PSALMS 19:7 - Ottawa New Testament Penteteuch and Psalms 1874

⁷ Kahween mahnahdussenene ootebahkoonegawin owh Jehovah, mesuh wanje‐aunjeïnd oojechaugoomah: oodebahjemoowin owh Kesha‐Muhnedoo keche‐soongunene mesuh wanjenebwahkahindwah egewh kakebahdezejig.

PSALMS 19:7 Iomraidhean Croise

PSALMS 111:7

Oodahnookewinun anuhnookemahgudenig enewh ooneenjeen mesuh dabwawin kuhya quuhyuk tebahkoonegawin: puhkukkandahgwudenewun kuhkenuh ookuhgequawinun.

PSALMS 119:105

Debishkoo wahsuhkoonanjeguning nindenahbujjetoon kedekedoowin bamoosayaunin: chewahsayaug emuh nemeekunaung.

PSALMS 119:111

Nindebandaunun kedebahjemoowinun ahpena kahgenig: nemoojegedaä mah oonje enewh.

PSALMS 119:130

Kedekedoowinun paundegamahgukkin wahsashkahgamahgudoon: mesuh wahjenesittootuhmoowaud egewh kakanjegasigoog.

PSALMS 119:14

Emuh kedebahjemoowine‐meekunaung bemoosayaun: nindoonjemoojegiz, debishkoo kekechetebenuhwawezeyaunbaun.

PSALMS 119:152

Kuhyet ningekekandaun oonje kedekedoowining: keminjemoosittooyun uhpena kahgenig.

PSALMS 119:24

Neminwandaunun kuhkenuh kedebahjemoowinun: nebezindaunun dush.

PSALMS 119:72

Ewh tebahkoonegawin kedooning kahooonjeemahguk: nahwuj nemenoo‐doodahgoon dush ween metauswauk duswahbik oozahwah shooneyaun kuhya shooneyaun.

PSALMS 119:9

Ahneen ooshkenuhwa kaëzhepeenetood oomeekunun: cheguhnuhwandung debishkoo akedoomahguk kedekedoowin?

PSALMS 18:30

Kesha‐Muhnedoo suh oomeekun kagate kepeenudene: kekanjegahda Kesha‐Muhnedoo oodezhewabezewin: ooguhnuhwanemaun kuhkenuh enewh apanemegoojin.

PSALMS 23:3

Oodaunjnegeäun enewh ninjechaugwun: kuhya nindezhesuhgahbegenik emuh menoo‐ezhewabezewine‐meekaunsing oodezhenekahzoowin oonje.

PSALMS 93:5

Nahwuj keche‐mushkahweze owh Jehovah dush ween apetwawajewung: nahwuj mushkahweze dush ween kechekechegummeeng duhzhe tegoowug.

ST. JOHN 5:39

Nunduhkekanduhmook enewh oozhebeëgunun; kedenandaum muh enewh cheoonjeähyahmag kahgega‐bemahdezewin: me dush enewh dabahjemegooyaunin.

OODEZHECHEGAWINEWAH 10:43

Mesuh enewh dabahjemahwahjin kuhkenuh aunwahjega‐wenenewug, ahwagwan kadabwayanemahgwan, oodoonoozoowining tahoonjewabenuhmahwah oomujjeëzhewabezewinun.

ROMANUN 12:2

Kagoo ween azhewabuk oomah uhkeeng nahsaub ezhewabezekagoon: quak‐ezhewabezeyook, ewh aunjesing kedenanduhmoowinewaun, chepuggukkanduhmag ewh oodenanduhmoowin owh Kesha‐Muhnedoo ewh wanisheshing, kuhya manwandahgwuk kuhya quayukwandahgwuk.

ROMANUN 15:4

Wagoodoogwanun suh enewh kuhyet kahoozhebeegahdagebunan chekekenooähmahgooyung keöonje‐oozhebeëgahdawun, kenuhwind emuh aunwahdanduhmoowining kuhya manoo‐daäshkahgamahguk kechetwah‐oozhebeëgunun cheöondenuhmaung ewh ahpanemoowin.

ROMANUN 3:2

Nebewah mezewa gagoo: mamwach, ewh puhgedenuhmoowindwah oodekedoowinun owh Kesha‐Muhnedoo.

DEUTERONOMY 32:4

Me suh owh Ahzhebik, ahpeje oonesheshenene ooduhnookewin: kuhkenuh mah oomeekunun quuhyukezhewabudenewun: Kesha‐Muhnedoo duhyabwad kuhya majeëzhewabezesig, quuhyukezhewabeze kuhya oonesheshe.

COLOSSIANUN 3:16

Mahnoo tahkeche‐meshenud oodekedoowin Kesha‐Muhnedoo peenjenuh keyowewaung emuh kuhkenuh nebwahkahwining; chekekenooähmahdeyag kuhya cheäungwahmindeyag mamashquaud, emuh ahnuhmeähwine nuhguhmoowining, emuh kedaëwaung ahnuhmeähwining cheezhenuhguhmootahwag owh Tabaningad.

II. TIMOTHEUSUN 1:8

Kagoo dush ahgujjetunkan oodebahjemoowin owh Tabanemenung, kagoo kuhya ahgujjetuhwishekan neen kabahquahegahzooyaun ween oonje: keen dush weedookahzoon emuh kooduggeëgoowining oonje ewh minwahjemoowin anandahgwudenig oomushkahwezewin Kesha‐Muhnedoo;

II. TIMOTHEUSUN 2:19

Pooch Kesha‐Muhnedoo oominjemoosechegun soongekahbahwemahgudene ewh atanig maunduh ahkookewussegun, Tabaningad ookekekanemaun enewh tebenuhwa oodahnishenahbamun, Kuhya, Mahnoo kuhkenuh egewh wuhyahweendungig oodoonoozoowin owh Christ oogahwabenahnahwah mujje‐ezhewabezewin.

JAMES 1:17

Kuhkenuh wanesheshingin meegewawinun kuhya kuhkenuh manwandahgwukkin meegewawinun ishpeming oonjemahgudoon, emuh anduhzhe ahyaud owh Wayoosemegood enewh wahsayahzewinun, owh wekah ahyaundahkoonegasig kuhya quakezhewabezesig.

REVELATION 19:10

Ningeöojecheengwuhnesa dush emuh oosittaung cheshahgushketuhwug. Oo‐oo dush ningeïk, Kagoo benuh ezhechegakan: keeje‐buhmeetahgun muh nindow, kuhya pazhik egewh kejekewaüg ayahjig oodebahjemoowin Jesus. Shahgushketow Kesha‐Muhnedoo; chedebahjemind suh owh Jesus mesuh anuhnookeemahgak ewh aunwahjegawin oonje Oojechangoomaung.