PSALMS 141:5 - Ottawa New Testament Penteteuch and Psalms 1874

⁵ Mahnoo ningahpuhkittaöok owh manoo‐ezhewabezid kuhya ningahpuhzhunzhaïk emuh shahwanjegawining: kuhya mahnoo ningahnuhneebikeemik, debishkoo pemedang ningahuhyenandaun kuhween ningahshahshahgoondebashkahgooseen: pooch ningahahnuhmeätuhmahwaug uhpe ahyahnemezewahjin.

PSALMS 141:5 Iomraidhean Croise

PSALMS 125:4

Menoodoodow, O Jehovah, egewh manoo‐ezhewabezejig: kuhya egewh quayukoodaäjig.

PSALMS 23:5

Kewahwazhetoon mah nindoodoopoowin emuh anahsuhmewaud egewh shaunganemejig: kegeseegenuhmow emuh nishtequauning noomenegun; pahzhetabe nemenequahjegun.

PSALMS 51:18

Minwandun chemenoo‐dooduhmun Zion: oozhetoon Jerusaleming duhzhe wahkahegunun.

LEVITICUS 19:17

¶ Kahween kegahsheenganemahse kekahnis emuh kedaïng: ahbetik kegahnuhneebikemah keejeduhnuhkewamahgun, kah dush kegahpuggedenuhmahwahse chemujje‐ezhechegad.

St Matthew 5:44

Neen dush ween kedenenim, Sahgeïk egewh shaunganemenagoog kuhya menoo‐guhnoonik egewh maje‐guhnoonagoog; menoo‐doodahwik egewh shaunganemenagoog kuhya ahnuhmeätuhmahwik egewh majeduhzhemenagoog kuhya egewh quatuhgeënagoog.

GALATIANUN 6:1

Nejekewaëdoog, kishpin ahweyah enene uhdemenegood ewh mujje‐ezhewabezewin, kenuhwah kakishkahwag owh Keche‐Oojechaug, nayaub ezhekewawenik emuh shahwanjegawin‐oojechaugoomaung; nahnahgahdahwanindezoon koonemah kuhya keen kegahkuhgwatebanemegoo.

REVELATION 3:19

Kuhkenuh egewh suhyahgeügig nenuhneebikemaug kuhya nepuhzhunzhawaug: minwawezin dush ween, kuhya aunuhwanindezoon.