PSALMS 57:1 - Ottawa New Testament Penteteuch and Psalms 1874

¹ Shahwanemeshin, O Kesha Muhnedoo, shahwanemeshin, kegenahdanemik mah ninjechaug: kuhya ahnaum keningweguning ningahnauzhenezhim nahnauzh egoo keïshquah‐ahnemezeyaun.

PSALMS 57:1 Iomraidhean Croise

PSALMS 125:1

Egewh apanemahjig Jehovahun, debishkoo Zion wahjewing tahezheähyahwug: ewh wekah kamahmahjesasenook, ahpena kahgenig tahduhgoomahgud.

PSALMS 13:5

Kegeähpanemin suh kacheshahwanjegayun: tahmoojegezemahgud ninda kebemahjeëwawin oonje.

PSALMS 142:1

Ningenuhnaumdoomah Jehovah kenoondahgoozeyaun: kenoondahgoozeyaun ningeähnuhmeätuhwah Jehovah.

PSALMS 2:12

Umba oojeemik owh Wagwissemind, koonemah tahgenishkahdeze, kenuhwah dush kedahgebahnahdezeem oonje meekunaung: wuhyebah mah tahpiskunane oonishkahdezewin; shahwandahgoozewug kuhkenuh egewh apanemahjig enewh.

PSALMS 36:7

O Jehovah, kebemahjeäh enene kuhya ahwase: Keche‐ahpeetandahgwudoon keshahwanjegawinun, O Kesha‐Muhnedoo: mesuh enenewug wanje‐ahpane moowaud keningwegunun.

PSALMS 56:1

Shahwanemeshin, O Kesha‐Muhhedoo, neweähmoogoog mah enenewug: kuhpa kezhik nepeöodissegoog egewh mahgahzhejig.

PSALMS 58:1

Kagate enuh menoo‐ezhewabud kedekedoowinewah kenuhwah mahyahwunjeëdeyag? quuhyuk enuh ezhewabud ketebahkoonegawinewah, kenuhwah wagwissemenagwah enenewug?

PSALMS 59:1

Metahgwanemooweshin egewh shaunganemejig, O ne‐Kesha‐Muhnedoom: guhnuhwanemeshin oonje egewh pahmegahzhejig.

PSALMS 61:4

Keen mah kedow nindezhenezhemoowin: kuhya swaungung wahkahegun oonje egewh shaunganemejig.

PSALMS 63:7

Oonje keweedookahweyun mesuh kaöonjeminwanduhmaun emuh ahnahme‐keningweguning ahyahyaun.

PSALMS 75:1

Kemahmooyahwuhmegoo, O Kesha‐Muhnedoo, kemahmooyahwuhmegoo; pashoowud edush kedezhenekahzoowin; oodebahdoodahnahwah kemahmaundahwejegunun.

PSALMS 9:10

Kegahahpanemegoog kuhkenuh egewh kakandungig kedoonoozoowin; Kah mah wekah kegenuhguhnahseeg egewh nanduhwahbuhmikig O Jehovah.

PSALMS 91:1

Owh andaud emuh ookeemoodezewining owh mahyahmahwe‐ishpandahgoozid: tahduhneze emuh anduhzhe ahgahwahtashkahgood mahyahmahwe‐ishpandahgoozenejin.

PSALMS 91:4

Ahnaum ningwegunaung kegahguhnuhwanemik: kuhya ahnaum ooningwegunaung kegahuhpanemoon: oodabwawin debishkoo kedushwewining tahezhewabud.

PSALMS 91:9

Keen mah Jehovah nindezhenezhemoowin kedow: mayahmahwe‐ishpandahgoozïd ahwe kewegewaum.

St Matthew 24:22

Kishpin suh tahkwahchegahdasenoog oonoo kezhegudoon, kah kuhnuhga ahweyah bamahdezid tahgebemahjeähse; egewh dush kagegenindjig tahoonjetahkwahchegahdanoon.

ST. LUKE 13:34

O Jerusalem, Jerusalem, keen nasudwah egewh aunwahjega‐wenenewug, kuhya pamwahsenuhudwah egewh kahpeëzhenahzhahahmahgooyunin, ahneen duhching keënanduhmaun chemahwunzoomugwah kenejahnesug, debishkoo owh noozha‐pahkahahqua azhemahwunzoomaud enewh oonejahnesun emuh ahnaumeningwegun, kah dush kegeënanduhseem!

ST. JOHN 16:20

Kagate, kagate, kedenenim, Kenuhwah kegahmahwim kuhya kegahwesugguhdamoom, egewh dush akeewejig tahmoojegezewug: kenuhwah dush kegahnuhneenuhwandaum, kenuhneenuhwanduhmoowinewah tahquakenegahda mamashquaud dush cheoönahnegoozeyag.

DEUTERONOMY 9:26

Ningeähnuhmeätuhwah suh dush Jehovah, oo‐oo keënug, O Jehovah Kesha‐Muhnedoo, kagoo nishwuhnahjeähkan kedahnishenabamug kuhya ewh kedebandahsoowin, ewh kahkeeshpenuhdooyun kekechetwahwandahgoozewin oonje, ewh Egypting kahoonjesahgejewedooyun mashkuhwezemuhguk keninj keühyooyun.

REVELATION 21:4

Kesha‐Muhnedoo dush oogahpangooshkinzhegwaäun enewh; kah dush kayahbe tahduhgoomahgussenoon neboowin, kah kuhya kushkandanduhmoowin, kah kuhya muhwewin, kah dush kuhnuhga gagoo wesugganduhmoowin tahduhgoomahgussenoon; kata‐uhyeëen muh keïshquahsanoon.

REVELATION 7:14

Oo‐oo dush ningeënah, Nindoogemaum, keen kekekandaun, Oo‐oo dush ningeïk, Mesuh oogoo ahyahwejig emuh keche‐kooduggetoowining kahoonje‐sahgahungig, kuhya kahkesebegenungig enewh oodahgwewinewaun, kuhya kewahbishkegetoowaud emuh oomisqueeming Mahnishtahnisheens.