PSALMS 41:1 - Ottawa New Testament Penteteuch and Psalms 1874

¹ Shahwandahgooze suh owh nuhyahgahdahwanemaud enewh katemahgezenejin: oogahbemahjeëgoon Jehovahun uhpe ahyahnemezejin.

PSALMS 41:1 Iomraidhean Croise

PSALMS 112:9

Kesuhswawabenega, oogemeenaun enewh katemahgezenejin: kahgenig duhgoomahgudene ooquuhyukwahdezewin; oodashkun tahoombenegahdane oonje kechetwahwandahgoozewin.

PSALMS 34:19

Netuh‐keche‐ahnemeze owh manoo‐ezhewabezid oobemahjeëgoon suh enewh Jehovahun oonje kuhkenuh oodahnemezewinun.

PSALMS 37:19

Kahween tahsagezesewug uhpe nuhyahneezahnezingin: uhpe pakkuddakummegaug tahtabesenewug.

PSALMS 37:26

Uhpena netuh‐shahwanjegawug egewh manoo‐ezhewabezejig kuhya netuh ahweëwawug tahshahwandahgoozewun onejahnesun.

ST. MARK 14:7

Kahgenig kedahwahwahwaug egewh katemahgezejig, uhpe dush ananduhmagoon kedahmenoo‐doodahwahwaug: neen dush ween kahween kahgenig kegahweejeweseem.

OODEZHECHEGAWINEWAH 20:35

Kegewahbundahenim kuhkenuh uhyeëen, kaëzheahnookeeyag cheähshummagwah egewh naneenuhmezejig, chemequanduhmag dush owh Tabaningad Jesus oodekedoowinun, kahekedood, Nahwuj shahwandahgwud chemeegewang dush ween cheoodahpenegang.

GALATIANUN 2:10

Keënanduhmoog atuh chemequanemungidwah egewh katemahgezejig: ewh nahsaub uhpena kahenanduhmaun kuhya neen cheëzhechegayaun.

THESSALONIANUN 5:14

Noongoom dush, kedegoom, wejekewaëmahdoog, kezhah guhnoonik egewh kagaunzetungig, menoodaäïk egewh mashkahwanduhsigoog, nahdahmahwik egewh shuhyahgwewejig, shuhshebanemik kuhkenuh enenewug.

HEBREWUN 6:10

Kah suh ween mujje‐ezhewabezese Kesha‐Muhnedoo chewuhnandungebun kedahnookewinewah kahahnookeeyag oonje ewh sahgeäg, kahwahbunduhewayag oonje ewh oodezhenekahzoowin, keweedookahwagwah egewh anuhmeähjig kayahbe dush weedookahwagwah.

JAMES 2:13

Tahtebahkoonah suh kah dush tahshahwanemahse owh shawanjegasig; ewh dush shahwanjegawin oonje‐moojegezemahgud kahshahgoochechegahdag ewh tebahkoonegawin.

REVELATION 3:10

Oonje keguhnuhwanduhmun ewh neminwahdanduhmoowine‐ekedoowin, kuhya neen kegahguhnuhwanemin uhpe tagwishenoomahguk kuhgwatebanjegawin, mezewa oomah uhkeeng kaëzhekuhgwatebanemindwah kuhkenuh uhkeeng ayahjig.