PSALMS 21:9 - Ottawa New Testament Penteteuch and Psalms 1874

⁹ Debishkoo kashahbeketag puhquazhegunekaun, kegahezheäug uhpe nashkahdezeyunin: Jehovah oogahchaugahgoonduhwaug apeech kanishkahdezid, kuhya tahchaugahkezoowug emuh ishkootang.

PSALMS 21:9 Iomraidhean Croise

GENESIS 19:28

Sodoming dush kuhya Gomorrahing enuhkuhkayah keënahbe, kuhya enuhkukkayah kuhkenuh mushkoota uhkeeng, benuh dush, oogewahbundaun bahquananig uhkee debishkoo ningahpekezegun azhebuhquanag.

PSALMS 106:17

Ketahwunemahgud uhkee, keäumwah dush Dathan: kuhya keähgwahnahwahwun Abiram oodooshkenegemun.

PSALMS 18:38

Ningemahkegunahmaug chepwahnuhwetoowaud wenebahwewaud: kepungeshinoog emuh ahnahmuhyeëe nesittun.

PSALMS 18:8

Emuh oonishkahkezewining keöonjepuhquana: kuhya chuhyahgezewamahguk ishkooda keöondahkitta emuh oonje oodooning kesuhkuhegahdanoon enewh uhkuhkunzhan emuh.

PSALMS 2:12

Umba oojeemik owh Wagwissemind, koonemah tahgenishkahdeze, kenuhwah dush kedahgebahnahdezeem oonje meekunaung: wuhyebah mah tahpiskunane oonishkahdezewin; shahwandahgoozewug kuhkenuh egewh apanemahjig enewh.

PSALMS 2:5

Me‐dush uhpe chekuhnoonaud magwah niskahdezid: kuhya oogahsagemaun apeech kanishkanemaud enewh.

PSALMS 50:3

Tahpetuhgwishin ke‐Kesha‐Muhnedoomenaun kah dush tahpezaunuhbese: anebemoosad tahnegahnemahgud chuhyahgezooishkoota, kuhya oogahkewetaushkahgoon keche‐noodin.

St Matthew 13:42

Cheähpuhgenahnid dush eshkootawine‐ningezegawining: me emuh kaduhzhe‐ahyahshequang kuhya mahmuhtwayahbettasang.

St Matthew 13:50

Oogahahpuggenahwaun dush emuh ishkootawine ningezegawining: emuh kaduhzhe‐ahyahshequang kuhya kaduhzhe‐mahmuhtwayahbittasang.

St Matthew 22:7

Uhpe dush owh Keche‐oogemah kahnoondung, kenishkahdeze; oogemahjenahzhahwaun dush enewh ooshemahguneshemun, kebahnahjeäud dush oonoo nashewanejin, kechahgezahmahwahwaud dush oodoodanahwene.

St Matthew 25:41

Medush oo‐oo kaënaud emuh oonuhmunjenikaung ayahnejin, Ahwus nuhguhnuhzheshig kenuhwah kagwahnesuggandahgoozeyag, emuh kahgega‐ishkootang, kahwahwazhetahmahwindepun owh mujje‐muhnedoo kuhya enewh oomezhenahwamun.

St Matthew 25:46

Medush oogoo kaëzhahjig emuh kahgega‐kooduggezewining: egewh dush quuhyuk‐azhewabezejig emuh kahgega bemahdezewining.

St Matthew 3:10

Noongoom dush enenegahda ewh wahgahquud emuh oojebekahwaung egewh metigoog; anduhchid dush metig manoo‐menewesig tahkahwahegahzoo, tahahpuggenah dush emuh ishkootang.

St Matthew 3:12

Oowapasechegun suh ootuhkoonaun, wahweenga dush oogahpenetoon ewh oomechesuhgoom, oogahsuhguhkenaun dush enewh oomezemenansemun emuh meejeme-guhmigoong, oogahchahgahkezaun dush enewh shegoo-nooshkahjegunun emuh ishkootang wekah kaähtasenook.

DEUTERONOMY 32:22

Ishkooda nah biskuhnamuhgud nenishkahdezewining, kuhya peenish egoo ewede ahpeje duhbuhzheesh ahnaumuhkummig tahenahkeda, tahchahgedamuhgud dush uhke kegeketegaun, kuhya tahsuhkedawun enewh wuhjewun ooduhshoojesejegunewaun.

THESSALONIANUN 2:16

Kenahahmahweyungidwah cheguhnoonemungidwah egewh mayuggezejig chebemahjeïndwahpun: oomooshkenuhtoonahwah ewh tebahegun wanje‐tebahegahdanig oomujje‐ezhewabezewinewaun: magwah dush oopeöodisse-goonahwah keche nebewah ewh nishkahdezewin.

II. THESSALONIANUN 1:8

Cheähzhittah‐kooduggeäud enewh kakanemahsenenejin enewh Kesha‐Muhnedoon, kuhya duhyabwatuhsenenejin oominwahjemoowin Tabanemenung Jesus Christ:

REVELATION 19:15

Emuh dush oodooning keöonjesane kahnaug ahzhahwashk, mesuh ewh kaähyood chepukketawaud enewh mayugezenejin; pewahbikoo oogemah‐suhkuhoon oogahahyoon cheöogemahkundahwaud enewh: ootuhkookahdaun dush ewh shoowemin‐ahbookaun, mesuh ookeche‐nishkahdezewin owh Mahyahwahwe‐mushkahwezid Kesha‐Muhnedoo.

REVELATION 20:14

Neboowin dush kuhya ahnahmuhkummig keähpuggechegahdanoon emuh ishkoota sahguheguning. Mesuh neezhing neboong.