PSALMS 141:2 - Ottawa New Testament Penteteuch and Psalms 1874

² Debishkoo menoo‐mahgoojeguning kegahuhyenandaun nindahnuhmeäwin: ewh nindoombeneenjewin debishkoo oonahgooshe‐sahsahgewejeguning.

PSALMS 141:2 Iomraidhean Croise

PSALMS 134:2

Kenuhwah kuhya tabikuk nahbahweyag emuh oowegewauming owh Jehovah, emuh oodahnuhmeäweguhmigoong Kekesha‐Muhnedoomenaun.

PSALMS 28:2

Bezinduhmooweshin nindahnuhmeähwinun uhpe anuhmeätoonaunin: uhpe zhabenikaneyaunin emuh kekechetwah‐ahnuhmeä‐weguhmigoong anuhkuhkayah.

PSALMS 5:3

Ninduhnemetahgoozewin kegahnoondaun kakezhabahwahgukkin O Jehovah: kekezhab kegahahnuhmeätoon, kuhya ishpeming kaënahbeyaun.

PSALMS 63:4

Mesuh kaëzhewahwezhanemenaun menik kabemahdezeyaun: ningahoombenaunun neneenjeen emuh kedoonoozoowining.

EXODUS 29:39

Owh pazhig mahnishtahnisheens‐kegahsahsahgewejeganun kakezhabahwuhgukkin; owh dush menuhwah pazhig mahnishtahnisheens kegahsahsahgewejeganun wanahgooshegin:

EXODUS 35:15

Kuhya ewh menoomahgwahkezegune‐sahsahgewejegunahbik, kuhya enewh metigoonsun dabandahgwukkin emah, kuhya ewh noomenega‐pemeda, kuhya ewh manoomahgwuk menoomahgwahkezegun, kuhya ewh kaühgoodag emah ishquaundaming anepeendegamoog ewh puhpuhgewuhyaune‐ahnuhmeäwegummig.

NUMBERS 16:35

Ishkooda dush keöonjebeda ewede uhyaud Jehovah, oogechahgezoogoonahwah dush egewh neenzhwauk uhshe nahnemeduhnuh enenewug kahmenoomahgwahkezegajig.

OODEZHECHEGAWINEWAH 3:1

Owh dush Peter kuhya John keühneweejeendewug keëzhahwaud ewede keche‐ahnuhmeä‐weguhmigoong uhpe wajechesanig cheähnuhmeähwaud, me ewh shaungussoo‐tebahegun.

I. TIMOTHEUSUN 2:8

Benuh dush, nindenandum mezewa cheähnuhmeähwaud enenewug, oombenuhmoowaud pahnudenegin ooneenjemaun, kuhnuhga nishkahdezesigwah kuhya ahgoonwatunsigwah.

REVELATION 5:8

Uhpe dush kahoodahpenung ewh muzzeneuhegun, egewh newin ahwaseeyug kuhya egewh neezhtuhnuh ahshe newin katezejig kepungeshinoog anahsuhmid Mahnishtahnisheens, kuhkenuh tuhkoonuhmoowaud enewh muhtwawajegunun, kuhya oozahwah‐shooneäh oomoodansun mwaushkenanig enewh menoomahgoojegunun, mesuh enewh oodahnuhmeähwinewaun egewh manoo‐ahnuhmeähjig.