PSALMS 142:7 - Ottawa New Testament Penteteuch and Psalms 1874

⁷ Sahgejeweezh ninjechaug oonje kebahquahoode‐weguhmigoong cheöonjemahmooyahwahganduhmaun kedezhenekahzoowin: ningahkewetahkah-bahwetahgoog egewh quayukwahdezejig uhpe keshahwanemeyun.

PSALMS 142:7 Iomraidhean Croise

PSALMS 116:7

Peëzhekewan emuh kedaunwabewining, O Ninjechaug: kegekeche‐tabeïk mah owh Jehovah.

PSALMS 119:17

Shahwanim kebuhmetahgun chebemahdezeyaun: ningahguhnuhwandaun dush kedekedoowin.

PSALMS 119:74

Egewh quasikig ningahwahbuhmegoog kuhya tahmoojegezewug; ningeähpanemoon mah kedekedoowin.

PSALMS 13:6

Ningahnuhguhmootahwah Jehovah: oonje kekecheshahwanemid: aahe ningahmahmooyahwahmah owh Jehovah mahyahmahwe‐ishpuhbid.

PSALMS 142:1

Ningenuhnaumdoomah Jehovah kenoondahgoozeyaun: kenoondahgoozeyaun ningeähnuhmeätuhwah Jehovah.

PSALMS 143:11

Bemahjeëshin, O Jehovah, oonje kedezhenekahzoowin: kuhya kediskewh ninjechaug oonje oojahnemezewining, oonje kequuhyukwahdezewin.

PSALMS 143:9

Kediskeëshin Jehovah oonje egewh shaunganemejig: kenahzhenezhemin chekahzooëdezooyaun.

PSALMS 146:7

Owh quuhyuk tabahkoonaud enewh maje‐doodahwinmenejin. Owh ashummaud enewh pakuddanejin: Jehovah oopuggedenaun enewh kabahqua-egahzoonejin.

PSALMS 31:8

Kahween kegekebahquahoose emuh ooneenjewaung egewh mahgahzhejig: kegeähtoonun nesittun emuh manguttayaug wegewauming.

PSALMS 34:2

Ninjechaug tahmuhmequahzoo oonje enewh, Jehovahun; tahnoondahgawug egewh agahsanemoojig, tahmoojeganduhmoog dush.

PSALMS 38:20

Nesheenganemegoog suh egewh maje‐doodahwahjig enewh manoo‐doodahgoowahjin: oonje mekinduhmaun ewh wanesheshing.

PSALMS 9:14

Cheöonjewahbundahewayaun kepezhegandahgoozewin emuh ishquaundamewung oodoodanahwun owh Zion oodahnun. Ningahmoojegezetaun ewh kebemahjeëwawin.

PSALMS 9:3

Uhpe kequakuhgahbahweïndwah egewh shaunganemejig: tahpungeshinoog kuhya tahbahnahdezewug emuh anahsuhmuhbeyun.

OODEZHECHEGAWINEWAH 2:24

Enewh Kesha‐Muhnedoo kahahbejebahahjin, kahahbahung kahezhetuhkoobenegood ewh wahsuhgandahgwuk neboowin, kah muh ween keënandahgoozese cheminjemenegoopun.

JAMES 5:11

Benuh dush, shahwandahgoozewug kedenanemahnahnig egewh swaunguhmunduhmoojig enewh kooduggetoowinun. Kegenoondaum owh Job kahezheshuhshebandung, kuhya kegewahbundahnahwah kaguhpe kahdoodahgood enewh Tabaninganejin; azhekeche‐ketemahganjegad owh Tabaningad, kuhya azhekeche‐shahwanjegad.