PSALMS 18:8 - Ottawa New Testament Penteteuch and Psalms 1874

⁸ Emuh oonishkahkezewining keöonjepuhquana: kuhya chuhyahgezewamahguk ishkooda keöondahkitta emuh oonje oodooning kesuhkuhegahdanoon enewh uhkuhkunzhan emuh.

PSALMS 18:8 Iomraidhean Croise

GENESIS 19:28

Sodoming dush kuhya Gomorrahing enuhkuhkayah keënahbe, kuhya enuhkukkayah kuhkenuh mushkoota uhkeeng, benuh dush, oogewahbundaun bahquananig uhkee debishkoo ningahpekezegun azhebuhquanag.

PSALMS 104:32

Ooguhnuhwahbundaun uhkee, nuhningishkahmahgud dush: ootaungenaunun enewh wahjewun mesuh buhquanag.

PSALMS 11:6

Oonundahkekanemaun suh owh Jehovah enewh manooëzhewabezenejin: oosheenganemaun dush enewh majeëzhewabezenejin, kuhya manwanduhmenejin pahpenuhdahdewin.

PSALMS 21:9

Debishkoo kashahbeketag puhquazhegunekaun, kegahezheäug uhpe nashkahdezeyunin: Jehovah oogahchaugahgoonduhwaug apeech kanishkahdezid, kuhya tahchaugahkezoowug emuh ishkootang.

PSALMS 50:3

Tahpetuhgwishin ke‐Kesha‐Muhnedoomenaun kah dush tahpezaunuhbese: anebemoosad tahnegahnemahgud chuhyahgezooishkoota, kuhya oogahkewetaushkahgoon keche‐noodin.

PSALMS 74:1

Ahnishwin, O Kesha‐Muhnedoo, kahgenig kewabeneyaung? Ahnishwin paquanag kenishkahdezewin azhenishkanemudwah kemahnishtahnishemug ashummudjig?

LEVITICUS 10:2

Kesahguhuhmoomahgud dush ishkoota emuh oonje ayaud Jehovah, kechahgizoowug edush, keneboowug dush anahsuhmid Jehovah.

NUMBERS 11:1

Uhpe dush egewh ahnishenahbag kahnahnahpuhgaunze-tahgoozewaud, Jehovah kenishkahdeze. Jehovah dush oogenoondaun; oonishkahdezewin kuhya kebiskuhnamuhgudene: ewh dush Jehovah oodishkoodam keduhnuhkoonane emah uhyahwaud, egewh dush ashquaühyeëe emuh kuhbashewining kahuhyahjig oogechahgahkezoogoonahwah.

NUMBERS 16:35

Ishkooda dush keöonjebeda ewede uhyaud Jehovah, oogechahgezoogoonahwah dush egewh neenzhwauk uhshe nahnemeduhnuh enenewug kahmenoomahgwahkezegajig.

DEUTERONOMY 29:20

Jehovah kahween oogahmuhwahjeähseen enewh, oonishkahdezewin suh goo owh Jehovah kuhya ewh ookezhah-waningawin tahenahbuhtane emuh uhyaud owh enene, kuhya kuhkenuh enewh kuhgwahnesuhgandahgoozewinun wazhebeëgahdagin oomah muzzenuheguning tahahtanewun wuhgijuhyeëe weyowieg, Jehovah kuhya ooguhkahsebeühmuhwaun oodezhenekahzoowinene oonje uhnaumekezhigoong.

REVELATION 11:5

Kishpin dush ahweyah wemujje‐doodahwaud enewh, oodoonewaung oonjebahmahgudene ishkoota cheöonje‐bahnahjeëmind enewh shaunganemegoowahjin: Kishpin dush ahweyah wemujje‐dooduhwaud, me suh kaëzhenesind.