PSALMS 43:2 - Ottawa New Testament Penteteuch and Psalms 1874

² Keen mah kedow neKesha‐Muhnedoom wanje‐mushkahwezeyaun, wagoonash kahoonjeëkoowabeneyun: wagoonash wanjebahbahahnemezeyaun magwah mujje‐doodahwid owh shaunganjegad?

PSALMS 43:2 Iomraidhean Croise

PSALMS 140:7

Jehovah Tabaningayun keen mashkahwezeyun bamahjeëwayun: kegeüngwahnahaun nishtequaun uhpe mahgahding.

PSALMS 28:7

Tahwahwezhanemah Jehovah: oogebezindaun mah nindinwawin uhpe keähnuhmeähyaun.

PSALMS 31:4

Ekooneshin oonje nuhgwahguning: keemooj kahoozhetoowaud chenuhgwahnegooyaun keen mah nemushkahwezewin kedow.

PSALMS 42:10

Kahzhegukkin Jehovah oogemeegewan ooshahwanjegawin: tabekukkin dush ningenuhguhmootuhwah kuhya ningeähnuhmeätuhwah owh Kesha‐Muhnedoo dabandung nebemahdezewin.

PSALMS 42:9

Kecheseebeen kuhnoonindemahgudoon oonje muhtwa‐keche‐kemewung: nepesegahoogoog kuhkenuh ketegoowug.

PSALMS 44:9

Nemuhmequahzoomin oonje Kesha‐Muhnedookuhpa kezhik: kuhya ningahwahwezhanduhmin kedezhenekahzoowin kahgenig.

PSALMS 71:9

Nemujje‐duhzhemegoog mah egewh nashkanemejig, kuhya egewh akahmahwahjig ninjechaugwun mahmahwe kahkekedoowug oo‐oo dush akedoowaud, oogenuhwuhnegoon Kesha‐Muhnedoon: kooduggeïk kuhya tuhkoonik, kah mah ahweyah oogahwedookahgooseen.

PSALMS 77:7

Kahgenig enuh ningahwabenik owh Tabaningad? kah nuh kuhya wekah ningahminwanemegoose?

PSALMS 88:15

Neketemahgiz kuhya nenetuhnib pahahkooooshkenegeyaun: oonjekooduggeëyun nepwahnuhwetoo.

PSALMS 94:14

Kah mah Jehovah oogahwabenahseen enewh oodahnishenahbamun: kah dush oogahnuhguhdunseen tebenuhwa ooduhkeem.

EXODUS 15:2

Jehovah nemushkuhwezewin ahwe, me kuhya owh naguhmootuhwug, nimbemahjeëwawin suh dush kuhya ahwe: me owh ne‐Kesha‐Muhnedoom, ningahwuhwazhetuhmuhwah dush emah kadaud; noosebun oo‐Kesha‐Muhnedoomun ningahwahwezhanemah dush.

EPHESIANUN 6:10

Ishquauj, nejekewaëdoog, mushkahwezeyook oonje Tabaningad, kuhya azhemushkahwezemahgudenig oomushkahwezewin.

PHILIPPIANUN 4:13

Nekushketoonun ahnooj gagoo cheëzhechegayaun oonje owh Christ mashkahwanduhmooïd.