PSALMS 16:6 - Ottawa New Testament Penteteuch and Psalms 1874

⁶ Owh Jehovah me suh owh netebenuhwawezewin ahyahwid kuhya nemenequahjegun; kegahguhnuhwandaun netebenuhwawezewin.

PSALMS 16:6 Iomraidhean Croise

PSALMS 61:6

Keen mah kegebezindahnun nindahnuhmeäwinun: kegemeezh ootebenuhwawezewinewaun egewh quatungig kedezhenekahzoowin.

PSALMS 78:55

Oogesahgejenahzhawaun enewh mayugezenejin ahnishenahban, kuhya oogemeenaun enewh tebenuhwa oodahnishenahbamun ewh uhkee chedebanduhmenid: kuhya oogeënahkoonaun enewh Israelitun chedahnid emuh puhpuhguhwahyaune‐guhmigoong.

ST. JOHN 20:17

Jesus dush oo‐oo oodenaun, Kagoo taungenishekan, kah muh muhshe ningeëzheöombishkahse ewede anduhzhe‐ahyaud owh Noos, ezhaun suh goo egewh nejekewaüg oo‐oo dush ezheh, Nindezheöombishkahnun owh Noos kuhya kenuhwah Koosewah, Nekezha‐Muhnedoom kuhya kenuhwah ke‐Kesha‐Muhnedoomewah.

ROMANUN 8:17

Kishpin dush oonejahnesemegooyung, me ewh kaoonje‐debandahzooyung; chedebanduhmung Kesha‐Muhnedoo ooduhyeemun kuhya cheweej‐debandahsoomung owh Christ; kishpin dush oo‐oo azheähyahyung cheweeje‐kooduggetoomung, ewh edush nuh kuhya kenuhwind mahmahwe cheweeje‐peshegandahgoozemung.

EPHESIANUN 1:18

Chewahsayahmahguk enewh kenesittootumoowine-ooshkinzhegoomahwaun: cheöonje‐kekanduhmag anandahgwuk azheähpanemooyag oonundoongawin, kuhya azhewahnuhdezemahguk ewh pazhegandahgwuk debandahsoowaud egewh anuhmeähjig,

II. TIMOTHEUSUN 2:12

Kishpin kooduggetooyung, kegahweej‐oogemahwemahnaun: kishpin ahgoonwatuhwung, kuhya ween egoo kegahahgoonwatahgoonaun:

HEBREWUN 12:2

Guhnuhwahbuhmung Jesus owh kahoozhetood kuhya kahkezhetood kedabwayanduhmoowinenaun; owh oonje ewh moojegezewin anahsuhmuhyeëe kahahtahmahwindebun, keöodahpenuhmahzood ewh ahzhedayahtikoo‐kooduggetoowin, kebahbahmanduhsig ewh ahgujjewin, noongoom dush nuhmuhduhbid emuh ookechenekaunewunenig oodoogemah‐wuhbewin owh Kesha‐Muhnedoo.

REVELATION 3:21

Owh dush kamahmauzheëwad ningahpuggedenuhmahwah cheweeduhbemid emuh nindoogemah‐wuhbewining, debishkoo kuhya neen kemahmauzheëwayaun, kuhya weeduhbemug Noos emuh oodoogemah‐wuhbewining.