PSALMS 17:7 - Ottawa New Testament Penteteuch and Psalms 1874

⁷ Wahbunduheshin ewh mamaundahwuk keshahwanjegawin, keen bamahjeüdwah egewh duhyabwayanemikig: chebahnahjeëgoosigwah enewh mahgahduhmenejin, kekechenik.

PSALMS 17:7 Iomraidhean Croise

PSALMS 20:6

Zhuhyegwah dush nekekandaun ewh Jehovah chebemahjeäud enewh kahnuhmuhkoonahjin oogahbezindahwaun dush ewede ishpeming kezhegoong emuh atag menoo‐ezhewabezewin: ewh azhemenoo-mushkahwenikad.

PSALMS 31:21

Tahmahmooyahwuhmah Jehovah: ningemuhmuhkauje‐shahwanemik mah emuh Keche‐oodanaung.

PSALMS 31:22

Uhpe dush keähnemezeyaun ningeëkid, ningenesegoo oonje anahsuhmuhbeyun: pooch kegenoondaun ninduhnemetahgoozewin uhpe keähnuhmeätoonaun.

PSALMS 44:3

Kah mahween oonje tebenuhwa oodahzhahwashkoomewaun oogeöodahpenunsenahwah ewh uhkee: kah dush oogeweedookahgoosenahwah tebenuhwa oonikahwaun.

PSALMS 60:5

Chebemahjeïndwah egewh suhyahgeüdjig: bemahjeëshin kekecheneenj ahyooyun, kuhya bezinduhweshin.

PSALMS 78:12

Anahsuhmenid enewh oosewaun kemahmaundahwejega emuh Egypt uhkeeng emuh Zoaning duhzhe ketegauning.

EXODUS 15:6

Kekecheninj O Jehovah, peshegandahgwud oonje mushkahwezemuhguk: kekecheninj, keühyooyun, O Jehovah, kegeshahshahgooshkuhwaug egewh shaunganemikig.

OODEZHECHEGAWINEWAH 2:33

Ookechenekahning dush enewh Kesha‐Muhnedoon keëzheoombenegahzood, kemeenegood dush enewh Wayoosemindjin enewh Keche‐Oojechaugwun, kahezhewahweenduhmahwindebun, mesuh wanje‐segenuhmahweyummingid oo‐oo noongoom wuhyahbunduhmag kuhya nwaunduhmag.

REVELATION 15:3

Oonuhguhmoonahwah dush oonuhguhmoowin Moses oobuhmeetahgunun Kesha‐Muhnedoo, kuhya oonuhguhmoowin Manishtahnisheens, oo‐oo keëkedoowaud, Keche‐ahpeetandahgwudoon kuhya mahmahkahdandahgwudoon kedahnookewinun, Tabaningayun Kesha‐Muhnedoo mahyahmahwe‐mushkahwezeyun quuhyuk‐ezhewabudoon kuhya dabwamahgudoon kemeekunun oh keen wagemahkundahwudwah egewh manoo‐ahnuhmeähjig.