PSALMS 23:6 - Ottawa New Testament Penteteuch and Psalms 1874

⁶ Ningahnoopenuhnegoonun dush shahwanemegoowin kahya keshawahdezewin menik kaähkoobemahdezewaunan: kahgenig dush ningahdah emuh oowegewauming owh Jehovah.

PSALMS 23:6 Iomraidhean Croise

PSALMS 103:17

Kahgenig uhpena kahgenig Jehovah oogahshahwanemaun enewh quasegoojin: kuhya oogahmenoo‐doodahwaun enewh kaähneka‐negenejin.

PSALMS 16:11

Kah mah kegahnuhguhnahse ninjechaug ewede ahnahmahkumming: kah dush kegahpuhgedenahse owh pahnezid sahyahgeüd cheähyaud emuh nishwuhnahdezewining.

PSALMS 17:15

Neen dush ween, kegahmechewahbuhmin emuh quuhyuk ezhewabezewining: ningahtabeganim uhpe quashkooseyaun azhenahgoozeyaun debishkoo keen azhenahgoozeyun.

PSALMS 21:4

Kegenundooduhmaug bemahdezewin, kegemeenah dush: chebemahdezid kahgenig kuhya kahgenig.

PSALMS 27:4

Pazhig uhyeëe ningenundooduhmahwah owh Jehovah mesuh ewh kaöondoonaähmaun: chedahyaun emuh oowegewauming owh Jehovah kuhkenuh kezhegudoon menik kabemahdezeyaun chewahbunduhmaun oopezhegandahgoozewin owh Jehovah kuhya chekuhgwadwayaun emuh oodahnuhmeäweguhmigoong.

II. CORINTHIANUN 1:10

Me suh owh kahmeetahgwanuhmooweyungid ewh keche‐neboowin, kayahbe dush nemeetahgwanuhmahgoonaun: me suh owh apanemooyaung kayahbe wemetahgwanuhmooweyungid;

II. CORINTHIANUN 5:1

Nekekandahmin mahween kishpin bahnahjechegahdag oomah uhkeeng abeetuhmaung puhpuhgewuhyaune‐guhmig, nindahyahmin oodoozhegawin owh Keshah‐Muhnedoo, wahkahegun ooneenjemaung kahoozhechegahdasenook, kuhyahgega‐ahyahmahguk ewede keche‐kezhegoong.

PHILIPPIANUN 1:23

Nahwuhyeëeng muh nindahyah neezh nunduhwanduhmoowinun, nunduhwanduhmaun chemahjahyaun cheweejewug dush owh Christ; ahwahshema minwandahgwud suh ewh:

II. TIMOTHEUSUN 4:18

Kuhya owh Tabaningad ningahekoonik emuh oonje kuhkenuh mujje‐ahnookeewinun, kuhya ningahguhnuhwanemik peenish egoo tagwishenaun emuh keche‐kezhegoong duhshe oodoogemahwewining, mesuh owh kapeshegandahgoozid kahgenig kuhya kahgenig. Amen.