PSALMS 21:11 - Ottawa New Testament Penteteuch and Psalms 1874

¹¹ Keënanduhmoog mah chemujje‐doodookwah: oogenahnahgahdahwandahnahwah mujje‐nahnahgahdahwanduhmoowin, kah dush kekushkeöosewug chetakezhetoowaud.

PSALMS 21:11 Iomraidhean Croise

PSALMS 10:2

Owh majeëzhewabezid, apeech menahdanemood oonoosoonawaun enewh katemahgezenejin: mahnoo oogahwuhyazhemegoonahwah enewh wuhyazhingawiwun wenuhwah tebenuhwa kahoozhetoopuneen.

PSALMS 109:13

Jehovah oogahmequandaun kahmujje‐ezhewabezenid oosebuneen: kuhya oogeen oomujje‐ezhewabezewin kahween tahkuhseebeëgahdasenene.

PSALMS 2:1

Ahnishwin keche‐nishkahdezewaud egewh anuhmeähsegoog weedookuhdahdewaud: kuhya dush egewh ahnishenahbag ahnishwin nahnahgahdahwanduhmoowaud kuhkebahdezewin?

PSALMS 31:13

Ningenoondahga azhemujje‐duhzhemewaud nebewah bamahdezejig: ningekewetaushkahgoon sagezewin: magwah kuhnoonindewaud nundahneshewaud.

PSALMS 35:20

Kah mah ooduhzhinduhsenahwah pezaunezewin oonahnahgahdahwandahnahwah ewh mujje‐uhyeëewish chemujje‐doodahwahwaud enewh pezaun ayahnejin oomuh uhkeeng.

PSALMS 83:4

Oo‐oo keëkedoowug, umba bahnahjeähdwahnig cheähnishenahbawesigwah: kah dush menuhwah wekah tamequanjegahdane oodezhenekahzoowin owh Israel.

St Matthew 2:16

Uhpe dush owh Herod kahwahbundung kepahpenoodahgood enewh nebwahkah‐wenenewun, kekeche‐nishkahdeze, ooogemahjenahzhahwaun dush enewh kanesahnejin kuhkenuh enewh ahbenoojeyun emuh Bethleheming ayahnejin kuhya emuh kewetuhyuhee, nauzhoo‐pepoon‐uhgezenejin kuhya nahwuj agahsheënejin, nahsaub kahezhewahweenga‐kuhgwajemaud enewh nebwahkah‐wenenewun.

St Matthew 2:8

Oogeëzhenahzhahwaun dush ewede Bethleheming, oo‐oo dush oogeënaun; Mahjahyook wawane nundoonaöok owh ahbenooje, uhpe dush kemekahwag peweendahmooweshekag menuhwah, kuhya neen suh cheähweshahgushkeetahwug.

St Matthew 21:46

Uhpe nunduhwanduhmoowaud chetuhkoonahwaud, oogekoosahwaun enewh ahneshenahban, aunwahchega‐weneneeng muh oogeühyenanemegoon enewh.