moojegezeyaung, ewh tebahjemoomahguk nekekanindezoowinenaun, emuh menoo‐ezhewabezewining kuhya emuh Kesha‐Muhnedoo oodabwawining, kahween emuh weyausewe‐nebwahkahwining, emuh atuh ooshahwanjegawining owh Kesha‐Muhnedoo, keëzhebemahdezeyaung oomah uhkeeng, mamwach edush kenuhwah enuhkayah.

THESSALONIANUN 2:10

Kenuhwah kekekandahnahwah, kuhya Kesha‐Muhnedoo ookekandaun kahezhemenoo‐ezhewabezeyaung kuhya kahezhequuhyukwahdezeyaung, kah kuhya ahweyah ningemujje‐enanemegoosenaun magwah keduzzhekayaung anduhzhe ahyahyag kenuhwah duhyabwayanduhmag: