PSALMS 27:12 - Ottawa New Testament Penteteuch and Psalms 1874

¹² Uhpe nuhguhnuhzhewaud noos kuhya ninguh: ningahoodahpenik owh Jehovah.

PSALMS 27:12 Iomraidhean Croise

PSALMS 140:8

Kagoo doodahwahkan egewh maje‐ezhewabezejig azhenundoodahmookwah: kagoo weedookahwahkan wemujje‐ezhechegawaud, koonemah tahishpanindezoowug.

PSALMS 25:19

O guhnuhwanim ninjechaug kuhya bemahjeeshin: kagoo puggednuhmahweshin cheähgujjeegooyaun kedabwayanemin mah.

PSALMS 31:8

Kahween kegekebahquahoose emuh ooneenjewaung egewh mahgahzhejig: kegeähtoonun nesittun emuh manguttayaug wegewauming.

PSALMS 35:11

Kepuhsegweewug egewh kakenuhwishke‐debahjemoojig: ningekuhkenuhwishke‐bahtahmegoog enewh uhyeëen kakanduhsewaunin.

PSALMS 35:25

Kahween tahekedoosewug emuh oodaëwaung mesuh ananduhmaung cheëzhewabuk: kah dush oo‐oo tahekedoosewug emuh oodaëwaung, Ningekedaumwahnaun.

PSALMS 38:16

Ningeëkid mah bezinduhweshin, koonemah tahgemoojegezewug egewh mahgahzhejig oonje mahmauzheëwaud: uhpe pakiddashinaun me uhpe kechetwahwanindezoowaud mahgahzhejig.

PSALMS 41:11

Mesuh wanje‐kekanduhmaun shahwanemeyun: ewh mahmauzheësig owh shaunganemid.

PSALMS 41:2

Jehovah oogahguhnewanemaun enewh, kuhya oogahbemahjeäun; tahshahwandahgooze suh oomah uhkeeng: kegahguhnuhwanemah dush cheshahgoojeëgoosig enewh shaunganemegoojin.

EXODUS 20:16

Kahween kegahkuhkenuhwishke‐bahtahmahse keejduhnuhkewamahgun.

OODEZHECHEGAWINEWAH 26:11

Nuhningim dush ningekooduggeäug emuh kuhkenuh ahnuhmeä‐weguhmigoong, kuhya ningewekoojeäug ketwa chemujje‐kezhwawaud; kahahpeechsheenganemugwah, ningenoosoonaäug emuh penish pakaunukin keche‐oodanahwun.

OODEZHECHEGAWINEWAH 9:1

Saul dush, kepahbahsagemaud kuhya kepahbahnesaud enewh ookekenooähmahgunun owh Tabaningad, oogehahnun enewh keche‐sahsahgewejega‐wenenewun,

DEUTERONOMY 19:16

¶ Kishpin kakenuhwishkid dabahjemood puhsegweed gagoo weënahjemaud ahweyah enenewun ewh wanezheshinsenoog;