PSALMS 5:4 - Ottawa New Testament Penteteuch and Psalms 1874

⁴ Keen mah Kesha‐Muhnedoo kahween keminwanduhseen mujje‐ezhewabezewin; kah kuhya tahduhgoomahgussenoon mujje‐uhyeëewish emuh andahyun.

PSALMS 5:4 Iomraidhean Croise

PSALMS 101:7

Kahween peendig newegewauming tahdahse owh mahkindung wuhyazhingawin: kahween anahsuhmeyaun tahnuhmuhduhbese owh kakenuhwishkid.

PSALMS 11:5

Ooshkinzhegoon ahyood oonahnahgahdahwahbuhmaun enewh katemahgezenejin: kuhya ooshkinzhegoo kebahegunun ahyood oonundahkekanemaun enewh enenewug oonejahnesewaun.

PSALMS 140:13

Ahbetakummig egewh quayukwahdezejig oogahwahwezhandahnahwah kedezhenekahzoowin: egewh manoo‐ezhewabezejig tahnuhmuhduhbewug emuh anahsuhmeyun.

PSALMS 50:21

Oo‐oo kegeëzhechega kah dush ningekekedoose; kegeënanim cheëzhewabezeyaun debishkoo keen azhewabezeyun: kegahnuhneebikemin suh, kuhya wawane kegahwahbundahin enewh kemujje‐ezhechegawinun.

PSALMS 63:2

Chewahbunduhmaun kemushkahwezewin: kuhya kepezhegandahgoozewin, debishkoo kahezhenuhmaun emuh kechetwah‐ahnuhmeä‐weguhmigoong.

PSALMS 88:14

Ahnishwin, O Jehovah, kawabenud ninjechaug: kegahkahdoon nah kishkinzhegoon chewahbunduhsewaun?

PSALMS 94:20

Kegahweedookahgoon enuh ewh mujje‐ezhewabezewine‐oogemah‐wuhbewin: owh wazhetood mujje‐uhyeëewish oonje tebahkoonegad.

ST. JOHN 14:23

Jesus dush oogenuhquatuhwaun, oo‐oo dush keënaud, Kishpin ahweyah sahgeïd, oogahguhnuhwandaunun nindekedoowinun: Owh dush Noos oogahsahgeäun: ningahbenaunzekahwahnaun kuhya ningahweej‐ahyahwahnaun.

HEBREWUN 12:14

Noopenuhduhmook ewh pezaune‐weejindewin chepezaune‐weejewagwah kuhkenuh enenewug, kuhya quuhyuk‐ezhewabezewin, ewh ahweyah ahyahsig kahween oogahwahbuhmahseen enewh Tabaninganejin:

II. PETER 3:13

Pooch edush kenuhwind kenundahwahbundahmin ooshke kezhik kuhya ooshke uhkee, debishkoo akedoomahguk ewh oowahweendahmahgawin, emuh kaähyahmahguk ewh quuhyuk‐ezhewabezewin.

REVELATION 21:23

Emuh oodanaung kahween kenunduhwanemahse kezis gamuh tebike‐kezis chewahsayaug emuh, ewh muh oopeshegandahgoozewin Kesha‐Muhnedoo mesuh wanjewahsayaug emuh, kuhya Mahnishtahnisheens ewede duhzhe wahsayahzewin ahwe.

REVELATION 21:27

Kah dush kuhnuhga tahpeendegamahgussenoon emuh gagoo wahnuk, kuhya gagoo wanjesing ewh kuhgwahnesuggezewin, gamuh wazhetood ewh kuhkenuhewishkewin: egewh atuh wazhebeöondjig emuh oobemahdezewine muzzenuheguning Mahnishtahnisheens.