PSALMS 17:3 - Ottawa New Testament Penteteuch and Psalms 1874

³ Kegekekandaun kuhya kegepenaunzekaun ninda magwah tebekuk: kegenundahkekanim, kah dush gagoo mujje‐uhyeweesh kegemekunse emuh neyowing: ahpeche mah nindenandum kuhnuhga wemujje‐kekedoomahgussenook nindoon.

PSALMS 17:3 Iomraidhean Croise

PSALMS 11:5

Ooshkinzhegoon ahyood oonahnahgahdahwahbuhmaun enewh katemahgezenejin: kuhya ooshkinzhegoo kebahegunun ahyood oonundahkekanemaun enewh enenewug oonejahnesewaun.

PSALMS 119:106

Ningemushkahwahweendahmahga, kuhya ningahezhechega: cheguhnuhwanduhmaun quayukwukkin ketebahkoonegawinnun.

PSALMS 139:1

Jehovah kegekuhgwajewh kuhya kekekanim: kekekandaun nenuhmuhduhbewin kuhya nepuhsegwewin: wahsuh kedoonjenesittootaunun nenahnahgahdahwanduhmoowinun.

PSALMS 139:23

Wahbuhmeshin kishpin kakishkahmoowaunan gagoo mujje‐ezhewabezewin: kuhya suhgahbegeneshin emuh kahgega meekunaung.

PSALMS 16:7

Kagate minwahbuhmenahgwud ewh uhkee tabandahmaun: aahe keche‐oonesheshin netebenuh wawezewin.

PSALMS 26:2

Nundahkekanemeshin O Jehovah: nundahkekandun nekahkoogun kuhya ninda.

PSALMS 39:1

Ningeekid ningahnahnahgahdahwahbundaunun nemeekunun: chepechenahwaëwasewaun nindanuhnewhing.

PSALMS 66:10

Keen mah, O Kesha‐Muhnedoo, kegekuhgwajekekanemim kegepeeneïm debishkoo shooneyah azhepeenejegahdag.

PSALMS 7:4

Kishpin kahmujjedoodahwahwugan wah‐owh kahmenoo‐doodahwid: (kagate ningebemahjeäh peneshe shaunganemid).

OODEZHECHEGAWINEWAH 11:23

Uhpe dush kahpetuhgwishing, kahwahbundung dush ewh ooshahwanjegawin owh Kesha‐Muhnedoo, kewahwezhandum, oogeënaun dush kuhkenuh, cheäunwahjenid emuh oodaëning chedebandahgoozenid emuh Tabaningang.

OODEZHECHEGAWINEWAH 16:9

Paul dush oogewahbundaun wazhebahbunduhmoowin nebahtebik; Kenebahwewun Macedoniaïng duhzhe enenewun kepahgoosanemegood, oo‐oo keëgood, Macedoniaïng peëzhahkun, cheweedookahweyaung.

I. CORINTHIANUN 4:4

Kah muh nekekanindezoose gagoo; kah dush oo‐oo nindoonje‐quuhyuk‐ezhewabezeëgoozese; owh suh tabahkoonid me suh owh Tabaningad.

II. CORINTHIANUN 1:12

Mesuh oo‐oo wanje‐moojegezeyaung, ewh tebahjemoomahguk nekekanindezoowinenaun, emuh menoo‐ezhewabezewining kuhya emuh Kesha‐Muhnedoo oodabwawining, kahween emuh weyausewe‐nebwahkahwining, emuh atuh ooshahwanjegawining owh Kesha‐Muhnedoo, keëzhebemahdezeyaung oomah uhkeeng, mamwach edush kenuhwah enuhkayah.

JAMES 3:2

Nuhningim mahween kuhkenuh anduhsheyung kemujje‐ezhechegamin. Kishpin ahweyah mujje‐ezhewabezesig emuh ekedoowining, me suh owh ahpeche quuhyuk‐ezhewabezid, ookushketoon dush cheshahgoojetood anegookwahnig tebenuhwa weyow debishkoo azheshahgoojeïndwah papazhegookunzheeg nabedoonabejegun ayoong.

I. PETER 1:7

Chekuhgwatebanduhming kedabwayanduhmoowinewah ahwahshema kache‐ahpeetandahgwuk dush ween ewh oozahwah‐shooneäh natuh‐bahnahduk, ahnuhween goo ishkootang oonje‐nunduh‐kekanjegahdag, cheëzhemekahjegahdag cheöonje‐minwandahgoozeyag kuhya chekechetwahwandahgoozeyag kuhya chepeshegandahgoozeyag uhpe nahyahgoozid Jesus Christ: