PSALMS 39:12 - Ottawa New Testament Penteteuch and Psalms 1874

¹² Uhpe keen naneebikemud enene mujje‐ezhewabezewin oonje, kebahnahjetahmahwah oominwahbuhmenahgoozewin, debishkoo oogahwase azhebahnahjetood ahgwewin: kagate suh koopuddandahgoozewug enenewug.

PSALMS 39:12 Iomraidhean Croise

GENESIS 21:34

Abraham dush kepahbahduhneze emuh Philistianug ooduhkeemewaung nebewah dussoogoon.

GENESIS 47:9

Jacob dush oo‐oo oogeënaun Pharaohun, Ningoo‐dwauk ahshe nemeduhnuh duhsoo pepoon nepahbahduhniz oomah uhkeeng: pungeshawuggudoon kuhya mujjeëzhewabudoon nekezhegudoomun, kah dush nintabemahdizese menik kahbemahdezewaud noosebuneeg uhpe kahpahbahduhnezewaud oomah uhkeeng.

PSALMS 102:1

Jehovah bezindun ninduhnuhmeäwin: kuhya mahnoo kegahoodissegoon nindahnemetahgoozewin.

PSALMS 116:3

Ningekeewetaushkahgoonun enewh neboowine‐wesugganduhmoowinun: kuhya ningeminjeminegoonun ahnahmuhkummig wanjebahmahgukkin kooduggetoowinun kuhya ketemahgazewin.

PSALMS 119:19

Nemahyuggiz oomah uhkeeng: kagoo kahdoomahweshin kekuhgequawinun.

PSALMS 119:54

Ningenuhguhmootaunun ketebahkoonegawinun: emuh newegewauming ewede wahsuhwakummig kebahbahduhnezeyaun.

PSALMS 56:8

Kegeähgindaunun nindoozhemoowinun: ahtoon nesebeengwaün emuh kemoodansing: kahnuhween oozhebeëgahdasenoon emuh kemuzzeneëguning.

PSALMS 90:9

Keïshquahsamahgudoon nekezhegudoomenahnin oonje nishkahdezeyun: kuhya debishkoo ahjinah nahnahgahdahwanduhming ezheähyahmahgudoon nekekenoonoowinenahnin.

LEVITICUS 25:23

Kahween tahahpeche‐ahtahwaseem uhkee, neen mah nindebandaun uhkee keenuhwah dush kemahyuggezeem kuhya kepahbahduhnezeem emuh ninduhkeeming.

II. CORINTHIANUN 5:6

Mesuh moonzhug wanje‐soongedaäyaung, kekanduhmaung ewh ahpeech ahbeetuhmaung ewh weyowemah, kahween neweejewahsenaun owh Tabaningad:

HEBREWUN 11:13

Kuhkenuh oogoo keneboowug magwah kedabwayanduhmoowaud, keöodahpenunsigwah enewh kahwahweenduhmoowindwahpun, wahsuh atuh keöonzahbunduhmoowaud, keähnahmikahmoowaud dush kuhya kedabwayanduhmoowaud, kuhya dush mezheshuh keëkedoowaud ewh kemahyahdahwezewaud kuhya kebahbahmahdezewaud oomah uhkeeng.

HEBREWUN 5:7

Me suh wah‐owh magwah keweyausewid, kahkecheahnuhmeäud kuhya kahpahgoosanjegad bakish kekechenoondahgoozid muhwid keähnuhmeätuhwaud enewh kakushkeäwezenepun chebemahjeëgood cheneboosig, kebezindahwah dush ewh kekootung:

I. PETER 1:17

Kishpin Noosenaun azhe‐guhnoonag owh kuhnuhga papikkinoong ahyenanemahsig ahweyah, azhetebahkoonewad dush ween nahsaub anandahgwudenig anduhshid enene oodezhewabezewin, emuh sagezewining ezhebemahdezeyook menik kapahpahduhnezewagwan oomah uhkeeng:

I. PETER 2:11

Kache‐sahgeënenuhgoog, kepahgoosaneminenim debishkoo mahyahdahwezejig kuhya pabahmahdezejig, meewetooyook enewh weyause‐mujje‐nunduhwanduhmoowinun enewh mahgahzoomahgukkin cheöonje‐bahnahjeïndwah egewh oojechaugoomaug,