PSALMS 2:7 - Ottawa New Testament Penteteuch and Psalms 1874

⁷ Ningahwahweendaun ewh enahkoonegawin: oo‐oo ningeïk Jehovah, wingwis suh kedow, noongoom kezheguk kegeöogwissemin.

PSALMS 2:7 Iomraidhean Croise

PSALMS 148:6

Oogeühyeenjesittoonun kahgenig uhpena kahgenig cheduhgoomahguk: oogeähtoon tebahuhkee‐kekenoowahjechegun kakuhbekahjegahdasenook.

PSALMS 89:27

Debishkoo andoodahwind netumoojaun mesuh kadoodahwug: nahwuj tahishpandahgooze dush ween uhkeeng duhzhe keche‐oogemaug.

St Matthew 16:16

Simon Peter dush oogenuhquatuhwaun oo‐oo keënaud, Kedow suh owh Christ, oogwissun owh bamahdezid Kesha‐Muhnedoo.

St Matthew 17:5

Magwah dush kayahbe kekedood, benuh waysayahnuhquud oogeähgahwahtashkahgoonahwah: Benuh dush emuh ahnuhquuhdoong keöonjebahmahgud ewh ahnemetahgoozewin oo‐oo keëkedoomahguk, Mesuh wahowh ningwis kache‐sahgeüg, mesuh manwanemug; bezendahwik suh.

St Matthew 3:17

Benuh dush keche‐kezhegoong keönzetahgwud ewh enwawin oo‐oo akedoomahguk, Mesuh wah‐owh ahyahwid suhyahgeüg ningwis kahmenoonahwaïd.

St Matthew 8:29

Benuh dush, kekeche‐pepahgewug, oo‐oo keëkedoowug, Ahneen kadoodahdeyung keen Jesus wagwessemik owh Kesha Muhnedoo? chekooduggeëyaung nuh chepwah oojechesag kepeoonjeëzhah?

ST. JOHN 1:14

Owh dush Ekedoowin keweyahseweäh, kuhya kegeweejekuhbashemegoonaun, kegewahbundahmin dush ween oopeshegandahgoozewin, tebishkoo azhepeshegandahgoozenid enewh puhyazhegoonejin oogwissun owh Wayoosemind, mooshkenashkahgood ewh shahwanjegawin kuhya ewh tabwawin.

ST. JOHN 1:18

Kah wekah ahweyah oogewahbuhmahseen enewh Kesha‐Muhnedoon; owh atuh puhyazhegood Wagwisssemind, ayaud emuh oopeendoomooning owh Wayoosemind, mesuh owh kahdebahjemaud enewh.

ST. JOHN 3:16

Kahahpeech‐shahwandung owh Kesha‐Muhnedoo ewh uhkee oogeöonjemeegewanun tebenuhwa oogwissun nuhyatahwezenejin, ahwagwan dush duhyabwayanemahgwan chebahnahdezesig, cheähyaung suh dush ewh kahgega‐bemahdezewin.

OODEZHECHEGAWINEWAH 13:33

Kesha‐Muhnedoo oo‐oo kegedebishkoosetahmahgoonaun kenuhwind wanejahnesemenungwah, ewh keähbejebahaud enewh Jesusun; debishkoo azhebeëgahdag emuh neezhing psalming, Keen kedow Ningwis, noongoom kezheguk kegeöogwissemin.

OODEZHECHEGAWINEWAH 8:36

Magwah dush uhneähpesekaud, ketuhgwishinoog emuh anduhzhe nebeekaug: owh dush eunuch oo‐oo keëkedoo, Mesuh maunduh nebee; wagoonan kaöonje‐baptizoomegoosewaun?

ROMANUN 1:4

Keënahjemind dush cheöogwissemegood enewh Kesha‐Muhnedoon emuh mushkahwezewining, kahezheähyahnid Kache‐peenezenejin oojechaugwun, uhpe kahahbejebaud oonje neboowining:

HEBREWUN 3:6

Christ dush ween debishkoo owh wagwissemind wagemahkundung tebenuhwa oowegewaum; oowegewaum suh kenuhwind kedahwemin, kishpin minjemanduhmung ewh ahpanemoowin kuhya ewh mwahjegandahgwuk nunduhwanduhmoowin nahnauzh ishquah‐bemahdezeyung.

HEBREWUN 5:5

Kah suh dush kuhya ween Christ kepezhegandahgooëdezoose chekeche‐sahsahgewejega‐weneneweïnd; owh atuh oo‐oo kahenaud, Ningwis kedow, noongoom kezheguk kegeöogwissemin.

HEBREWUN 5:8

Ahnuhween goo keöogwissemind oogekekandaun ewh chenuhittung oonje enewh kooduggetoowinun kahkooduggetood;